Author: Auwal Abubakar

Hukumomin tsaron Najeriya sun ce sun kammala shirye-shiryen murƙushe 'yan ƙungiyar Lakurawa, masu iƙirarin jihadi da ke addabar jama'a a waɗansu jihohin arewa maso yammacin kasar. Hakan na zuwa ne bayan da 'yan ƙungiyar suka kai hari a makon daya wuce a jihar Kebbi inda suka hallaka mutum 15 tare da jikkata wasu da dama. Ministan tsaro na Najeriya, Muhammadu Badaru Abubakar ne ya bayyana ƙudurin rundunonin sojin ƙasar na tunkarar matsalar tsaron ta Lakurawa da ta kunno kai kwanannan, a hirarsa da BBC. Ministan ya ce manyan hafososhin tsaron Najeriya sun riga sun fitar da wani tsari na musamman da zai hana 'yan Lakurawan yin tasiri a arewacin kasar. Ya ƙara da cewa manyan hafsoshin rundunonin sojin ƙasa da na ruwa da na sama sun gana da hafsan hafsoshi, Janar Christopher Musa, i...

Yariman Saudiyya mai jiran gado Mohammed Bin Salman ya yi alkawarin cewa gwamnatin ƙasar za ta taimaka wa Najeriya wajen inganta tattalin arzikinta. Yarima Bn Salman ya bayar da tabbacin ne bayan ganawa da Shugaban Najeriya Bola Tinubu a gefen taron ƙasashen Larabawa da Musulmi a birnin Riyadh, wanda aka kammala ranar Litinin. A cewar wata sanarwa da mai taimaka wa shugaban kan harkokin yaɗa labarai, Bayo Onanuga ya fitar, Mohammed ya yaba da irin tsare-tsaren farfaɗo da tattalin arziki da Tinubu yake ɗauka, inda ya ce irinsu Saudiyya ta ɗauka domin samun ci gaba lokacin da ya zama firaminista. An shafe kimanin shekara ɗaya ana tattaunawa tsakanin Najeriya da Saudiyya kan batun zuba jarin tun bayan da aka kaddamar da kwamitin kula da harkokin kasuwanci tsakanin ƙasashen. Shugab...

Tsageran IPOB dake son kafa kasar Biafra sun tarwatsa wani shingen sojoji dake kan titin Umuokpara - Onuimo. https://twitter.com/kepukepunews/status/1856631618468766129?t=pKTYJCNAho4pEg4Ba6tcMA&s=19 An gansu suna harbi a iska da ture duk wani shinge da sojojin suka saka a wajan.

Dan jarida me binciken kwakwaf, Fisayo Soyombo ya zargi hukumar Kwastam da taimakawa masu fasa kwaurin shinkafa zuwa cikin Najeriya. A bayanan da ya wallafa a shafinsa na Twitter, ya ce yanzu haka ana sauke shinkafar da aka shigo da ita daga kasar Benin Republic a Lusada dake karamar hukumar Ado Odo/Ota ta jihar Ogun. Soyombo ya bayyana cewa lamarin na faruwane a ranar Laraba inda yace kuma an sallami duka wani jami'in Kwastam da zai kawo tangarda a lamarin. Dan jaridar yace sauran shinkafar za'a tafi da ita zuwa Legas. A baya dama dan jaridar ya bayar da bayanai akan shigowa da shinkafar amma hukumar kwastam ta karyatashi.

A yayin da aka shigar da wata kara a kotun kasar Amurka ake neman bayanai game da rayuwar shugaban kasa, Bola Ahmad Tinubu a baya inda ake zargin ya yi ta'ammuli da kwaya da kuma maganar ingancin takardun karatunsa, kasar Amurka tace ba zata bayar da wadannan bayanai ba. Dan jarida, David Hundeyin ne ya shigar da kara yake neman bayanai akan shugaban kasa, Bola Ahmad Tinubu kuma tun a shekarar data gabatane dai kotun kasar Amurka ta ki yadda ta bayar da bayanan da yake nema. Dan jaridar yace hukumomin kasar Amurka, CIA, FBI, da DEA sun shigar da kara inda suma suke neman cewa kada a bashi bayanai akan shugaban kasar Bola Ahmad Tinubu inda CIA wadda kungiyar leken Asiri ce ta kasar Amurka tace Bola Ahmad Tinubu wakilinta ne da take amfani dashi wajan cimma muradunta. Zuwa yanzu dai...

Shugaban kasa, Bola Ahmad Tinubu ya bayyana cewa, ya karbi mulkin Najeriya a yayin da take cikin wahalar rashin tabbas na tattalin arziki. Shugaban yace shiyasa ya dauki matakai tsaurara musamman a bangaren kudi dan ganin ya kawo ci gaba. Shugaban ya bayyana hakane a wajan rantsar da zababben gwamnan jihar Edo, Monday Okpebholo inda mataimakinsa, Kashim Shettima ya wakilceshi. Yace a yanzu saboda matakan da ya dauka, kasar ta dauki hanyar ci gaba da nasara.

Rahotanni sun nuna cewa mutane 243,000 sun daina biyan kudin DSTV da GoTV saboda tsada rayuwa. Kamfanin wanda na kasar Afrika ta kudu ne ya bayyana cewa ya rasa wadannan mutanen ne daga watan Afrilu na wannan shekare zuwa watan Satumba na shekarar. An ga hakanne a cikin bayanan yanda kamfanin ya gudanar da kasuwancinsa wanda ya fitar a karshen watan Satumba. Kamfanin ya alakanta hakan da tsadar rayuwa wadda ta hana da tsadar kayan abinci, wutar lantarki, da man fetur. Kamfanin ya kara da cewa, ya rasa mitane 566,000 a gaba dayan nahiyar Afrika wanda suka daina biyan kudin DSTV da GoTV din.