Author: Bashir Ahmed

A yau, Talata ma, Hukumar ICPC sun sake gurfanar da tsohon Gwamnan jihar Kaduna, Malam Nasiru Ahmad El-Rufai a kotu. A yau ne kotu zata yanke shawarar ko zata bayar da belinsa ko kuwa a'a. https://twitter.com/i/status/2043973720553746750

Kakakin majalisar jihar Adamawa ya je garinsu inda ya tara taron siyasa dan yiwa shugaban kasa, Bola Ahmad Tinubu yakin neman zabe. Saidai a yayin da ya tashi zai yi bayani yace, Najeriya, sai aka ce masa sai Atiku a yayin da yake tsammanin ace masa sai Tinubu. https://twitter.com/i/status/2043965596111434080

Farashin dala a kasuwar Chanji ta Gwamnati a yau, Talata ya farane akan Naira N1,358.20 kan kowace dala. farashin ya fadi zuwa Naira N1,357.31 kamin daga baya ya koma farashin sama. A kasuwar bayan fage kuwa ta garuruwan Kano, Lagos, da Abuja, farashin dalar yana akan Naira N1,465 zuwa Naira N1,490. 

Jam'iyyar ADC ta bayyana cewa wajan taro na Rainbow data shirya yin taronta na kasa a yau, Talata ya sanar da ita cewa ya fasa bata wajan. Me magana da yawun ADC, Bolaji Abdullahi ne ya bayyana haka a wata sanarwa inda yace, Rainbow ya basu dalilin cewa, Hukumar kula da babban birnin tarayya, Abuja, FCTA ce ta musu barazanar cewa idan suka bayar da wajan za'a kwace lasisinsu. Saidai Bolaji Abdullahi yace sun riga sun sakawa takardar yarjejeniya da raibow hannu dan haka ba zasu fasa ba a wajan zasu yi taronsu.

Wannan wata amaryace da ta tuka angonta zuwa gida akan mashin bayan an daura musu aure. Lamarin ya dauki hankuka sosai inda akai ta musu sam barka. https://twitter.com/i/status/2043782926832202001

Jam'iyyar ADC ta sanar da samun wajen taro me zaman kansa na Rainbow a Abuja inda tace a canne zata gudanar da taron nata. Hakan na zuwane bayan da jam'iyyar tace ta yi iya bakin kokarinta wajan karbar Eagles Square da Filin wasa na Moshood Abiola amma aka hanata. Saidai wasu rahotanni dake fitowa sun ce Ministan Abuja, Nyesom Wike ya yi shirin aika jami'an tsaro dan hana taron na ADC a wajan taron na Rainbow. Saidai jami'an tsaron sun gayawa Wike cewa, hakan ba zata yiyu ba saboda 'yan Adawar na da yawa sosai kuma sun hada kawunansu da kyau. Wike dai yace ADC karya take bata nemi wajan taron ba a hukumance yayin da ADC din kuma tace ta nema amma hanata aka yi. https://twitter.com/i/status/2043878928226329015

Peter Obi ya yi gargadin cewa zai iya barin jam'iyyar ADC. Ya bayyana hakane a shafinsa na sada zumunta. Ya bayyana cewa muddin zaben fidda gwani na jam'iyyar ya zama cewa da kudi za'a yi amfani to ba zai zauna a jam'iyyar ta ADC ba, zai fice.

Tauraruwar fina-finan Hausa, Momi Gombe ta dauki hankula sosai a kafafen sada zumunta bayan da aka ga wani Bidiyon ta inda ya nuna kirjinta a waje. Da yawa sun ta bayyana mabanbanta ra'ayoyi akai inda wasu ke nuna bai dace ba, wasu kuwa cewa suke ta burgesu. https://www.tiktok.com/@hausa.comedy.nishadi/video/7628158113757089032?_r=1&_t=ZS-95Vs9pE3tR2

Shugaban Kiristoci, Pope Leo ya kai ziyara kasar Algeria. Sannan ya kai ziyara babban Masallacin kasar inda aka ga ya cire takalmi. Hakan ya jawo masa yabo sosai. https://twitter.com/i/status/2043709233519358172

Wani me sunan Hon. Muh'd Raji Sulaiman Zumo ya bayyana a jihar Adamawa inda ya bayyana cewa, shine shugaban jam'iyyar ADC na jihar. Hakanan ya bayyana cewa ya dakatar da Atiku Abubakar da kuma Babachir David Lawal da sauran wasu 'yan jam'iyyar ADC din ta jihar Adamawa. https://twitter.com/i/status/2043733152972025887