Duk Labarai

Mataimakin shugaban jam'iyyar APC na yankin arewa, Ali Bukar Dalori ya maye gurbin Abdullahi Umar Ganduje a matsayin shugaban jam'iyyar na riƙo. Wannan na zuwa ne bayan tsohon gwamnan na jihar Kano ya ajiye muƙamin a ranar Juma'a, sannan aka naɗa Dokta Ali Bukar Dalori a matsayin wanda zai riƙe muƙamin, kafin a kai ga zaɓen wanda zai maye gurbinsa. Mutane dai sun yi zargin ruwa ba ya tsami banza, ko kuma dai da walakin goro a miya amma uwar jam'iyyar ta yi watsi da wannan hasashe. Bala Ibrahim shi ne daraktan yaɗa labarai na jam'iyyar ta APC, ya ce "Game da batun wanda zai maye gurbin shugaban jam'iyyar da sauka, dama jam'iyya na da kundin tsarin mulki wanda ya yi tanadi irin wannan wanda idan shugaban jam'iyya ya sauka daga muƙaminsa to za a zaɓi ɗaya daga cikin mataimakansa biyu...

A ranar Juma'a ne shugaban jam'yyara APC na Najeriya, Abdullahi Umar Ganduje ya a jiye muƙaminsa na jangorancin jam'iyyar. Tsohon gwamnan jihar Kanon ya sauka da muƙamin nasa ne bayan shafe kusan shekara biyu riƙe da shugabancin jam'iyyar a matsayin riƙo bayan saukar Sanata Abdullahi Adamu. Wasu majiyoyi daga fadar shugaban Najeriya sun tabbatar wa BBC cewa Ganduje ya ajiye muƙamin ne bayan da fadar shugaban ƙasa ta umarce shi da yin hakan. "Da gaske ne Ganduje ya sauka tun ranar Alhamis aka ba shi umarnin ya rubuta takardar murabus, a ranar Juma'a da safe miƙa takardar," in ji majiyar. Kusan a iya cewa ya zama al'ada a tsarin siyasar Najeriya kusan duka mutanen da suka jagoranci manyan jam'iyyun ƙasar ba sa wanyewa lafiya da muƙaman nasu. Wasu daga cikinsu ana dakatar da su...

Wannan jadawalin shuwagabannin jam'iyyar APC ne da aka taba yi daga shekarar 2013 zuwa yanzu. 1. Chief Bisi Akande: 2013 - 20142. Chief John Odigie-Oyegun: 2014 - 20183. Comrade Adams Oshiomhole: 2018 - 20204. Mai Mala Buni: 2020 - 20225. Senator Abdullahi Adamu: 2022 - July 20236. Senator Abubakar Kyari (Acting). July 2023 - Aug 20237. Dr. Abdullahi Ganduje: 2023-2025.

Shugaban kasa, Bola Ahmad Tinubu ya bayyana cewa, Gwamnatinsa ta 'yan Najeriya ce kuma ayyukansa dan ci gaban Najeriya ne. Shugaban ya bayyana hakane ranar Juma'a a wajan kaddamar da wani titi daya gina a Abuja da ya hada Kabusa da Ketti. Shugaban yace yana nan kan bakansa na samarwa 'yan Najeriya da makamashi, Tituna, makarantu da Asibitoci.

Shugaba Bola Tinubu ya naɗa Ismael Ahmed, tsohon hadimin tsohon Shugaba Muhammadu Buhari, a matsayin Shugaban Hukumar Presidential Compressed Natural Gas Initiative (PCNGi). Wannan shiri na gwamnati na da nufin rage radadin cire tallafin fetur ta hanyar samar da makamashi mai araha da tsafta. Ismael Ahmed ya kasance mai ba Buhari shawara kan Shirin Tallafin Jama'a tsakanin 2018 zuwa 2022. Ya kammala karatunsa na lauya a Jami’ar Abuja, sannan ya samu digirin digirgir a fannin Hulɗar Ƙasashen Duniya daga Jami’ar Webster da ke Amurka.

Kasar Faransa ta Haramta shan taba sigari a bainar jama'a. Kasar tace ta haramta shan taba a wajan shakatawa dake gabar tekuna da wajan jiran ababen hawa da sauransu. Tun a baya dai kasar take ta bayyana aniyar son hana shan taba amma sai wannan karin ta samu nasarar aiwatar da aniyarta. Rahotanni na bayabayannan sun ce akalla mutane miliyan 7 ne ke mutuwa saboda taba sigari a Duniya.

Bankin Duniya ya bayyana cewa, Talakawa na karuwa sosai a Najeriya dama wasu sauran kasashe 38 na Duniya. Bankin yace hakane a wani babban rahoto da ya fitar tun bayan bullar cutar Korona a shekarar 2020. Bankin yace jimullar mutane Miliyan 421 ne ke fama da matsanancin talauci a Duniya. Bankin ya kara da cewa, mutanen basa samun akalla Dala $3 a kullun wanda kwatankwacin Naira dubu biyar kenan. Bankin ya alakanta hakan da matsalolin tsaro da sauransu. Ya kuma yi gargadin yawan matalautan na iya karuwa zuwa mutane Miliyan 435 nan da shekarar 2030.

Kungiyar likitoci ta gargadi masu shafa ma kara hasken fata da cewa suna cikin hadarin kamuwa da munanan cutuka irin su ciwom suga, Kansa, da ciwon Koda. Dan haka kungiyar Likitocin me suna NAD ta bayyana cewa zai fi kyau mutane su rika barin fatarsu yanda take dan hakan zai fi basu kwanciyar hankali. Shugaban Kungiyar Likitocin, Prof. Dasetima Altraide ne ya bayyana hakan a wajan wani taron karawa juna Sani da ya faru a Legas. Yace yawanci sinadaran da aka hada man dasu ne ke jefa mutanen dake amfani da mayukan hasken fatar cikin matsalar rashin lafiya.

Inna Lillahi wa’inna ilaihi Raji’un Allah yayi wa fitaccen Dan Kasuwa Kuma Attajirin nan na Kano Alh Aminu Alhassan Dantata Rasuwa muna Adua Allah yajikan sa ya gafar tamasa. Za’a sanar da lokacin Jana’zar sa.

Rahotanni sun ce tursasa Dr. Abdullahi Umar Ganduje aka yi ya sauka daga shugabancin jam'iyyar APC ba dan yana so ba. Daily Trust ta ruwaito cewa daya daga cikin shuwagabannin tsaron Najeriya ne ya je har gida ya bukaci Ganduje da ya sauka daga shugabancin jam'iyyar APC. Wani na kusa da Ganduje yace sun kadu sosai da abinda ya faru. Saidai a takardar ajiye aiki da Ganduje ya aikewa jam'iyyar APC, yace ya sauka ne dan mayar da hankali wajan kula da lafiyarsa. Rahoton yace wani gwamna daga Arewa maso gabas da wani daga Arewa sun je yiwa Ganduje jaje. Ana rade-radin cewa, An cire Ganduje daga shugabancin jam'iyyar APC ne dan kokarin kawo 'yan siyasa irin su Dr. Rabiu Musa Kwankwaso cikin jam'iyyar.