Hutudole

Mutum bakwai ne suka rasu sakamakon kifewar kwalekwale a yankin ƙaramar hukumar Shagari da ke jihar Sokoto a arewacin Najeriya. Lamarin ya faru ne a lokacin da matafiyan suka fito daga Gidan Hussaini zuwa ƙauyen Gwargawu a ranar Litinin da misalin ƙarfe 9:30 na safiya, kamar yadda hukumar bayar da agaji ta ƙasa Nema ta bayyana. Nema ta ce bayanai sun nuna iska mai ƙarfi ce ta haddasa kifewar jirgin ruwan. A watan Oktoban 2024 ma wani jirgi ya kife da kusan mutum 300 a yankin Mokwa na jihar Neja da ke tsakiyar Najeriyar. Kafin haka, mutum 24 ne suka mutu a kifewar wani jirgin a watan Satumban 2023 a jihar.

Mataimakin shugaban Najeriya, Kashim Shettima ya ce shugaban ƙasar Bola Tinubu ya amince da bai wa mutanen da ambaliyar ruwa ta shafa a jihar Neja gudumawar kuɗi naira biliyan biyu da kuma tirela 20 na shinkafa. Shettima ya sanar da hakan ne a garin Mokwa, lokacin ziyarar da ya kai bayan ambaliyar ruwa da ta ɗaiɗaita garin wadda ta lalata dukiya da kadarori da kuma sanadiyyar salwantar ɗaruruwan rayuka. Mataimakin shugaban ƙasar ya ce za a magance duk wasu matsaloli da ke addabar al'ummar. Inda ya ce shugaban ƙasar ya bayar da umarnin gyara gadojin da ambaliyar ta lalata ba tare da ɓata lokaci ba. Hukumomi sun tabbatar da mutuwar sama da mutum 200 a ambaliyar ta ƙaramar hukumar Makwa da ke jihar Neja a arewa ta tsakiyar Najeriya. Haka nan akwai sama da mutum 500 da ba a san ...

Gwamnan jihar Osun Ademola Adeleke ya kai ziyara ga shugaban Najeriya, Bola Tinubu a gidanke da ke birnin Legas. Cikin wani saƙo da gwamnan ya wallafa a shafinsa na X, ya ce ya kai ziyarar ne tare da ƴan'uwansa, babban yayaransa Adedeji Adeleke, da kuma ɗandan'uwansa, fitaccen mawaƙin nan David Adeleke da aka fi sani da Davido, gabanin bukukuwan babbar sallah. Kodayake babu cikakken bayani kan abin da tattaunawar tasu ta ƙunsa, ganawar na zuwa ne kwanaki bayan Davido ya gana da Tinubu a fadar shugaban ƙasa da ke Abuja, a wani abu da ake ganin tattaunawa ce tsakanin dangin Adeleke da fadar shugaban ƙasar. A cikin watan da ya gabata ne hukumar zaɓen Najeriya, INEC ta saka ranar 20 ga watan Yulin 2026 a matsayin ranar da za ta gudanar da zaɓen gwamnan jihar Osun. Ana ganin Gwamna ...

Wasu matasa uku sun yi tafiyar watanni kan doki zuwa Makkah domin aikin Hajji. Sun yi tafiyar dubban kilomitoci kan sirdi domin bin wata daɗaɗɗiyar hanyar ƙasa da Musulman Andalus suka riƙa amfani da ita shekaru 500 da suka gabata domin zuwa aikin Hajji. Mutanen sun yi tafiyar sama da wata bakwai kafin isa ƙasar Saudiyya.

Gwamnan jihar Anambra, Farfesa Chukwuma Soludo ya yi watsi da raɗe-raɗin da ake yaɗawa cewa ya tuntuɓi wani boka domin buƙatar sake zaɓarsa matsayin gwamnan jihar a wa'adi na biyu. Ranar 8 ga watan Nuwamban shekarar da muke ciki ne hukumar zaɓen Najeriya ta saka domin gudanar da zaɓen gwamnan jihar. A cinin ƴan kwanakin nan ne wani bidiyo ya karaɗe shafukan sada zumunta da ke iƙirrarin cewa gwamnan ya tuntuɓi wani boka domin neman ''sa'ar'' sake zaɓarsa. To sai dai cikin wata sanarwa da sakataren yaɗa labaran gwamnan, Christian Aburime, ya fitar, gwamnan ya bayayna zargin a matsayin ''tsagwaron ƙarya''. Sanarwar ta ce bidiyon da ake yaɗawar an ɗauke shi ne a lokacin wani taro da jami'an gwamnati suka yi da masu wallafa abubuwa a shafukan sada zumunta na jihar.

