Duk Labarai

Wata Hajiya Ta dauki hankula bayan da ta bayyana cewa sau 35 kenan tana zuwa aikin Umrah inda tace tun tana biyan kudin jirgi Naira Dubu 1. Tace kuma zata ci gaba da zuwa har sai taji kafarta bata iya daukarta. https://www.tiktok.com/@tubless_media_concept/video/7570829135463845128?_r=1&_t=ZS-91J66EO1qKX

Tsohon shugaban kasa, Olusegun Obasanjo ya bayyana damuwa kan yanda Darajar Najeriya ta zube a Idon Duniya inda yace a lokacin mulkin sa da Marigayi Janar Murtala, Kasar Amurka basa daukar wani mataki a Afrika ba tare da Sanar da Najeriya ba. Ya bayyana hakane a Abeokuta ranar Litinin yayin ganawa da wasu matasa. Obasanjo yace shi da Murtala sun dawo da Martabar Najeriya . Yace a lokacin da aka baiwa Najeriya 'yancin kai Turawa na ganin itace giwar Africa kuma suna girmama ta amma daga baya wannan girman ya dusashe. Obasanjo yayi kira ga matasa da su tashi tsaye su karbe mulki daga hannun tsaffin dake mulkar Najeriya a yanzu yace amma idan suka bari abubuwa suka ci gaba da faruwa a haka, babu inda kasar zata.

Tauraruwar fina-finan Hausa, Asma'u Wakili ta bayar da shawarar a rika yin aure kamar yanda addinin Musulunci ya tanada inda tace tsarabe-tsaraben da ake yi na wasu shagulgulan da suka sabawa Addini wani bin su ne ke kawo mutuwar aure da wuri. Ta bayar da shawarar ne a shafinta na sada zumunta inda tace tasan zata sha martani. https://www.tiktok.com/@asmee_wakili/video/7571186756314320136?_t=ZS-91J25LB8g9g&_r=1

Shugaban kasa, Bola Ahmad Tinubu ya bayyana cewa har yanzu yana kokarin ganawa da shugaban kasar Amirka, Donald Trump. Ya bayyana hakane ta bakin me bashi shawara kan harkar sadarwa, Watau Daniel Bwala a hirar da aka yi dashi a Arise TV. Daniel Bwala yace kwanannan Shugaba Tinubu da Donald Trump zasu gana dan karfafa dangantakar Najeriya da kasar ta Amurka. Ya bayyana cewa ba zai bayyana irin shirin da suke ba amma mutane au fahimci cewa har yanzu suna kokarin ganin an bi hanyar data dace dan ganawa tsakanin shuwagabannin biyu.

An ga babban malamin Addinin Islama, Sheikh Dr. Ahmad Gumi a kasar Turkiyya inda har wakilin kafar yada labarai ta TRTHausa, Bahause ya bayyana cewa sun yi hira da malamin. Saidai da yawa, Musamman ma 'yan kudancin Najeriya na cewa ya tsere ne saboda fargabar harin da kasar Amirka tace zata kawo Najeriya. Saidai babu wasu bayanai dake tabbatar da wannan zargi inda Bahaushe ya mayarwa wani martani bayan ya tambayi yaushe Sheikh Dr. Ahmad Gumi zai dawo Najeriya da cewa, Kwanannan. Yace masa shine ma zai jagorancin Sallar Juma'a me zuwa in Allah ya yarda. https://twitter.com/Bahaushee/status/1987967521253626059?t=GK9SG43O7xARHUmO0-_aoA&s=19

Wani wakilin Kiristoci ya dauki hankula sosai a kafafen sadarwa bayan da aka ganshi yana fadar cewa abinda Tinubu ya musu babu wani shugaba da ya taba musu. Ya na zagayawa ne yana hado kan kiristoci musamman na Arewa ta tsakiya, inda yace shugaba Tinubu ya baiwa shugaban jam'iyyar APC kirista, sannan ya baiwa shugaban hukumar zabe me zaman kanta, INEC kirista wanda yace idan da shugaba Kirista ne ba zai yi hakan ba. https://twitter.com/jrnaib2/status/1987797704064577737?t=GILH8rkJ_GZxOFeSeqpB6g&s=19

Dan majalisar wakilai ta tarayya, Alhassan Ado Doguwa daga jihar Kano ya dauki hankula bayan da aka ga wani Bidiyonsa yanata Kwambo a birnin Landan na kasar Ingila. An ga Doguwa yana zagayawa a jikin wani gini me kama da ital inda ake daukarsa Bidiyo. Wasu dai sun rika tambayar cewa, wannan ne karin farko daya je kasar Ingilar? https://twitter.com/Asad_Mukty/status/1987981456916795501?t=r5cfaNLKB90DFxf5cww9GQ&s=19

Rahotanni sun bayyana cewa, Gwamnatin tarayya ta fara rokon gwamnatin ingila ta taimaka a dawo da sanata Ike Ekweremadu Najeriya ya ci gaba da zaman gidan yarinsa anan. A jiyane Hutudole ya kawo muku cewa, Shugaba Tinubu ya aike da wata tawaga ta musamman zuwa kasar Ingima dan kaiwa Sanata Ike Ekweremadu ziyara a gidan yarin da yake daure acan. Saidai Sabbin Rahotanni daga Daily Trust sun bayyana cewa, Gwamnati ta aika wakilanne zuwa Ingila dan su roki hukumomin kasar su bayar da dama a dawo da Sanata Ekweremadu zuwa Najeriya ya ci gaba da zaman gidan yarinsa anan. Rahoton yace Wakilan Gwamnatin Najeriyar na kuma rokon a sassautawa Sanata Ekweremadu hukunci ko kuma a rage yawan shekarun da aka yanka masa na zama a gidan yarin. An yankewa Sanata Ike Ekweremadu hukuncin daurin sh...

Rahotanni sun bayyana cewa, an garzaya da Tauraron fina-finan Indiya, Prem Chopra zuwa Asibiti. Babu dai cikakken bayani kan irin rashin lafiyar dake damunshi. Hakanan abokin aikinsa, Dram shima yana can kwance a Asibiti inda tuni har an fara yada rade-radin cewa ya mutu amma iyalansa sun musanta hakan.

A jiyane, Hutudole ya kawo muku rahoton cewa, an garzaya da tsohon Tauraron fina-finan Indiya, Dram zuwa Asibiti. A yau da safe kuma an tashi da rade-radin cewa ya rugamu gidan gaskiya. Saidai da Iyalansa sun musanta lamarin. Sun ce har yanzu yana karbar magani a Asibiti.