Author: Bashir Ahmed

Mambobin kungiyar All Progressives Congress Young Leaders Alliance (APC-YLA) a ranar Juma’a sun gudanar da zanga-zanga a gaban hedikwatar Hukumar Yaki da Cin Hanci da Rashawa (EFCC) da ke Abuja. Sun bukaci hukumar da ta gaggauta dawo da binciken zargin cin hanci da rashawa da ake yi wa Bello Matawalle, wanda yanzu haka shi ne karamin ministan tsaro. Kungiyar, wadda ta bayyana kanta a matsayin wata kungiya mai matsin lamba ta siyasa dake da tushe a Kaduna, ta zargi EFCC da yin shiru game da wannan batu duk da korafe-korafen da dama da kuma alkawarin da ta riga ta dauka na gudanar da bincike a kan tsohon gwamnan jihar Zamfara. A wata takarda da suka mika yayin zanga-zangar, kungiyar ta tambayi dalilin da yasa EFCC ta kasa daukar mataki a kan Matawalle duk da zarge-zargen aikata ba d...

Tuhume-tuhumen EFCC: Yahaya Bello zai san matsayin sa ranar 26 ga watan Yuni. Kotun tarayya da ke Abuja ta ɗage ƙarar tuhumar tsohon gwamnan jihar Kogi Yahaya Bello kan zargin badaƙalar kuɗi da hukumar EFCC ta gabatar zuwa ranakun 26, 27 ga Yuni da 4, 5 ga Yuli don yanke hukunci kan buƙatar masu gabatar da ƙara ta “yi wa shaidar tambayoyi” da kuma ci gaba da shari’ar. Alkali Emeka Nwite ya ɗage shari’ar bayan ya saurari hujjojin daga ɓangaren masu gabatar da ƙara da na masu kare Yahaya Bello. Wani shaidar hukumar EFCC, Nicholas Ojehomon, wanda ya faɗi a kotun cewa ba a tura kuɗin karatar ƴaƴan gidan Yahaya Bello daga gwamnatin jihar Kogi ko wata ƙaramar hukuma zuwa asusun makarantar AISA ba, ya kuma karanta wani ɓangare na hukuncin da kotun FCT ta yanke cewa babu umarnin kotu ...

Gwamnatin tarayya ta bakin Hukumar kula da yanda ake kasuwanci da baiwa 'yan Najeriya kariya, (FCCPC) tace Kamfaninn Meta me Facebook da Instagram da WhatsApp ko da ya bar Najeriya sai ya biya tarar da aka kakaba masa. An kakabawa kamfanin tarar Dala Miliyan $290 bisa zargin aikata ba daidai ba da bayanan 'yan Najeriya dake amfani da manhajar. Saidai kamfanin yayi barazanar barin Najeriya. Wakilin Hukumar FCCPC, Ondaje Ijagwu, ya bayyana cewa an yiwa kamfanin na META irin wannan tarar a Texas ta kasar Amurka da kasashen Turai da India, South Korea, France da Australia amma duk bai yi barazanar barin wadancan kasashe ba sai Najeriya. Yace kamfanin ya fadi waccan maganane kawai dan ya jawo hankalin mutane amma ya sani ko ya bar Najeriya sai ya biya tarar da ake binsa.

Kungiyar kasashe masu arzikin Man Fetur, OPEC ta bayyana cewa, yawan danyen man fetur din da Najeriya ke fitarwa ya ragu a watan Maris. Ta bayyana hakanne a cikin rahoton da ta fitar na watan Afrilu inda tace Najeriya ta samu ragin kaso 4.37 cikin 100 na yawan danyen man fetur din da take fitarwa. Yawan danyen Man Fetur dun ya sauka daga ganga 1.465 da Najeriya ke fitarwa kullun zuwa Ganga 1.401. Hakan dai yayi kasa da yawan man fetur din da kungiyar ta OPEC ke son kowace kasa dake cikin ta ta rika fitarwa na ganga Miliyan 1.5 a kullun. An bayyana matsalolin rashin zuba hannun jari, da Tsaffin kayan aiki da kuma satar danyen man a matsayin abubuwan dake kawo tangarda wajan samun yawan danyen man fetur din da ake bukata.

