Author: Bashir Ahmed

Wata matar aure wadda 'yarsanda ce ta jawo cece-kuce bayan da ta baiwa Saurayi lambar wayarta. Matar wadda sunanta Chioma an ganta a cikin wani faifan bidiyon dake ta jawo a kafafen sada zumunta inda Saurayin ya kirata gefen titi. https://twitter.com/ChuksEricE/status/1883120117271413123 Ya tambayeta, tana da aure ta amsa mai cewa Eh tana da aure inda yace yana sonta sannan ya karbi lambarta. Da yawa dai sun yi Allah wadai da wanda ya dauketa bidiyon sannan wasu sun yi Allah wadai da saurayin da be kyaleta ba tunda tace ita matar aure ce.

Gwamnatin tarayya tace an saka sana'o'in Aski, Gyaran waya, gyaran fanfo, kwalliyar mata, Gyaran waya da sauransu cikin abubuwan da za'a rika koyarwa a makarantun boko. Za'a rika koyar da wadannan sana'o'i ne a makarantun firamare zuwa makarantun karamar sakandare. Wannan ya biyo bayan garambawul da akawa bangaren ilimi. Hukumar wayar da kai ta kasa, NOA ta ce an saka wadannan sana'o'i cikin karatu ne dan koyawa dalibai hanyar dogaro da kai. Sauran sana'o'in da za'a rika koyarwa sun hada da noma, kiwon kaji, gini, saka tayil, saka POP, da dai sauransu.

Tsohon shugaban Najeriya, Muhammadu Buhari ya koma kasar bayan gurfana a gaban wata kotu a birnin Paris na kasar Faransa. Cikin wani bidiyo da tsohon mataimakinsa na musamman kan harkokin sadarwa, Bashir Ahmad ya wallafa a shafinsa na Facebook, ya nuna lokacin da tsohon shugaban kasar ke sauka daga jirgi a jihar Katsina. A farkon makon nan ne tsoffin shugabannin Najeriya biyu, Olusegun Obasanjo da Muhammadu Buhari suka bayyana a gaban wata kotun cinikayya ta ƙasa da ƙasa da ke birnin Paris na a ƙasar Faransa domin ba da bahasi dangane da kwangilar aikin gina cibiyar samar da wutar lantarki ta Mambilla da ke jihar Taraba. Wani kamfani mai suna Sunrise Power ne dai ya kai gwamnatin Najeriya ƙara kan saɓa ƙa'idojin kwangilar, inda yake neman gwamnatin ta biya shi dalar Amurka biliyan...

Daga Comr Nura Siniya Tsohon shugaban kasar Nijeriya Muhammad Buhari, ya gwangwaje mawaƙi Ɗan Soja da kyautar kuɗi har dala 100 a wajen taron masu ruwa da tsaki na jam'iyyar APC da aka shirya a gidan gwamnatin jihar Katsina. Kalli bidiyon anan https://www.youtube.com/watch?v=TQyFblb0kWI?si=DUrrmG4UzA3K49bI Ya kuke kallon wannan kyautar?

Tsohon Gwamnan jihar Edo, Adams Oshiomhole ya yi zargin cewa, tsaffin janarorin soja ne ke satar ma'adanai a Najeriya. Oshiomhole ya bayyana hakane a yayin da shugaban kwamitin dake kula da harkar hakar ma'adanai a majalisar,Sampson Ekong ke muka sakamakon binciken kwamitinsa ga majalisar. Oshiomhole wanda shine shugaban kwamitin dake kula da harkokin cikin gida ya bayyana cewa, sun san wadannan tsaffin janarorin dan kuwa koda a lokacin mulkin tsohon shugaban kasa, Muhammadu Buhari sai da ya rubuta mai wasika akan ayyukan nasu. Ya kara da cewa, wadannan masu hakar ma'adanai ba bisa ka'ida ba suna safarar muhgan makamai dan gudanar da ayyukansu kamar yanda ake yi a sudan ta kudu. Oshiomhole ya bayar da shawarar cewa, maganin wannan matsala shine a samar da rundunar jami'an tsar...

