Kudin Najeriya, Naira ta karye a yau inda aka sayi dala akan Naira 1,635.15 a farashin gwamnati a ranar Litinin.
Idan aka kwatanta da farashin Dalar a ranar Juma'a wanda aka siya a farashin Naira 1,631.21 za'a fahimci, Nairar ta fadi da farashin 3.9 kenan.
A kasuwar 'yan Canji kuma farashin dalar ya kai 1,660.
Wata karuwa ta kashe abokin lalatarta bayan da ya dauketa ya kai gidansa.
Lamarin ya farune a jihar Legas a unguwar Jakande.
Mutumin me suna Okafor ya dauki karuwar, Joy Kelvin ya kai gidansa inda a canne ta caka masa wuka ya mutu.
Lamarin ya faru a daren 6 ga watan October inda a wayewar gari watau ranar 7 ga wata sai abokin mamacin ya kira 'yansanda.
An garzaya da Okafor zuwa Asibitin Marina inda a canne suka tabbatar ya mutu.
Tuni dai aka kama Joy inda shi kuma aka kai gawarsa zuwa mutuware yayin da aka ci gaba da neman 'yan uwansa.
An Yi Nasarar Ķàshè Dorinar Ruwar Da Ta Addabi Jama'a A Yankin Yauri Dake Jihar Kebbi.
Yau an samu nasaran kashe daya daga cikin dorinar ruwa da suka addabi al'ummar Yauri dake jihar Kebbi.
Idan baku manta ba, kwanaki wannan dorinar ruwan ta kashe wani hadimin mai Martaba Sarkin Yauri Dr Zayyanu, hakazalika ta raunata wasu jama'a da dama.
Daga Murjanatu Diri
Tsohon shugaban kasa, Muhammadu Buhari ya dawo gida Najeriya bayan hutun da yayi na tsawon lokaci a Landan dake kasar Ingila.
Shugaba Buhari ya sauka a filin jirgin malam Aminu Kano dake Kano inda manyan jami'an gwamnati da 'yan uwa da abokan arziki suka tarbeshi:
Rahotanni daga jihar Naija na cewa masu kwacen waya sun kashe wani matashi me suna Muhammad Abdulmutalib a babban birnin jihar Minna.
Lamarin ya farune da misalin karfe 8 na yammacin ranar Lahadi October 6, 2024 a 123 quarters, Old Secretariat Road yayin da yake kan hanyar zuwa gida.
An garzaya dashi asibiti amma acan rai yayi halinsa.
Jam'iyyar Labour party ta yi maraba da maganar da tsohon gwamnan Kano Dr. Rabiu Musa Kwankwaso yayi na cewa zai iya zama mataimakin Obi a zaben 2027.
A wata hira ce dai da aka yi Kwankwaso ya bayyana haka inda yace idan an bi tsari me kyau aka cimma yarjejeniya duk da yana sama da Peter Obi a siyasa da shekaru zai iya zama mataimakinsa.
Sakataren jam'iyyar Labour Party, Umar Farouk ne ya bayyana haka inda yace amma kada Kwankwaso ya bata rawarsa da tsalle saboda kalaman cewa yafi Peter Obi shahara a siyasa.
A baya dai Peter Obi da Kwankwaso sun so hadewa amma lamarin bai yiyu ba, saidai a wannan karin ko lamarin zai tabbata?
Rahotanni sun bayyana cewa, shugaban kasa, Bola Ahmad Tinubu zai sallami Ministoci 11 daga majalisarsa ta zartaswa.
Me baiwa shugaban kasa shawara kan harkokin yada labarai,Bayo Onanuga ne ya bayyana haka a wata sanarwa da ya fitar.
Saidai bai fadi zuwa yaushene Shugaban kasar zai dauki wannan mataki ba.
Amma wata majiya a fadar shugaban kasar tace a cikin satin da mukene ake tsammanin za'a fitar da sanarwar garambawul din.
Matsin rayuwa na daya daga cikin abinda 'yan Najeriya ke kuka dashi a gwamnatin Bola Ahmad Tinubu wanda ke da alaka da yanayin mulkin da yake gudanarwa.
Bayan cikar wa'adin yarjejeniyar da suka ƙulla da kamfanin mai na ƙasa NNPC tun da farko, yanzu haka matatar mai ta Ɗangote za ta fara saida mai kaitsaye ga duk wasu ƴan kasuwa masu buƙata.
A Rahoton da Jaridar Dokin Ƙarfe TV ta samu, hakan na zaman wani mataki ne na buɗe ƙofa ga kowa da kowa da ke buƙatar sayen man ba wai iya NNPC kawai ba. Kowane ɗan kasuwa da ke buƙatar mai daga yanzu zai iya zuwa matatar man ta Ɗangote kaitsaye su yi ciniki a tsakaninsu.
Wannan tsari, zai kuma ba wa kasuwa dama ta yi halinta da kanta batare da an ƙayyade farashi ba, inda matatar za ta saida man kaitsaye ga ƴan kasuwa a farashin da ta ke so ko mai saya yake so.
'Yansanda a jihar Legas sun kama wata budurwa me suna Victoria Effiong, inda aka kaita kotu bisa zargin ta cinyewa saurayinta kudi da sauran kaya amma taki yadda ta aureshi.
Jimullar kudaden d Victoria ta karba a hannun saurayin nata sun kai Naira miliyan 2.8.
Jami'in dansanda dake gabatar da kara a kotun magistre dake Legas, Inspector Chinedu Njoku ya bayyana cewa, budurwar ta kuma samu wayar iphone da kudinta ya kai Naira 240,000 daga wajan saurayin.
Sannan ya sai mata agogo da kayan sawa da jaka da takalma da suka kai na Naira 350,000.
Sannan ya bata jimullar kudin abinci na naira 868,000.
Akwai kuma wata Naira 300,000 data taba cirewa daga asusun ajiyarsa na banki.
Lamura sun rinchabene bayan da saurayin nata me suna Dominic Asuquo ya gano tana shirin auren wani can ...
Tauraron Fina-finan Hausa, Haruna Talle Mai fata ya bayyana cewa, shi a yanzu bakin jini gareshi inda yace yanzu babu budurwar dake sonsa.
https://twitter.com/el_uthmaan/status/1843007673274671269?t=DO5MOmksGRY4LauMyae3gw&s=19
Ya bayyana hakane a hirar da abokiyar aikinsa, Hadiza Gabon ta yi dashi a shirinta na shafin Youtube.
Talle ya bayyana abubuwan da suka dauki hankali a cikin hirar tasu ciki hadda inda yake cewa yayi nadamar barin sana'ar fata ya koma harkar fim.