Wasu barayi masu karfin hali sun shiga Barikin soji a kasar Afrika ta kudu inda suka saci wasu motoci. Lamarin ya farune a yankin Thaba Tshwane na kasar Inda aka ga sojoji zagaye da barayin suna musu tambayoyi. https://www.youtube.com/watch?v=v4UgNGf5ncQ Barayin dai sun yi nasarar kutsawa cikin barikin inda suka saci motocin 3. Amma wata tawagar sojoji ta yi saurin kamasu kamin simu tsere.

Ƙungiyar tuntuɓa ta arewacin Najeriya wato ACF ta yi kira ga gwamnati a dukkan matakai da ƴan ƙasar da su fara shirin fuskantar ambaliyar daminar bana. Ƙungiyar ta bayyana haka ne a wata sanarwa da ta fitar a matsayin martani kan hasashen ambaliya ta shekarar 2025 da hukumar kula da yanayi ta fitar, inda a ciki hukumar ta lissafa garuruwa aƙalla 1,249 a ƙananan hukumomi 176 da ke jihohi 30, ciki har da jihohi 16 na arewa za su fuskanta. A wata sanarwa da sakataren watsa labarai na hukumar, Farfesa Tukur Muhammad-Baba ya fitar, ƙungiyar ta nuna damuwarta kan yiwuwar faɗaɗar ambaliyar, da fargabar yadda za ta jawo tsaiko a harkokin rayuwa da walwalar al'umma yankin. Ƙungiyar ta ce ta ga ƙoƙarin gwamnatin tarayya na wayar da kan al'umma kan batun ambaliyar, amma ta ce ƙoƙarin bai fit...

Bidiyon shugaban kasa, Bola Ahmad Tinubu ya bayyana inda aka ganshi mutanen jihar Anambra suna masa wakar cewa shi kadaine babansu, basu da baban da ya wuceshi. Shugaban kasa, Bola Ahmad Tinubu ya kai ziyara jihar Anambra inda aka masa tarba me kyau. Cikin Barkwanci, Shugaba Tinubu ya bayyanawa Gwamnan jihar Anambra, Charles Soludo cewa, a bashi fili zai gina gidan da zai yi ritaya a ciki a jihar Anambra.

Inna lillahi wa inna ilaihi raji'un Tsohon ɗan takaran gwamnan Kano a zaɓen 2019 ƙarƙashin jam'iyyar PDP Dr. Abdulkadir Yusuf Guɗe ya rasu.

Shugaban kasar Amurka, Donald Trump ya bayyanawa shugaban kasar Israela, Benjamin Netanyahu cewa a bide iyakokin kasar Falasdinawa a kai musu agajin kayan abinci da sauran kayan Masarufi. Ya bayyana hakanne a wata ganawa da suka yi ta wayar salula. Trump yace Falasdinawa na cikin halin matsin rayuwa kuma ya kamata a kyautata musu. Masu sharhi akan al'amuran yau da kullun sun bayyana cewa, wannan magana ba lallai tawa Benjamin Netanyahu dadi bane. Hakanan a wani yanayi da ake kallon na mayar da Benjamin Netanyahu gefe, Trump yayi sulhu da mayakan kasar Yemen, sannan ya ci gaba da tattaunawa da kasar Iran kan makamashin kare danginta. Hakanan Wani rahoto yace Trump ya nuna cewa baya bukatar Netanyahu wajan mu'amala da Gabas ta tsakiya.

Gwamnan jihar Bauchi, Dr. Bala Mohammed ya bayyana cewa, Nasarar Rayuwa bata dogara akan karantun Boko ba. Gwamnan ya bayyana hakane a yayin ganawa da masu sana'o'in hannu a jiharsa inda yace musu su mayar da hankali kan sana'o'insu sannan su kaucewa shiga dabi'un da zasu wargaza rayuwarsu. Yace mutane da yawa da suka yi nasara a rayuwa sun fara ne da sana'o'i kanana kuma basu dogara da karatun boko ba. Yace karatun Boko kawai ana yi ne dai amma karatun Qur'ani shine abin yi. Yace musamman direbobi suna zama masu kudi sosai.