Author: Bashir Ahmed

Jami'in Hukumar 'yansandan kasar Ghana, (ACP), Dennis Fiakpui yace takura a aure da saka damuwa babban laifine a kasar. Yace a tsakanin ma'aurata, duk wanda ya hana dan uwansa ma'amalar aure, misali mace ta ki yadda da mijinta a gado, idan ya kai kara kuma kotu ta samu matar da laifi, zata fuskanci hukuncin daurin shekaru 2 a gidan yari. Yace hakanan itama idan macence mijinta baya kwanciyar aure da ita, zata iya kaishi kara a nema mata hakkinta. Yace hakanan idan miji na dadewa a waje baya komawa gida da wuri ko kuma ya daina cin abincin matarsa, duka zata iya kaishi kara a bi mata hakkinta.

Diyar tsohon shugaban kasa, Halima Buhari ta bayyana cewa, Mahaifinsu yana sane da cewa, mutane da yawa basu ji dadin mulkinsa ba kuma sun rika sukarsa. Ta bayyana hakane bayan wallafa littafi akan tarihin rayuwar tsohon shugaban kasar. Tace duk da yake akwai wanda suka godewa shugaban kasar saboda irin yanda rayuwarsu ta canja, amma tabbas akwai da yawa wanda basu dadin mulkin mahaifin nata ba.

Tauraron Tiktok, Gfresh Al-amin ya yi raddi ga wasu hotunan Samha M. Inuwa dake ta yawo a kafafen sada zumunta inda aka ganta babu Make-Up ko Filter kamar yanda aka saba gani a baya. A Bidiyon daya wallafa na kare Samha M. Inuwa, Gfresh yace wannan baba Tambaya ce ba Samha M. Inuwa ba. Yace shima an rika yada irin wadannan hotunan nasa na karya. https://www.tiktok.com/@gfreshfanpage/video/7585239692669472007?_r=1&_t=ZS-92Lj7DN2bAG

Basaraken Kudancin Najeriya, Olu of Warri ya dauki hankula bayan da aka ganshi yana tafiya akan Scooter. Da yawa sun yi mamakin ganin Sarki akan Scooter. Amma da yake matashine, abin ya masa kyau. https://twitter.com/warrisentinel/status/2001707520579019070?t=Q2fePt4CzgSTCBfmMy7TFg&s=19

Malamin Kirista, Rev. Ezekiel Dachomo ya bayyana cewa, Musulmai ba zasu biya kudin Harajin da shugaba Tinubu zai saka ba. Yace su Kirista ne kadai za'a bari da biyan Harajin. Ya bayyana cewa ko gwal da sauran ma'adanan kasa da ake hakowa a Arewa Gwamnati bata amfana dashi amma Man Fetur da ake hakowa a kudu, kowa na amfana dashi. https://www.tiktok.com/@luckyudu/video/7585176684165418247?_t=ZS-92Lg7c70IHh&_r=1

Dr. Hussain ya mayarwa da Baffa Hotoro raddi kan sukar da Baffa Hotoron yayi game da kalaman Dr. Hussain na cewa yana rokon Allah kada ya kai matsayin da sai Annabi(Sallallahu Alaihi Wasallam) ya ceceshi ranar tashin qiyama kamin ya shiga Aljannah. Dr. Hussain a wani Bidiyo daya yadu sosai a kafafen sada zumunta yayi ta Zhaghin Baffa Hotoro inda yace shi da ya kasa hana matarsa yin bikin Birthday shine yake tunanin zai hanashi yin da'awa? Baffa Hotoro dai ya baiwa Dr. Hussain shawarar ya koma makaranta inda yace kalaman na Dr. Hussain jahilci ne. https://www.tiktok.com/@sanda08924/video/7585347083704503608?_r=1&u_code=ejaikd8elj8058&preview_pb=0&sharer_language=en&_d=ejaij098emc1h5&share_item_id=7585347083704503608&source=h5_m&timestamp=1766136235&...

Tauraron mawakin Arewa, Soja Boy yayi rawar sabuwar wakarsa da Fararen fata. Wakarsa me suna Habibi an ganshi yana rerata tare da wasu fararen fata inda suke rawa tare. A baya dai Soja Boy yayi wannan wakar tare da wasu Shahararrun mata a Arewa. https://www.tiktok.com/@officialsojaboyy/video/7585259215481195797?_t=ZS-92LcNtBhKy0&_r=1

Kungiyar 'yan kasuwar Man fetur ta IPMAN ta baiwa membobinta shawarar su fara sayen man fetur daga matatar man Dangote. Shugaban kungiyar, Abubakar Maigandi Shettima ne ya bayyana hakan a wata sanarwa da ya fitar inda yace saye a wajan matatar man Dangote yafi musu sauki fiye da shigo da man daga kasashen waje. Yace kuma suma suna kokarin su gina tasu matatar man fetur din. Hakan na zuwane bayan da Dangote ya karya farashin man fetur din zuwa Naira 740 akan kowace lita kamar yanda wasu gidajen man fetur na MRS ke sayarwa.

Shahararren Lauya kuma dan fafutuka Bulama Bukarti ya bayyana cewa, sai da suka gargadi 'yan Najeriya masu zuwa kasar Amurka su bata sunan Najeriya cewa idan fa Amurkar zata dauki mataki haddasu zai shafa. Hakan na zuwane bayan da Amurka ta kakabawa 'yan Najeriyar doka me tsauri kan shiga kasarta. Wasu Kiristoci dai sun je kasar Amurka inda suka kai mata koken cewa Musulmai na musu Qìsàn Gilla, abinda yasa Amurkar ta sha alwashin daukar mataki akan Najeriya. https://twitter.com/bulamabukarti/status/2001726456746201452?t=u4xk0l9bcRsWlcWbEHbBKg&s=19

Da yawa na ta tururuwar zuwa ganin gidan da Malam Aminu Saira ya gina. Gidan malam Aminu Saira ya dauki hankula sosai musamman a kafafen sada zumunta inda akai ta cece-kuce akai. An ga yanda aka shirya wata Qarya-Qaryar Liyafa dan murnar gina gidan. Naziru Sarkin Waka dan uwa ga Aminu Saira na daga cikin wanda suka je ganin Gidan. https://www.tiktok.com/@mailafiyasairamovies/video/7584537575541476616?_t=ZS-92LTOoNdNk9&_r=1