Author: Bashir Ahmed

Babban Fasto na cocin (RCCG), Fasto Adebayo ya bayyana cewa addu'o'in da suke da taimakon Allah ne yasa darajar Naira bata fadi ba aka rika sayen dalar Amirka daya akan Naira dubu 10 ba. Tun bayan da Gwamnatin shugaban kasa, Bola Ahmad Tinubu ta cire tallafin dala ne farashin dalar yayi tashin gwauron zabi zuwa sama da Naira 1,600. Hakan ya taimaka wajan hauhawar farashin kayan masarufi.

'Yansanda a jihar Kano sun kama masu laifi gida 82. An kamasu ne tsakanin Nov. 1 zuwa Nov. 14. Wanda aka kama din ana zarginsu da aikata laifukan kwacen waya, garkuwa da mutane da safarar kwaya. Kakakin 'yansandan jihar, Abdullahi Kiyawa ne ya bayyana haka a hedikwatar 'yansandan jihar dake Bompai Kano. Ya bayyana cewa sun samu wannan nasara ne bayan wasu dabaru da suka fito dasu na kama masu laifi. Yace sun kwace makaman Bindiga AK 47 guda daya da bindigu kirar gida guda 3 da adduna da wukake guda 30 sai miyagun gwayoyi da sauransu. Ya bayar da tabbacin ci gaba da kokarin kawo zaman lafiya a jihar da yaki da aikata miyagun laifuka.

Kamfanin man fetur na kasa,NNPCL ya musanta Rahotannin dake cewa ya daina shigo da tataccen man fetur daga kasashen waje inda a yanzu yake sayen man daga matatar man fetur ta Dangote. Labarai sun yadu dai cewa NNPCL tace ta daina shigowa da man fetur daga kasashen waje. Saidai a sanarwar da kakakin NNPCL din Mr Femi Soneye ya fitar yace wannan rahoto ba gaskiya bane. Yace suna dubawane su ga idan shigo da man fetur din daga kasar waje yafi sauki to daga wajen zasu siyo idan kuma sayenshi a gida yafi sauki to sai su siya a gida. Yace lamarin labarin cewa sun daina shigo da man fetur ba gaskiya bane inda ya jawo hankalin 'yan jarida da su rika yin bincike kamin watsa labaransu.

A kasuwar canji ta gwamnati a ranar Alhamis, farashin Naira ya fadi inda aka sayi dalar Amurka akan Naira N1,650.20. Hakan na zuwa ne a yayin da tsadar rayuwa ta addabi 'yan Najeriya. Tashi da faduwar farashin dala na daya daga cikin abubuwan dake kawo hauhawa da faduwar darajar Naira.

Gwamnatin tarayya ta gabatar da kasafin kudin Naira Tiriliyan N47.9trn a matsayin kasafin kudin shekarar 2025. Ministan kasafin kudi da tsare-tsare, Atiku Bagudu ne ya bayyana haka ga manema labarai a ranar Alhamis bayan zaman majalisar zartaswa. Yace nan da ranar Juma'a ko Litinin ake tunanin gabatarwa da majalisar tarayya da kasafin kudin a hukumance.

An gano wani gidan Alfarma na miliyoyin daloli da tsohon me baiwa shugaban kasa shawara kan harkar tsaro Sambo Dasuki ya saya a kasar Amurka. Sambo Dasuki dai an kamashi bisa zargin cinye Biliyoyin kudade da aka ware dan yaki da kungiyar Boko Haram a zamanin gwamnatin tsohon shugaban kasa, Goodluck Jonathan. Sannan a wannan sabon bincike da ya bayyana an gano Dasuki yayi amfani da kudaden wajan sayen godajen Alfarma a biranen Los Angeles, California da kuma babbar unguwar masu kudi ta McLean, Virginia, dake babban birnin kasar Amurka, Washington, DC. Wata kungiya dake bincike da kwarmaton yanda ake sace kudaden talakawa a kasar Afrika me suna (PPLAAF) ce ta gano lamarin. Kungiyar tace wasu dake taimakawa Dasuki sayen gidajen alfarmar Robert da Mimie Oshodin sun karbi akalla Da...

Rahotanni sun ce biyo bayan karuwar yawan man fetur din da kamfanin man fetur na kasa NNPCL ya sanar da cewa an samu na ganga Miliyan 1.8 duk kullun, yawan kudin da gwamnatin tarayya ke samu zai karu zuwa Naira Tiriliyan N6.99tn duk wata. Farashin man Brent yana a matsayin dala $81 kowace ganga. Idan ana samun ganga Miliyan 1.8 kullun hakan na nufin Najeriya zata samu kudin shiga da suka kai Naira Tiriliyan N6.99tn duk wata. Shugaban kamfanin man fetur dun na kasa, Mele Kolo Kyari ne ya bayyana hakan a wata sanarwa da ya fitar ranar Alhamis inda yace yawan man fetur din da Najeriya ke hakowa ya karu.

Masu gudanarwa na makarantar jami'ar Federal University, Lokoja, dale jihar Kogi, sun sallami malamai 4 daga aiki saboda samunsu da aikata ba daidai ba wajan jarabawa da kuma yin lalata da dalibai mata. Sun zartar da wannan hukunci ne ranar Alhamis bayan wani zama da suka yi kan batun. Hakan ya biyo bayan zargin da akawa malaman na yin lalata da dalibai mata da kuma aikata ba daidai ba wajan jarabawa. Shugaban kwamitin gudanarwar makarantar, Senator Victor Ndoma-Egba ya yabawa wadanda suka yi wannan bincike inda yace sun kyauta da suka bi ka'ida wajan yin binciken. Yace kuma su gaggauta kammala sauran binciken da ake yo akan malamai. Ya jawo hankalin malaman kada su saka kansu wajan cin zarafin dalibai sannan ya jawo hankalin daliban da duk wanda aka ci zarafinsa da ya fito ...

Ministan babban birnin tarayya Abuja, Nyesome Wike ya gayawa Alhaji Atiku Abubakar cewa ya daina neman takarar shugabancin Najeriya dan ba zai samu ba saboda Allah be kaddaro masa zai mulki Najeriya ba. Wike ya bayyana hakane ta bakin kakakinsa, Lere Olayinka inda ya kara da cewa, laifuka da cin amanar da yawa jam'iyyar PDP ne a baya ke tambayarsa. Yace ya kamata Atiku ya gane cewa shi yanzu ya zama uba dan a lokacin da yayi takara a jami'iyyar SDP Wike bai wuce shekaru 25 ba. Dan haka yace Atikun ya hakura dan a shekarar 2027, PDP ba zata sake bata tikitin takarar shugaban kasarta ta baiwa wanda ba zai ci zabe ba dama.