Duk da rahotannin da Turji ya bayar na mika wuya, babban hafsan tsaron ya ci gaba da cewa duk wanda ya aikata kisan kiyashi ba dole ba ne a tsira. Babban hafsan hafsoshin tsaron Najeriya Janar Christopher Musa a ranar Juma’a ya bayyana cewa fitaccen Jagoran ‘yan ta’adda Bello Turji ya bayyana cewa a shirye yake ya mika wuya. Yayin da yake shugabanta na biyu da kuma wasu hafsoshin sojin kasar kwanan nan da sojoji suka kama, babban hafsan hafsoshin tsaron kasar ya ce an tilastawa Turji watsi da mafi yawan wadanda ke karkashinsa, wanda hakan ke nuna a shirye ya ke ya ajiye makamansa. “Su (’yan ta’adda) suna cikin al’umma; mutane sun san su. Don haka, wani lokacin idan sun gan su, kafin ka sami bayanin, kamar sa'o'i biyu ne - mutumin ya motsa. Don haka, lokacin da bayanin ya isa gare ...

Hukumar yaki da rashawa da cin hanci ta EFCC na fama da matsalar jami'anta da ake kamawa da satar kudade da kadarori da aka kwato daga hannun jami'an gwamnati da masu rashawa da cin hanci. Wasu daga cikin jami'an hukumar an koresu daga aiki inda wasu kuma aka dakatar dasu dan yin bincike kan zargin satar kayan da aka basu kula wa dasu. Koda a shekarar data gabata, mutane 27 ne aka kora daga EFCC saboda satar kudaden da aka basu ajiya Hakanan kakakin EFCC a ranar 6 ga watan Janairu 2025 ya tabbatar da cewa suna binciken batan dala $400,000 da ake zargin wani jami'in hukumar ya sace. Hakanan akwai jami'an hukumar 10 da aka dakatar a reshenta na jihar Lagos inda ake zarginsu da satar Gwal da darajarsa ya kai na Naira Biliyan 1, da kudade dala $350,000 zuwa $400,00 wanda duka suka...

Kungiyar Lafiya ta Duniya, WHO ta bayyana cewa, kaso 77 cikin 100 na matan Najeriya na amfani da man kara hasken fata wanda ake cewa Bleaching. Hakan bmna zuwane yayin da wani rahoto yace ba matan ba kadai yanzu hadda kananan yara a Najeriya ana shafa musu man kara hasken fata. Rahoton na WHO yace mayukan kara hasken fata ne mafiya ci gaba da aka fi sayarwa a tsakanin mayukan shafawa a Duniya baki daya. Hakan na faruwa ne duk da irin illar da irin wadannan mayukan shafawar ke dauke da ita wanda ya hada da ragewa fata karfi da garkuwar da take dashi da kuma kara hadarin kamuwa da cutar daji.

Ana zargin DPO din 'yansanda dake Dutsinma, CSP Bello Gusau da yiwa karamar yarinya lalata wadda ake tsare da ita a ofishin 'yansanda. Wata kungiyar kare hakkin bil'adama HRTI ce shigewa yarinyar gaba inda suke nema mata hakkinta. Shugaban kungiyar Kwamared Maiyasin ya bayyana cewa sai da suka yi bincike suka tabbatar da cewa DPO din ya dauki yarinyar ya je ya kwana da ita a gidansa, ba'a ofishin 'yansanda ta kwana ba kamin su dauki mataki. Kwamishinan 'yansandan jihar Katsina, CP Aliyu Musa ya bayyana cewa an dakatar da DPO din inda aka fara bincike kan lamarin.

Shugaban kwamitin dake kula da yanda Gwamnatin tarayya ke kashe kudi, James Faleke ya bayyana cewa, Gwamnatin tarayya ba zata iya ci gaba da biyan kudij tallafin wutar lantarki ba. Ya bayyana hakane yayin da ma'aikatar kudi ke bayanin yanda zata kashe kudadenta a shekarar 2025. Gwamnatin tarayya dai ta ware Naira biliyan 705 dan biyawa 'yan Najeriya tallafin wutar a shekarar 2025. Saidai Falake yace sam babu bukatar hakan musamman lura da yanda farashin wutar labtarkin ke ta kara tashi kullun da kuma yanda darajar Naira ke ci gaba da faduwa.