Author: Bashir Ahmed

Gwamnatin tarayya ta yi ikirarin cewa Najeriya ce ta hudu a bayan kasashen India, China da Saudi Arabia wajan saurin habakar tattalin Arziki. Saidai an gano wannan ikirarin ba gaskiya bane. Gwamnatin Ta yi ikirarin cewa wannan bayanai sun fito ne daga hukumar bayar da lamuni ta Duniya IMF. Saidai bincike ya bayyana cewa Najeriya ta 37 ce ba ta 4 ba a jerin kasashen masu saurin habakar tattalin arziki.

Kungiyar Tuntuba ta Arewa me suna ACF ta bayyana cewa, abin takaici ne ya da 'yan Arewa a kudancin Najeriya ba'a sayar musu da gidaje da Filaye. Amma nan a Arewa 'yan kudu na ta mallakar gidaje da filaye. Shugaban kwamitin amintattu na kungiyar, Alhaji Bashir Dalhatu ne yayi wannan kirafi inda yace ya kamata a jihohi 19 na Arewa a fito da sabon tsarin mallakar fili da gida dan magance wannan matsala. Yace musamman a jihohin Inyamurai basa sayarwa da 'yan Arewa fili. Yace idan ba'a tashi tsaye aka magance wannan matsala ba, muna ji muna gani zamu sama bamu da fili ko gida a garuruwan mu duk baki sun saye.

Shugaban Kungiyoyin gwagwarmaya da suka hada kai suka kai bukatar a binciki tsohon shugaban kamfanin man fetur na kasa, NNPCL, Mele Kolo Kyari ya je ya janye bukatar binciken. Kungiyoyin sun ce basa tare da shugaban nasu me suna Kabir Matazu. A wata sanarwa da sakataren kungiyoyin me suna Moses Okino ya fitar, yace Matazu ya yaudaresu da cin amanarsu. Kungiyar tace dama can akwai wasu na hannun damar Mele Kolo Kyari dake ta son su hana binciken me gidan nasu. Yace dan haka abinda Matazu yayi ba da yawun kungiya yayi ba yayi ne shi kadai bisa radin kansa. Yace Matazu bai tuntubesu ba dan haka suna kyautata zaton kudi aka bashi.

Babban Malamin Darika dake daukar hankula a kafafen sada zumunta, Attalili Attagazuti ya bayyana sunayen Annabawa da ba'a taba jinsu ba. https://twitter.com/northern_blog/status/1917708087135264816?t=f7ssui8vGrqUErhMI6dhMA&s=19 Ya bayyana hakane a wani Bidiyonsa da ya yadu sosai inda mutane sukai ta mamakin lamarin.

A ranar Litinin ɗin nan ne gwamnonin shiyyar arewa maso gabashin Najeriya suke taro a birnin Damaturu babban birnin Jihar Yobe kan matsalolin da yankin ke fama da su. Taron na zuwa a daidai lokacin da yankin ke fama da sabin hare-haren mayakan Boko Haram. Masana da al'ummar yankin na cewa dama ce gwamnonin suka samu domin tattauna yadda za a shawo kan matsalar tsaro da ke addabar yankin. A ranar Talata ne dai ƙungiyar ISWAP ta ɗauki alhakin kai wani harin bam da ya yi sanadiyyar mutuwar mutum 26 a Rann a jihar Borno.

Hukumar da ke yaƙi da masu yi wa ƙasar almundahana, ICPC ta ƙaddamar da wani bincike kan zargin zabtare wa ɗaliban da gwamnati ta bai wa bashin karatu da ake kira NELFUND da makarantu da jami'o'i ke yi. Hukumar ta ICPC wadda ta wallafa hakan a shafinta na X, ta ce w annan dai ya biyo bayan rahotannin da ke zargin manyan makarantu fiye da 51 da ke datse kuɗaɗen. An dai yi zargin cewa manyan makarantun na datse kuɗin da ya kai naira 3,500 zuwa naira 30,000 daga kuɗin bashin kowane ɗalibi. Binciken farko-farko ya bayyana yadda aka samu giɓi a rabon kuɗaɗen, inda daga cikin naira biliyan 100 da gwamnatin tarayya ta saki ga tsarin bayar da bashin na NELFUND, naira biliyan 28.8 ne kacal suka isa ga ɗaliban, inda kuma aka nemi naira biliyan 71.2 aka rasa.

Shugaban Najeriya, Bola Tinubu zai kai ziyarar aiki ta kwana biyu zuwa jihar Katsina da ke arewa maso yammacin ƙasar. Cikin wata sanarwa da kakakin shugaban ƙasar, Bayo Onanuga ya fitar, ya ce a ziyarar - wadda zai fara ranar Juma'a - shugaban zai gana da masu ruwa da tsaki domin nazartar yanayin tsaro a jihar. Sanarwar ta ce shugaban zai ƙaddamar da cibiyar ayyukan noma ta zamani da wani titi mai hannu biyu, mai tsawo kilomita 24 da gwamnan jihar, Dikko Radda ya kammala. Haka kuma Bayo Onanuga ya ce Shugaba Tinubu zai kuma halarci ɗaurin auren ƴargidan gwamnan Katsinan kafin kammala ziyarar tasa a jihar.

{"remix_data":[],"remix_entry_point":"challenges","source_tags":[],"origin":"unknown","total_draw_time":0,"total_draw_actions":0,"layers_used":0,"brushes_used":0,"photos_added":0,"total_editor_actions":{},"tools_used":{},"is_sticker":false,"edited_since_last_sticker_save":false,"containsFTESticker":false} Matukar Muneerat Abdulsalam Ta Amince Ta Zo Mu Yi Aure, Dama Ina Da Burin Auren Wadda Ta Girme Ni, Inji Malam Musa Rafin Kuka Wace fata za ku yi masa?

Tsohon Shugaban Kasa, Muhammadu Buhari Ya Karɓi Bakuncin Tsohon Shugaban Hukumar Yaƙi Da Cin Hanci (EFCC), Malam Abdulrasheed Bawa A Masaukinsa Dake Birnin London.

Shugaban kasa, Bola Ahmad Tinubu ya bayyana cewa, ya kamata mutane su gane cewa, Matsalar tattalin arziki ba a Najeriya bane kadai, Annobace data mamaye kowace kasa a Duniya. Shugaba Tinubu ya bayyana hakane a sakonsa na ranar ma'aikata. Dan haka ya baiwa Ma'aikatan Najeriya hakuri inda yace su co gaba da juriya musamman game da bukatun da suke gabatar masa. Shugaban yace yana sane da halin matsin rayuwa da yunwa da 'yan Najeriya musamman ma'aikata ke ciki inda ya sha Alwashin magance wadannan matsaloli. Shugaba Tinubu ya bayyana hakane a Eagle Square dake Abuja ta bakin Ministan Kwadago, Muhammad Maigari Dingyadi