Author: Bashir Ahmed

Ƙungiyar dattawan Arewacin Najeriya ta koka kan rashin shigar da ƙwararu a kwamitin da Shugaban Ƙasa Bola Tinubu ya umarci ofishin ministan shari’a da na majalisar ƙasar su kafa domin sake duba ƙudurorin cikin tsanaki. Ƙungiyar ta ce bai kamata gwamanti ta nemi a kawo sauye-sauye cikin gaggawa kan batun dokar harajin ba, inda ta ce aiwatar da dokar ba tare da tuntuɓa yadda ya kamata ba zai yi wa jihohin yankin illa. Farfesa Abubakar Jika Jiddere ɗaya ne daga cikin shugabanin ƙungiyar ya ce kawo yanzu sun kamala yi wa dokar harajin duba na tsanaki kuma sun haɗa rahotonsu, wanda haka yasa suke ganin dole a sake nazari kan ƙudurin.

Rundunar 'yansandan Najeriya reshen binrin Abuja ta ce ta kama mutum 50 da take zargi da ɓallewa tare da sace murafe na kwatami a kan titunan birnin. Wata sanarwa da rundunar ta wallafa a shafukan zumunta ta ce tsararren samame da ta kai ne ya ba ta nasarar kama mutanen, inda kuma dakarunta suka ƙwato murafe 25. Birnin na Abuja ya daɗe yana fama da waɗannan sace-sace, inda ake yawan cire murafen da ke tsakiya ko gefen titi domin sayarwa. "Bincike ya tabbatar cewa masu satar na aiki ne a matsayin wani gungu da ke sayar da murafen ga dillalan ƙarafa," in ji sanarwar wadda ta lissafo sunayen mutum 50 ɗin. Daga cikin abubuwan da ta ce ta ƙwace a hannun mutanen har da turakun lantarki masu amfani da hasken rana na gefen titi, da ababen hawa uku, da rodin gina gadodji, da sauran abub...

Hukumar yaƙi da cin hanci da rashawa ta EFCC a Najeriya ta ce ta kori ma'aikatanta 27 a shekarar 2024 saboda zargin aikata zamba da sauran laifuka. Mai magana da yawun EFCC, Dele Oyewale, ya faɗa cikin wata sanarwa cewa shugaban hukumar Ola Olukoyede ne ya amince da matakin. "Duk wani zargi da aka yi wa wani ma'aikacin hukumar, sai an bincika shi, ciki har da na dala 400,000 da ake yi wa wani ma'aikaci da ba a gano shi ba zuwa yanzu," a cewar sanarwar. Ya ƙara da cewa EFCC "na sane da ayyukan sojan gona da ɓata sunan da wasu ke yi da ta hanyar amfani da sunan shugaba [Olukoyede] domin zambatar manyan mutanen da ake zargi", wanda shi ma ake kan bincikawa.

Matsanancin yanayi ya haifar da ambaliyar ruwa a wasu sassan ƙasar Saudiyya. Hotunan da aka wallafa a shafukan sada zumunta sun nuna yadda ruwa ya mamaye hanyoyi a cikin garin Makka. Haka kuma an ga yadda wasu maza suka riƙe da hannu domin ceto yaran da suka maƙale sanadin ambliyar ruwan a unguwar Al-Awali. Sai da aka soke jigilar wasu jiragen sama a birnin Jeddah, inda aka yi ruwan sama kamar da bakin kwarya da ya janyo hukumomin Saudiyya suka rufe makarantu a daukacin ƙasar.

Rundunar 'yansandan Najeriya ta ce wani abin fashewa ya kashe mutum biyu a makarantar Islamiyya da ke Abuja babban binrin ƙasar. Wata sanarwa da rundundar ta wallafa ta ce lamarin ya faru ne da misalin ƙarfe 11:00 na safiyar yau Litinin a ƙauyen Kuchibuyi da ke ƙaramar hukumar Bwari. "Bayanan farko-farko sun nuna wasu mutum uku ne suka kai wa shugaban makarantar Tsangayar Sani Uthman Islamiyya Mallam Adamu Ashimu ziyara, kuma su ake zargi da kai bam ɗin," in ji sanarwar. "Biyu daga cikin mutanen sun mutu a fashewar a farfajiyar makarantar, yayin da na ukun da kuma wata mata mai sayar da kayayyaki suka ji munanan raunika kuma suke samun kulawa a asibiti." Sanarwar ta ƙara da cewa 'yansanda na tsare da Mallam Adamu, sannan kuma za ta bayyana abin da bincikenta ya gano.

