Hutudole

Wasu masu kwacen waya sun shiga gidan wata sabuwar Amarya a unguwar Gaida dake Kano. Sun caccaka mata wuka sannan suka kwace mata waya, ta rika ihun barawo har mutane suka taru. Barayin 3 ne inda jama'a da suka taru suka yi nasarar kama guda 2 daga ciki. https://twitter.com/Alameen___Abba/status/1937492720034988336?t=yzO5jHDArxWZ5dgTJQyvNA&s=19 Amaryar dai an garzaya da ita Asibiti inda tana can tana samun sauki.

Wata Kungiya daga yankin Arewa maso gabas ta yi kiran shugaban kasa, Bola Ahmad Tinubu da ya ajiye Kashim Shettima ya dauki Yakubu Dogara a matsayin mataimakinsa a zaben shekarar 2027. Kungiyar me suna the Coalition of APC Support Groups in the North-East ta bayyana hakane a zaman data gudanar a ranar Litinin a jihar Gombe. Kungiyar tace Yakubu Dogara ne wanda yafi dacewa ya zama mataimakin shugaban kasa a shekarar 2027. Tace zata nada wakilai da zasu jagoranci mutane zuwa ganin shugaban kasa, Bola Ahmad Tinubu a Abuja dan isar masa da sakonsu.

Tsohon Gwamnan Jihar Kaduna, Malam Nasir El-Rufai, ya ce ba ya damu da yawan sauya sheƙa da ake yi zuwa jam’iyyar APC mai mulki. A wata hira da aka yi da shi kai tsaye a shirin Arise TV a daren Litinin, El-Rufai ya ce shugaban ƙasa mai ci yana ɗaukar matsayin cewa tuni an gama da dawowar sa karo na biyu, ganin yadda wasu gwamnoni daga jam’iyyun adawa ke sauya sheƙa zuwa APC. Sai dai ya bayyana cewa: "Tinubu ba zai ci zaɓe ba. A gaskiya, zai yi sa’a idan ma ya zo na uku." Tsohon gwamnan ya zargi gwamnatin Tinubu da halin ko in kula dangane da matsanancin halin tsaro da ƙasar ke ciki, yana mai bayyana cewa an cire naira biliyan 100 daga Asusun Tarayya cikin watanni 15 da suka gabata ba tare da amincewar jihohi ko majalisar dokoki ba. Ya ce: "Tun cikin watanni 15 da suka wuce, ana...

Dan takarar shugaban kasa a jam'iyyar PDP a zaben shekarar 2023, Alhaji Atiku Abubakar ya bayyana cewa, akwai daure kai da rainin hankali ace wai Shugaban kasa, Bola Ahmad Tinubu ya kammala jami'a tare da dan shekaru 13. Shugaban kasa, Bola Ahmad Tinubu a yayin da yake kaddamar da shirinsa na Renew Hope Agenda a Abuja ya bayyana wani me suna Alex Zingman  da cewa, abokin karatunsa ne. Saidai Atiku yace shi wannan me suna Alex Zingman da Tinubu yace sun kammala jami'ar Chicago State University (CSU) tare a shekarar 1979, an haifeshine a shekarar 1966, watau yana da shekaru 13 kenan suka kammala karatu tare da shugaba Tinubu. Dan haka Atiku a sanarwar da ya fitar ta hannun me magana da yawunsa, Paul Ibe yace wata kila kundin tarihin Duniya ya manta ne bai saka wannan abokin karatu n...

'Yan majalisar wakilai biyu, Peter Akpanke, da Paul Nnamchi sun bar jam'iyyunsu inda suka koma jam'iyyar APC. Akpanke ya fito daga jihar Cross River ne kuma an zabeshi a karkashin jam'iyyar PDP amma yanzu ya bar jam'iyyar zuwa APC. Shi kuwa Nnamchi ya fito daga jihar Enugu ne kuma an zabeshi a karkashin jam'iyyar Labour party ne amma yanzu ya koma jam'iyyar APC. Kakakin majalisar, Tajuddeen Abbas ya sanar da komawarsu APC a yayin zaman majalisar ranar Talata.