Siyasa

Gwmanatin Najeriya ta ce za ta ci gaba da bai wa ma'aikatan ƙasar ƙarin albashin wucin gadi - da ta fara biya wata shida ta suka gabata - har zuwa lokacin da za a kammala cimma matsaya kan mafi ƙarancin albashi a ƙasar. Cikin wani jawabi da ya yi wa manema labarai ranar Asabar a Abuja, ministan yaɗa labaran ƙasar, Mohammed Idris ya ce wa'adin mafi ƙarancin albashi da aka yi a shekarar 2019 ya ƙare ne ranar, 8 ga watan Afrilun 2024. Sai dai ministan bai bayyana adadin kuɗin da gwamnatin ke biya a matsayin albashin wucin gadin ba, to a baya gwamnatin ta ce za ta riƙa biyan ma'aikatan ƙarin naira 35,000 a kan albashinsu kowane wata har na tsawon wata shida. A ranar juma'a ne dai ƙungiyoyin ƙwadogon ƙasar suka ce za su tsunduma yajin aiki daga gobe Litinin, kasancewar wa'adin ranar 31...

Shugaban kasa, Bola Ahmad Tinubu da mataimakinsa, Kashim Shettima sun kashe Naira Biliyan 8.64 wajan tafiye-tafiye a cikin watanni 3 kacal da suka gabata. An gano hakanne ta hanyar Amfani da wata manhaja me suna Govspend da ake amfani da ita wajan bibiyar kudaden da gwamnati ke kashewa. Hakanan an gano cewa an kashe Naira Biliyan 12.59 wajan kula da jiragen da suka yi amfani dasu wajan yin wadannan tafiye-tafiye.

Tsohon shugaban kasa, Olusegun Obasanjo ya bayyana cewa, mutane na cikin wahala da yunwa a Najeriya. Ya bayyana hakane a legas wajan wani taro da aka gayyaceshi. Obasanjo yace matsalar tsaro ce ta daidaita kasarnan sannan ya koka da matsalar rashin shugabanci na gari. Yayi kira ga shuwagabannin kasar da su tashi tsaye wajan inganta rayuwar mutane. Yace akwai bukatar canja Shuwagabanni wanda zasu kawo ci gaba irin wanda ake bukata.

Kungiyar ma'aikatan man fetur ta NUPENG ta umarci membobinta da su shiga yajin aikin sai mama ta gani wanda za'a fara a gobe Litinin. Sakataren Kungiyar, Mr Afolabi Olawale ne ya bayyana haka inda yace kungiyar tasu zata bi umarnin yajin aikin. Kungiyoyin NLC da TUC dai sun bayyana aniyar shiga yajin aiki a gobe litinin wanda sai abinda hali yayi kan neman gwamnati ta kara mafi karancin Albashi. Wannan mataki na NUPENG dai zai iya jefa da yawa daga cikin 'yan Najeriya cikin matsalar wahalar man fetur.

Hukumar wutar lantarki ta Abuja ta bayyana cewa, zata yankewa manyan ma'aikatu da yawa wuta saboda bashin kudin wutar da ake binsu. Ta bayyana cewa, daga cikin hukumin da ake bin bashin akwai hukumar sojojin, dana 'yansanda da ma'aikatar mata ta tarayya, da jihar Kogi, da ma'aikatar Ilimi, da ma'aikatar masana'antu. Hukumar tace ba wata ma'aikata da zata dagawa kafa zata yanke mata wuta. Hakan na kunshene a cikin sanarwar da hukumar wutar ta fitar.

Dan takarar shugaban kasa na jam'iyyar Labour party a zaben shekarar 2023, Peter Obi ya yi Allah wadai da harin da 'yan IPOB suka kai da ya kashe sojoji 5 a jihar Abia. A baya dai, an yi tsammanin ba zai yi magana akan lamarin ba saidai yazo yayi maganar. Amma kuma ya kaucewa kiran 'yan IPOB din da 'yan ta'adda. Tsohon hadimin Shugaban kasa Muhammadu Buhari, Bashir Ahmad ne ya bayyana hakan inda ya dauko wani tsohon sakon na Peter Obi wanda yayi magana akan wani hari da aka kai jihar Filato inda ya kira maharan da sunan 'yan ta'adda. https://twitter.com/BashirAhmaad/status/1796877604475040183?t=ynvg3_I3Mpo8KjuxyO6U9w&s=19 A zamanin mulkin shugaban kasa, Muhammadu Buhari ne dai aka ayyana kungiyar ta IPOB dake ikirarin kafa kasar Biafra da sunan kungiyar ta'ddanci.

Sanata Dino Melaye ya ziyarci gidan wani abokinsa inda yaci karo da damisa. Sanata Melaye ya bayyana mamakin abin saidai an gaya masa basa cutarwa. https://www.youtube.com/watch?v=8PCMEVIwSRY Ya saka bidiyon a shafinsa na sada zumunta inda yake bayyana mamakinsa.