Author: Bashir Ahmed

Shugaban bankin Access Bank, Roosevelt Ogbonna ya sayi gidan dala Miliyan $20 a Landan. !Ya sayi gidanne a unguwar masu kudi da ake cewa, Billionaires’ Row kamar yanda kafar Bloomberg ta ruwaito. Rahotan yace da farko kudin gidan sun fi haka amma daga baya aka masa sauki ya kuma saya. Wannan gida da ya siya yana daga cikin ciniki masu tsada da aka yi a Landan wanda ya dauki hankula.

Malam yace ba gaskiya bane Abinda ake gayawa Gwamnan Kano cewa 'yan Izala basu da yawa a jihar. Yace sun sha hawa mumbari suna neman a baiwa Gwamna Abba Kujerarsa saboda shine yaci zabe. Yace kuma duk Kano babu majalisin dake cika kamar na gadon Kaya. Dan haka ya yi kira ga gwamna cewa, ya sa ma ransa mulki Allah ne ke bayarwa. https://www.tiktok.com/@ali_d_abba/video/7555267558375492886?_t=ZS-90BvDpfxs0X&_r=1

Wannan Wani Fasto ne da ya dauki hankula sosai bayan da yayi wa'azin cewa Kirista na Gari baya zuwa wajan Boka ko daura laya ko Guru. Wasu sun rika ce masa Fasto dan Izala inda wasu suka rika ce masa, Allah yasa ya musulunta. https://www.tiktok.com/@ndbcvihausa/video/7555449846900116743?_t=ZS-90BuSukkwiH&_r=1

Tauraron Tiktok Hassan Make-Up yana kasar Saudiyya inda yake aikin Umrah. An ga yanda ya kamata otal dake kusa da dakin Ka'aba wanda aka bayyana da cewa ana biyan Naira Miliyan 3.5 kudin Najeriya. Wata kawarsa data kai masa ziyara ce ta bayyana hakan. https://www.tiktok.com/@fanneshuwa15/video/7555282877152283922?_t=ZS-90BtjuQylBh&_r=1

DA ƊUMI-ƊUMI: Gwamnatin Kano ta dakatar da Malam Lawan Triumph daga yon wa'azi Majalisar Shura da gwamnatin Kano ta kafa ta sanar da dakatar da Malam Lawan Shuaibu Triumph daga yin wa'azi. A wani taron manema labarai da Sakataren majalisar, Alhaji Shehu Wada Sagagi ya yi a yau Laraba, ya ce an dakatar da Malam Lawan ne domin bashi damar ya zo gaban majalisar ya kare kan sa daga zarge-zargen da ake yi masa na yin kalaman ɓatanci ga Ma'aiki. A cewar Sagagi, an dakatar da Malam Lawan har sai an kammala bincike da jin ta bakin sa a matakin Majalisar ta shura. Ya kuma yi kira ga ƴan siyasa da su guji tsoma baki a batun, inda ya bukaci da a kyale kwamitin ya kammala aikin sa. Sagagi ya tabbatar da cewa Majalisar za ta yi aiki tsakani da Allah ba tare da son rai ko rashin adalci ba...

Gwamnan jihar Katsina, Dikko Radda ya baiwa al'ummar Jihar Hakuri inda yace kamin ya hau mulki yayi Alkawarin rika bayar da ba'asi kan yawan kudaden da aka samu da wanda aka kashe. Yace amma bayan da ya hau yaga abin ba mai yiyuwa bane. Gwamnan yace dalili kuwa shine Wasu kudaden idan aka karbosu kudin aikin gwamnatin data wucene za'a biya, hakanan wasu kudaden kuma aikin da aka yi shekarar data wucene za'a biya dasu. A karshe dai yace shima dan Adam ne dan haka yana neman Afuwa. Kalli Bidiyon jawabinsa a kasa; https://www.tiktok.com/@mps_mediang/video/7553746884012035346?_t=ZS-90BqPMn9FZ3&_r=1

Shugaban kasa, Bola Ahmad Tinubu ya bayyana cewa, jami'an tsaro sun samar da tsaro sosai a yankin Arewa maso gabas da Arewa maso yamma. Yace Mutanen da a baya suka tsere daga gidajensu saboda matsalolin tsaro a yanzu sun koma gidajen nasu. Shugaban yace an samu nasarori sosai a yaki da masu dauke da makamai a sassa daban-daban na kasarnan. Shugaban ya bayyana hakane yayin da yake jawabin ranar cikar Najeriya shekaru 65 da samun 'yanci. https://twitter.com/Imranmuhdz/status/1973276459851718762?t=kes68RdXaxTNIpxXB9Z7OQ&s=19

Gwamnan Kano, Abba Kabir Yusuf ya yi Allah wadai da kwamishinan 'yansandan jihar, Inda yace ya basu kunya saboda kin halartar bikin ranar 'yancin Najeriya. Gwamna Abba yace Kwamishinan ya dauki matakai da suka nuna cewa yana goyon bayan wata jam'iyya. Gwamnan yace shine Gwamna sannan shugaban tsaro na jihar Kano kuma Allah ne ya bashi, dan haka babu wanda ya isa ya kwace mai. Gwamnan yayi kira ga shugaban kasa, Bola Ahmad Tinubu da ya cire Kwamishinan 'yansandan daga jihar Kano na kawo musu wani. Kalli Jawabin Gwamnan a kasa: https://www.tiktok.com/@sardauna_shoot.ng/video/7556210141406711048?_t=ZS-90BmkqFaY76&_r=1

Tauraruwar Tiktok, Alpha Charles Borno ta tambayi cewa, wai me yasa, 'yan mata da suka cika yawan Kyau basu cika auruwa da wuri ba? Tace wata ce tace ta yi wannan tambayar. https://www.tiktok.com/@alphacharlesborno/video/7554612919594454280?_t=ZS-90BgK9T1MTA&_r=1

Rahotanni sun ce daga yau, 1 ga watan Oktoba, Hukumar kula da shige da fici ta Najeriya zasu fara kame da hukunta wadanda suka shigo Najeriya bizarsu ta kare basu fita ba da wadanda kuma suna shigo ba tare da takardu ba. Wadanda aka kama da laifi, zasu iya fuskantar hukuncin mayar dasu kasashensu ko kuma cinsu tara. Wanda aka kama ya dade a Najeriya tsawon watanni 3 bayan shigowa kuma takardunsa sun kare, zai biya tarar Dala $15 kullun. Ko kuma a bashi zabin hanashi shigowa Najeriya na tsawon shekaru 2. Sai kuma wadanda suka tsaya a Najeriya na tsawon watanni 3 zuwa shekara 1, su kuma za'a musu hukuncin biyan tarar dala $15 kullun ko kuma hanasu shigowa Najeriya na tsawon shekaru 5.