Kungiyar ISWAP data balle daga jikin B0K0 Hàràm ta kaiwa sansanin sojojin Najariya hari a garin Damboa dake jihar Borno. Maharan sun kona gidaje da motocin sojojin da kashe akalla sojoji 7. Rahoton Sahara Reporters yace maharan sun shafe awanni 2 suna cin karensu ba babbaka a sansanin sojojin. Rahoton yace harin ya farune ranar 4 ga watan Janairu, watau Asabar data gabata. Wani soja yace zuwa yanzu sun gano gawarwakin Sojoji 7, kuma ya kara da cewa an kai musu harinne da misalin karfe 4 na safe. Kalli Bidiyon anan

Kwanaki kadan bayan da gawurtaccen dan ta'adda, Bello Turji ya kaiwa wasu unguwannin garin shikafi hari, sojoji sun mamaye garin dan samar da tsaro. Yaran Bello Turji sun kai hari a kasuwar garin inda suka Kashe mutane 2 da yin garkuwa da wasu da dama. Turji dama yayi Alkawarin kaiwa garin Shinkafi hari idan ba'a saki wasu 'yan uwansa da aka kama ba. Turji ya kuma tare motoci biyu ya yi garkuwa da mutanen ciki ya koma mota daya.

Gobara a gidan babban Sakataren (Perm. Sec.) na ma'aikatar Matasa da wasanni ta jahar Sokoto Muhammad Bello Yusuf tayi sanadiyyar rasuwar matarsa da 'ya'ya 3 da mai aiki ɗaya. Muna rokon Allah Ya gafarta musu, Ya kyautata tamu idan tazo. Amin ALLAHU AKBAR, ALLAHU AKBAR:AN KAMMALA SALLAR JANA'IZAR ƊIYAR SSG NA JAHAR SOKOTO Alhaji BELLO SIFAWA kuma Matar PERMANENT SECRETARY na MINISTRY of Youths and Sport Alhaji MUHAMMAD YUSUF BELLO, TARE da 'YA'YANTA UKKU da MAI AIKINSU WANDA DUKKANSU SUKA RASU a CIKIN IFTILA'I NA GOBARA. UBANGIJI ALLAH YA ya JIKANSU DA RAHAMA KUMA ya GAFARTA MASU BAKI DAYA. ALLAH YA BADA HAƘURI

Kotun tarayya dake Abuja ta bayar da belin matar datawa dan shugaban kasa, Seyi Tinubu da shugaban 'yansandan Najeriya barazanar kisa akan Naira Miliyan 10. Alkalin kotun, Justice Emeka Nwite ya bayyana cewa kuma matar da aka gurfanar Olamide Thomas sai ta gabatar da wanda zai tsaya mata. Kuma dole ya kasance yana zaune a inda kotun ke da hurumi.

Rahotanni daga kasar China na cewa, aikin Ofis yayi karanci a kasar inda matasa da yawa da suka kammala digiri na biyu dana uku watau Masters da PhD sun rungumi kananan sana'o'i irin su tukin motocin haya da aiki a gidajen abinci da saurans. Rahoton BBC yace wasu masu PhD sun koma aikin goge-goge a ma'aikatu inda wasu ke aikin kai sakonni gidaje. Wani matashi dan shekaru 25 da majiyar tamu ta yi hira dashi me suna Sun Zhan ya bayyana cewa ya kammala Digirin Masters a fannin Kididdigar kudi, watau Finance inda yayi fatan yin aiki da babban kamfani dake hadahadar kudi ko banki, yace amma ya nemi irin aikin da yake so bai samu ba. Yace yanzu yana aiki ne a wani gidan abinci dake birnin Nanjing inda yake mikawa mutane irin abincin da suke so idn sun shiga gidan abincin. Rahoton yac...