Hutudole

Wannan wani dan siyasa ne a Gombi jihar Adamawa, inda ya kai ziyara mazabarsa. Yana tsaka da ganawa da mutanensa sai yaga alamar sun fusata Nan da nan kuwa ya tsere a cikin motarsa. https://twitter.com/i/status/2012087686627258513 A baya dai an samu wasu 'yan majalisa da aka rika yi musu na jaki a mazabunsu.

Hukumar 'yansandan Najeriya reshen Abuja sun bayyana cewa, Har yanzu Beli Kyautane. Hukumar tace duk dansandan daya Bukaci sai an bashi kudi kamin a bayar da beli a kai musu karansa. Hakan ya fito ne daga bakin me magana da yawun hukumar,SP Josephine Adeh. Ta bayyana hakane yayin da ake ta korafi akan wasu 'yansanda da suka ki bayar da beli suka ce sai an biya kudi.

Rahotanni sun bayyana cewa, Kasar Amurka ta ware kudi har Naira N587 billion ($413.046m) dan magance matsalar tsaro a Najeriya da sauran wasu kasashen Afrika. Hakan na kunshene a cikin kasafin kudin shekarar 2026. Hakan na zuwane bayan da Amurkar ta kai hari a jihar Sokoto. Hakanan kuma a baya, kasar Amurka ta kawowa sojojin Najeriya tallafin kayan aiki.

Kotun koli ta tabbatar da daurin da akawa dan gidan tsohon gwamnan jihar Jigawa, Aminu Sule Lamido. A yau Juma'a ne kotun ta yi wannan hukunci inda tace daukaka kara da Aminu Sule Lamido yayi bashi bata bi ka'ida ba sannan ta tabbatar da hukuncin da kotun daukaka kara da kotun Gwamnatin tarayya suka yi akansa. A baya dai kotun daukaka kara ta tabbatar da hukuncin kotun Gwamnatin tarayya akan Aminu Sule Lamido. An dai kama Aminu Sule Lamido ne da Dala $40,000 a filin jirgin sama wanda bai gayawa hukumomi cewa yana dauke da wannan kudaden ba. A hukuncin da aka masa, an bukaci ya baiwa gwamnati kaso 25 cikin 100 na kudin nasa sannan an daureshi a gidan yari.

An ga Attajirin Najeriya, Aliko Dangote a wajan wani taron kamfaninsa na Siminti inda aka ga mawakin kudux Flavour na masa kirari. Da alama kirarin da Flavour kewa Dangoten ya masa dadi inda aka ga Dangote na rausayawa yana tafi har yana daukar Flavour din Bidiyo da wayarsa. https://www.tiktok.com/@bigapple_tv/video/7595662582590016788?_t=ZS-937HMh9WAdt&_r=1

Wannan Bidiyon yanda tsohon dan kwallon Najeriya, Mikel Obi ya fadi kasa yana kuka kenan bayan da Morocco ta cire Najeriya daga gasar AFCON. An ga Obi kansa duke a kasa a cikin dakin daukar labarai. https://twitter.com/i/status/2012066007183958476

shahararren malaminnan na jihar Filato, Abubakar Abdullahi, wanda shine Imam na kauyen Nghar a Barkin Ladi jihar Filato ya rigamu gidan gaskiya. Malamin shine wanda ya baiwa Kiristoci 262 kariya a masallaci da gidansa wanda dalilin hakan ya samu yabo da kyautuka a ciki da wajan Najeriya. Dansa, Saleh Abubakar ne ya tabbatar da rasuwarsa ga gidan jaridar Daily Trust inda yace mahaifin nasu ya rasu ne a daren Alhamis.

Wannan 'yan kwallon Najeriya ne dake shirin buga matsayi na 3 a gasar AFCON dake gudana a kasar Morocco. An gansu suna Atisaye. Wasu sun rika kiran kada a buga wasan da Chukwueze. https://twitter.com/i/status/2011896424536162549 https://twitter.com/i/status/2011906829438054676

Bidiyon tsaffin sojojin Najeriya na wawar abinci a wajan taron tunawa da 'yan mazan jiya ya dauki hankula. An ga tsaffin sojojin kowa na kokarin daukar abincin kamar dai yanda Almajirai ke yi. https://twitter.com/i/status/2012035744412680272

Rahotanni sun bayyana cewa, malam Lawal Triumph ya kai Gwamnati kotu da kwamitin shura da hukumar 'yansanda. Yana nema ne a hanasu kamashi da gurfanar dashi a gaban kotu bisa zargin bàtàncì da ake masa na yiwa Annabi(Sallallahu Alaihi Wasallam). Saidai kotun ta ki amincewa da wannan bukata ta Lawal Triumph Lauyan Gwamnati yace kotu ta yi watsi da bukatar ta malam Lawal Triumph inda tace za'a iya hukuntashi. https://www.tiktok.com/@tijjani_imam/video/7595580683662282004?_t=ZS-936VWxRKVYe&_r=1