Matashi Daga Jihar Bauchi Zai Nufi Jihar Lagos Ranar Alhamis Domin Ya Je Ya Gwangwaje Shugaba Tinubu Da Ragon Sallah. {"remix_data":[],"remix_entry_point":"challenges","source_tags":[],"origin":"unknown","total_draw_time":0,"total_draw_actions":0,"layers_used":0,"brushes_used":0,"photos_added":0,"total_editor_actions":{},"tools_used":{},"is_sticker":false,"edited_since_last_sticker_save":false,"containsFTESticker":false} Khamis Musa Darazo, wani mai kaunar shugaban kasa Bola Ahmed Tinubu daga jihar Bauchi, ya shirya kai ragon Sallah zuwa Lagos domin gabatar da kyautar godiya ga shugaban kasa saboda amincewarsa da lasisin hakar mai na Kolmani. Khamis ya shaidawa jaridar Vanguard a ranar Litinin cewa, bayan ya tattauna da dattawan yankinsa, ya yanke shawarar daukar ragon zuwa jihar ...

Gwamnatin jihar Neja ta soke hawan sallah sakamakon ambaliyyar ruwa a Mokwa. Gwamnan jihar Neja, Umaru Bago, ya bada umarnin soke bukukuwan babbar sallah tare da dakatar da Hawan Bariki, da sauran bukukuwan Sallah a dukkan masarautun jihar. Umurnin ya biyo bayan mummunan ibtila'in ambaliyar ruwa da ta yi sanadin asarar rayuka da dukiyoyi a garin Mokwa da kewaye. Sakataren gwamnatin jihar, Alhaji Abubakar Usman a lokacin da ya ke sanar da wannan umarni, ya ce an dauki matakin ne a matsayin girmamawa ga wadanda lamarin ya rutsa da su da kuma ba da damar zaman makoki da addu’o'i. Da ya ke mika umarnin Gwamnan ga Masarautu, Sakataren Gwamnatin ya bayyana cewa, ambaliyar Mokwa na daya daga cikin mafi muni da aka yi a jihar tsawon shekaru da dama da suka gabata, kuma ya yi sanadi...

Hukumomin Saudiyya sun hana daukar hoto, taruka da harkokin siyasa da daga tutoci a wuraren ibada yayin aikin Hajjin bana na 2025. A wata sanarwa da ma’aikatar harkokin cikin gida ta kasar ta fitar, masarautar ta bayyana cewa mahajjata ba su da izinin daukar hoto ko yin bidiyo a Masallacin Harami da ke Makkah, da Masallacin Annabi da ke Madinah, da kuma muhimman wuraren aikin hajji irin su Mina, Arafat da Muzdalifah. Ma’aikatar ta ce wannann umarni ya shafi wayoyin hannu da kuma na’urorin daukar hoto na kwararru, tare da gargadin kada a daga tuta ko alluna da ke dauke da alamomin siyasa, kabila ko akida. Hukumomin sun sake jaddada cewa irin wadannan ayyuka na iya lalata yanayin ibada da kuma haifar da rarrabuwar kai tsakanin mahajjata.

Hukumar kula da hakkin mallaka ta Najeriya ta gargadi DJ masu saka wakoki a gidajen biki dasu nemi lasisi ko izinin masu wakokin da suke sakawa. Hukumar tace rashin bin wannan doka na dauke da hukuncin biyan tarar Naira Miliyan daya ko zaman gidan yari na shekara 5. A kasashe irin su Amurka dai ba DJ ne ke biyan lasisi ba, me hidimar biki ko me gidan taron ko me Club ne zai biya wannan tara.

An zane wasu masoya bisa saduwa kafin aure a Indonesiya. An yi wa wani mutum da wata mata bulala ɗari-ɗari kowanne a bainar jama'a a lardin Aceh mai a kasar Indonesia a yau Laraba bayan da wata kotun shari'ar Musulunci ta same su da laifin yin jima'i kafin aure. An haramta yin jima'i tsakanin masoya da basu yi aure ba a garin na Aceh, wanda ya kafa tsarin shari'ar Musulunci. Indonesiya ta haramta yin jima'i ba tare da aure ba a sabon kundin dokokin Shari'ah a 2022 amma dokar ba za ta fara aiki ba sai shekara mai zuwa. Sai dai kuma an yi wa mutanen biyu bulala ɗari-ɗari ta hanyar yin goma-goma a yayin da wasu tsirarun jama'a ke kallo a wani wuri da ke Aceh babban birnin lardin, inda mace ce ta yi wa matar da ake zargin bulala, a cewar wani wakilin AFP da ke wajen da aka yi h...