Hutudole

Tauraron mawakin kudu, Davido kenan a wannan Bidiyon inda ya baiwa wani me dafa abinci tsabar kudi Naira Miliyan 10 kyauta. An ga yanda Davido ya dauko kudin a jaka ya zazzagesu. Ya kuma baiwa me dafa abincin lambar wayarsa inda yace idan yana bukatar wani abu ya masa magana. https://twitter.com/i/status/2022212933636468860

A yaune Tsohon gwamnan jihar Kaduna, Malam Nasiru Ahmad El-Rufai ya je Kaduna inda yayi Sallar Juma'a a can. Jama'a da yawa ne suka taru inda suka nuna masa goyon baya ta hanyar fitowa suna shewa. https://twitter.com/i/status/2022295821845172701

Hukumar zabe me zaman kanta INEC ta sanar da ranar 20 ga watan Fabrairu na shekarar 2027 a matsayin ranar da za'a gudanar da zaben shugaban kasa na shekarar 2027. Shugaban Hukumar zaben, Professor Joash Amupitan ne ya bayyana haka ga manema labarai a Abuja ranar Juma'a. Yace zaben shugaban kasa dana 'yan majalisun tarayya za'a yishi ne ranar 20 ga watan Fabrairu inda kuma zaben Gwamnoni dana 'yan majalisar jihohi za'a yishi ne ranar 6 ga watan Maris. Ya bayyana cewa, sun shirya tsaf dan gudanar da zaben.

Wasu matasan Sojojin Najeriya na ci gaba da shan ruwan Allah wadai bayan da suka shiga gasar rawa a Tiktok. Gasar rawar ta samo asali ne bayan da wata matashiya ta bayyana ta soke waya a kugunta tana rawa, Bidiyon ta ya watsu sosai inda akai ta kwaikwayarta. Suma matasan sojojin sanye da kakinsu, an gansu sun yi irin wannan rawa sun dora a shafinsu na sada zumunta. Saidai lamarin ya jawo musu Allah wadai. https://www.tiktok.com/@gangasoja/video/7605187232965692692?_r=1&_t=ZS-93soWnaWDi5

Mutuniyar Soja Boy wadda suke waka tare me amfani da sunan Home of Luxury ta bayyana cewa, ta yi kitso na Naira 200,000. Ta bayyana cewa, gashin da aka kara mata ma na mutanene kuma dubu 150 ta sayeshi. https://www.tiktok.com/@surayyahpretty/video/7605590063111605524?_r=1&_t=ZS-93skX50wxM1

Ana ta bararrabi tsakanin tauraron Tiktok, Gfresh Al-amin da matarsa, Maryam Nicky Minaj da ya ce ya mayar da ita da abokansu. Abokan Gfresh Al-amin sun bayyana cewa, saki 3 yawa Maryam, a yayin da Gfresh din da Maryam ke cewa, Saki 2 ne tsakaninsu. A jiyane dai Gfresh ya fito a shafinsa na Tiktok yace ya mayar da matar tasa. https://www.tiktok.com/@u.s2824/video/7605739632839396626?_r=1&_t=ZS-93siMk639er https://www.tiktok.com/@feefy71/video/7606216375094250772?_r=1&_t=ZS-93sjuHyZcpN

Makwabcin mutuminnan na Kano wanda ya dauki hankula saboda Birthday din 'ya'yansa ya yi karin haske akan abinda mutane ke cewa na suka akan mutumin. A wata hira da aka yi dashi wadda ta dauki hankula a kafafen sada zumunta. An ga makwabcin mutumin na cewa, yana da kyauta sosai, shi yasa aka musu titi a layinsu, kuma me dubu-dubu suke ce masa saboda idan ya fara rabon Naira Dubu-dubu daga safe har yamma. Hakanan Akwai 'ya'yan makwabta da ya dauka aiki a kamfaninsa. https://www.tiktok.com/@abdul__turakee1/video/7606075685144218888?_r=1&_t=ZS-93sgkVl47tZ

Bayan yunkurin da DSS suka yi na kama tsohon gwamnan jihar Kaduna, Malam Nasiru Ahmad El-Rufai a filin jirgin sama bayan ya dawo daga kasar Egypt. BBChausa, ta yi hira dashi A hirar wani abu da ya dauki hankula shina rashin saka maballin rigarsa. Ya tabbatar da cewa, EFCC sun gayyaceshi kuma zai amsa gayyatarsu ranar Litinin. Hakanan kuma yace APC Azzalumace amma dansa Bello Baya zalunci saboda irin tarbiyyar da ya bashi. https://twitter.com/i/status/2022175373933289806

Hukumar EFCC ta tabbatar da cewa, ta aikawa tsohon gwamnan jihar Kaduna, Malam Nasiru Ahmad El-Rufai sammacen ya bayyana a gabanta. Hakan na zuwane bayan da aka yi yunkurin kamashi a filin jirgi amma abu ya faskara. Rahotanni sun bayyana cewa, Lauyoyin EFCC ne suka tabbatar da hakan. Kuma sun ce, ElRufai ya amsa musu da cewa, zai bayyana a gaban EFCC din ranar Litinin.

Rahotanni sun bayyana cewa, tsohon mataimakin shugaban kasa, Alhaji Atiku Abubakar ya kaiwa tsohon Gwamnan jihar Kaduna, Malam Nasiru Ahmad El-Rufai ziyara a gidansa. Hakan na zuwane bayan da DSS suka yi yunkurin kama ElRufai a filin jirgin sama bayan da ya dawo Najeriya daga Egypt. Babu dai wani bayani game da ganawar tasu. Hakan na zuwane bayan da Rotimi Amaechi ya kaiwa ElRufai ziyara har gida inda shima ya nuna masa yana tare dashi.