Author: Bashir Ahmed

Najeriya ta aika da wakilai na musamman zuwa kasar Burkina Faso dan a tattauna yanda za'a sako sojojin Najeriya 11 da jirginsu C-130. Wadanda aka aika din daga ma'aikatar harkokin kasashen waje ne da kuma ma'aikatar tsaro ta kasa. Ministan harkokin kasashen waje, Yusuf Tuggar ne ya jagoranci tawagar. Zasu tattauna maganar sasanci tsakanin kasashen biyu da kuma inganta tsaro.

Kakakin 'yansandan jihar Akwa-Ibom, Timfon John ta dauki hankula bayan da aka ganta rike da wayar iPhone 17 Pro max ta Naira Miliyan 2.5 a yayin da Albashinta bai wuce Naira 300,000 ba. Da yawa dai sun rika caccakar ta da cewa ina ta samo wayar dan Albashinta dai ba zai iya saya mata wayarba. https://twitter.com/officerTimzy/status/2000986882457371048?t=jgvbDoV1hReDR0MGGKKa_g&s=19 Saidai kakin 'yansandan jihar Delta, Bright Edafe ya kare abokiyar aikin nasa inda yace watakila ta tara kudinne ta siya. Yace akwai wanda da gaske suna satar amma an zuba musu ido. https://twitter.com/Brightgoldenboy/status/2001283075662025113?t=g01jqwU9KgVSOJXaRylpsw&s=19

Tauraron dan kwallon Najeriya, Ahmed Musa ya yi ritaya daga bugawa Najeriya wasa bayan shekaru 15 da ya shafe yana buga wasa. Ya bayyana hakan ne a shafinsa na sada zumunta. Ahmed Musa ya bugawa Najeriya wasanni 111 inda kuma shine wanda yafi kowane dan wasa yawan kwallaye a gasar cin kofin Duniya a Najeriya. https://twitter.com/Ahmedmusa718/status/2001265044110135753?t=lKaDFBWYJpufeS7G-QIDjQ&s=19

A yayin da ake tsaka da alhinin abinda ya faru a Masallacin dake Hotoro Kano inda wani yawa Ladani yankan Rago ya ciro Makogoronsa. A jihar Bauchi kuma wani gidane aka kama ma matsafa dake daukar 'yan mata suna zuwa suna tsafi dasu. Saidai dubunsu ya cika. https://www.tiktok.com/@usmaniyya61/video/7584529260925259029?_t=ZS-92Ik6NRW9hZ&_r=1 Hakanan a Kanon dai a shekar Mai Daki an samu wasu marasa Imani sun shiga har gida suka qàshè wata mata da danta, sannan suka Qònà Gawarsu. https://www.tiktok.com/@shataaliyu/video/7584775592344718613?_t=ZS-92IkYNI269Q&_r=1 Sai a Legas kuma da Wani Uba ya Hallaqa dansa har lahira wanda shima dan Arewa ne. https://www.tiktok.com/@danhajia_ojo/video/7584599644395556117?_t=ZS-92Il0bOAmPZ&_r=1

Tauraron me sayar da mota wanda aka fi sani da Sarkin Mota ya jawo cece-kuce bayan da aka ganshi sanye da kaya irin na Koristoci wanda ake kira da Father Christmas. Da yawa dai sun ce hakan bai dace ba a matsayinsa na musulmi koyi da Kirista ne. Kalli Bidiyon a kasa: https://twitter.com/SarkinMota_AMF/status/2000990370394726771?t=6KcVmSIbHHqXtc6p1yMKHA&s=19 https://www.tiktok.com/@alamin_sarkinmota/video/7584584292257303829?_t=ZS-92IiunAYfjM&_r=1

An ga Rarara da Shafa Wali a wajan bikin murnar sarautar sarkin Mawakan Hausa da aka masa. An ga Rarara yawa Shafa Wali Rada a kunne inda duka suka fashe da dariya. Daga baya dai wasu sun rika cewa ya aureta. https://www.tiktok.com/@iphoneboy111/video/7584718492876737800?_t=ZS-92IhSDbXSd6&_r=1

Gwamnatin tarayya ta karyata wani rahoton jaridar Daily Trust wanda yace akwai yunwa a Arewa inda suka ce mutane miliyan 33 na fama da yunwa ciki akwai miliyan 16 wadanda kananan yara ne A wata sanarwa da ta samu sa hannun me magana da yawin shugaban kasa tace Gwamnatin ta rabawa gidaje Miliyan 3 tallafin Naira 75,000 kowannensu. Sannan kuma akwai dalibai 396,000 da suka samu tallafin karatu. Sannan akwai kananan masana'antu da suka samu tallafin jari. Fadar shugaban kasar tace tana maraba da suka me ma'ana amma a rika fadar kokarin gwamnati.

Lauya Emmanuella Ojialor ta bayyana cewa mata zasu iya kai duk namijin da ya musu Alkawarin aure amma daga baya yaki aurensu kotu. Ta bayyana cewa, doka ta bayar da dama muddin mace na da hujja ko shaidu ta kai kara ta nemi a biyata diyya. Ta yi gargadi ga mata masu daukar doka a hannu ta hanyar aikata abubuwan da basu dace ba.

Rahotanni daga Legas na cewa, Dangote ya rage farashin Man fetur inda gidan man MRS ya fara sayar da man akan Naira 739 akan kowace lita. An ga masu motoci na ta layin shiga gidaje man MRS a Legas dan sayen man me sauki. Hakan na zuwane bayan da Dangote ya rage farashin da yake sayarwa gidajen man fetur zuwa Naira 699 akan kowace lita. Dangote dai yasha Alwashin wannan ragi zai kai kowane sashi na Najeriya inda yace za'a rika sayen man aka Naira 740 akan kowace lita. Ya zargi 'yan kasuwar man fetur da ke shigo da man daga kasashen waje da kara masa kudi da gangan dan su ci kazamar riba. https://twitter.com/Imranmuhdz/status/2001239798380683416?t=-LTXiIhd9krAX3VvMMmQtw&s=19

Tsohon Gwamnan jihar Akwa-Ibom, Obong Victor Attah ya bayana cewa, ya so samarwa da mutanen jiharsa Wutar Lantarki da bata daukewa amma Shugaban kasa ya hanashi. Yace a wancan lokacin ya gina tashar samar da wutar lantarkin kuma har shugaban kasa ya je ya kaddamar da ita. Yace amma da shugaban kasa ya koma Abuja sai yayi sabuwar doka cewa jihohi ba zasu iya samar da wuta kuma su rarrabata ba. Yace a haka aikin ya lalace. https://twitter.com/NigeriaStories/status/2001195784100860330?t=y07yNhYPgverUhw3rthwOQ&s=19