Kalli Bidiyon: Duk da DSS sun janye karar da suka shigar akan zargin Malam Nasiru Ahmad El-Rufai, kotu ta ki amincewa ta bayar da belinsa

A yau ne dai hukumar tsaron farin kaya ta DSS ta janye karar data shigar akan malam Nasiru Ahmad El-Rufai inda ta zargeshi da yiwa wayar babban me baiwa shugaban kasa shawara akan harkar tsaro, Malam Nuhu Ribadu kutse.

Bayan janye karar, Lauyoyin Malam Nasiru Ahmad El-Rufai sun roki kotu da cewa, ta taimaka ta rage sharudan bayar da belin malam Nasiru Ahmad El-Rufai saboda sun yi tsauri.

Lauyoyin na Malam Nasiru Ahmad El-Rufai sun bayyana cewa, sun yi iya bincikensu basu samo ma’aikacin gwamnati dake mataki na 17 dake da gida a Maitama ba.

Lauyoyin sun kara da cewa, dan haka suna neman a sassauta sharudan bayar da belin na Malam Nasiru.

Saidai kotun ta yi watsi da wannan bukatar tasu inda DSS suka sake tasa keyar Malam Nasiru Ahmad El-Rufai suka tafi dashi.

Moment our national leader, El-Rufai, was escorted by DSS operatives after the court declined the application for bail variation. pic.twitter.com/JOEnEZzW0O

— Sulaiman Uwaisu Idris (@KafinHausaa) June 23, 2026