Siyasa

Rahotanni sun bayyana cewa tituna da ma'aikatu babu mutane sosai a Abuja saboda yajin aikin da kungiyar kwadago ta NLC ta tsunduma a yau, Litinin. Rahoton yace babbar kotun kasa, ma'aikatar mata ta tarayya, da sauransu duk an kulle saboda yajin aikin. Kungiyar NLC dai ta shiga yajin aikinne saboda nuna rashin jin dadin Naira dubu 60 da gwamnatin tarayya tace zata biyasu a matsayin mafi karancin Albashi.

Masana sun bayyana damuwa game da yawan bashin da gwamnatin tarayya ta ciwo a shekara daya data gabata. Gwamnatin shugaban kasa, Bola Ahmad Tinubu ta ciwo bashin Naira Tiriliyan 20.1 a hannun 'yan Najeriya. Hakan na nuna cewa, yawan bashin da gwamnatin Tinubu ta ciwo ya fi wanda Gwamnatin Buhari ta ciwo a shekararta ta karshe akan mulki da kaso 117. Masana sun bayyana damuwar cewa hakan zai iya kawo karuwar hauhawar farashin kayan abinci da kara kudin ruwa na karbar bashi.

A yayin da ta fara yajin aiki a yau, Kungiyar Kwadago ta NLC ta kulle tashar wutar Lantarki ta Najeriya inda hakan ya jefa kasar cikin duhu. Rahoton TheCable ya bayyana cewa, dauke wutar ya faru ne da misalin karfe 2: 19 na tsakar daren daya gabata.

Ga Mahajjata A Filin Jirgi, Ga Kuma Ma'aikatan Filin Jirgi Sun Fantsama Yajin Aiki! Yaya za ta kasance kenan? Daga Comr Abba Sani Pantami

Hukumar 'yansandan Najeriya sun roki kungiyar kwadago ta NLC da ta rungumi sulhu ta janye yajin aikin data shiga. Hukumar a wata sanarwa data fitar tace tabbas kungiyar kwadago ta NLC na da ikon shiga yajin aikin amma ya kamata a bi dokar da kasa ta tanadar dan kaucewa take doka da oda. Hukumar 'yansandan tace wannan yajin aikin zai jawo fargaba da kuma dumamar yanayin siyasa. Dan hakane 'yansandan ke kira da NLC ta janye yajin aikin ta koma teburin sulhu da gwamnati. Hukumar 'yansandan ta kuma baiwa jama'a tabbacin samar da tsaro inda tace ta kai jami'anta gurare da yawa dan tabbatar da ba'a karya doka ba.

Gwamnatin tarayya ta jaddadawa Kungiyar Kwadago cewa, ba zata iya biyan Sama da Naira Dubu 60 ba a matsayin mafi karancin Albashi ba. Hakan na zuwane a Yau, Litinin da kungiyar ta kwadago ta fara yajin aikin sai baba ta gani. Babban Lauyan Gwamnati kuma Ministan Shari'a, Lateef Fagbemi ya bayyanawa kungiyar kwadagon da ma'aikatan gwamnatin tarayya cewa tafiya zuwa yajin aiki sabawa doka ne. Yace kuma zasu iya fuskantar daurin watanni 6 saboda tafiya yajin aikin. Ya bayyana cewa, har yanzu akwai tattaunawa tsakanin gwamnati da kungiyar kwadagon kuma ba'a kammala ba dan haka bai kamata kungiyar ta tafi yajin aiki ba. Ya roki kungiyar kwadagon data sake tunani kan wannan mataki data dauka inda yace bai kamata ba dan zai jefa da yawan 'yan Najeriya cikin halin kaka nikayi da wah...

Aminu Waziri Tambuwal ya ce sun gargaɗi ƴan Najeriya kan sake zaɓen APC a 2023. Tsohon gwamnan na Sokoto ya bayyana cewa halin ƙuncin da ake ciki a ƙasar nan yanzu, kin ɗaukar shawara ne ya kawo shi. Tambuwal ya bayyana hakane a wajan wani taron maau ruwa da tsaki na jam'iyyar a jihar Sokoto. Yace sun gayawa mutane, APC mulki kawai take aon samu ta ganta a ofis. Yace gashi yanzu sun samu amma sun rasa yanda zasu yi dashi.

Tsohon Shugaban Kasa Muhammadu Buhari Ya Karbi Bakuncin Tsohon Ministan Yada Labaransa, Alhaji Lai Mohammed A Gidansa Dake Daura, Jihar Katsina Yau Lahadi. Daga Jamilu Dabawa, Katsina

Rahoton da muke samu na cewa, Kungiyar Kwadago ta NLC zata ci gaba da yajin aikin da ta dauri aniya gobe, Litinin bayan zaman sulhu da gwamnati ya ci tura. A yau lahadi ne dai aka zauna tsakanin wakilan gwamnatin tarayya daga majalisar tarayya da kungiyoyin kwadago na NLC da TUC dan cimma matsaya kan mafi karancin Albashi, saidai an kare zaman ba tare da cimma matsaya ba. Da misalin karfe 5:50 PM ne dai aka fara zaman inda aka kareshi da misalin karfe 8:45 PM. Kakakin majalisar dattijai, Godswill Akpabio bayan taron, ya gayawa manema labarai cewa gwamnati ta roki kungiyoyin kwadagon kan su janye yajin aikin nasu amma suka kiya. Akpabio yace idan aka yi yajin aiki, abubuwa da yawa hadda asibitoci a kasarnan zasu tsaya cik. Duk da haka dai ya sake rokon kungiyoyin kwadagon da ...