Author: Bashir Ahmed

Kasar Senegal sun koma gida da Kofin AFCON da suka ciwo daga kasar Morocco. An ga yanda suka samu tarba me kyau daga masoyansu dake jiransu a gida. Hakanan shugaban kasar ta gana da 'yan wasan inda ya jinjina musu. https://twitter.com/i/status/2013486686273953985 https://twitter.com/i/status/2013493710491685313

Abubakar Malami, tsohon Ministan shari'a ya kara shiga komar DSS bayan fitowa daga gidan yarin Kuje bayan da aka bayar da belinsa. An ganshi yana fitowa daga gidan yarin inda DSS duka tareshi suka ce ya shiga sun kamashi. An jishi yana tambayarsu wanene shugabansu sannan ya tambayesu su nuna masa ID card dinsu na aiki. https://twitter.com/i/status/2013271478372811196 Ana dai yiwa Malami sabon zargin mallakar makamai da aka gani a gidansa.

An ga shugaban Hukumar kwallon kafa ta Duniya FIFA da yaje kallon wasan karshe tsakanin kasar Morocco da Senegal ya ji ba dadi bayan da Morocco ta barar da bugun Penalty da aka bata. Da yawa abin ya basu mamaki inda wasu ke cewa ashe suma hukuma na daukar wani bangare da suka fi so. Wasu kuma sun yi zargin cewa bakake ne ba'ason su ci kofin. https://twitter.com/i/status/2013214153549263288

'Yan Najeriya na nuna fushinsu bayan zargin shugaban hukumar tattara Haraji ta kasa, Zach Adedeji ya saka agoguna masu tsada. Wasu hotunansa guda biyu sun bayyana inda aka ganshi sanye da agoguna kirar Patek Philippe daya farashin ta Naira Miliyan 91,898,970 inda kuma dayar farashinta Naira Miliyan 157,905,530. Saidai masu kareshi sun bayyana cewa dama can me kudi ne. Da yawa dai na cewa zasu biya haraji amma ba zasu lamunci a rika satar musu kudi ba. https://twitter.com/i/status/2013141601523060756 https://twitter.com/i/status/2012993406629273664

Hukumar 'yansanda a jihar Sokoto ta kama wani matsafi me amfani da Aljanu yanawa mutane tsafin kudi Bidiyon kamen nasa ya watsu sosai a kafafen sada zumunta inda aka kama masu aiki tare dashi suka bayyana irin abubuwan da duke aikatawa a cikin al'umma. https://www.tiktok.com/@dahirus.d/video/7596012379050151189?_t=ZS-93CUHysJvIv&_r=1

Dan Atiku Abubakar, Abba Atiku da ya koma jam'iyyar APC ya dauki hankula bayan jawabin daya gabatar na farko bayan komawarsa APC. An ga Bidiyon sa yana cewa, duk wani me goyon bayansa ko wanda suke karkashinsa su daina goyon mahaifinsa, Atiku Abubakar su koma goyon bayan shugaba Tinubu. https://twitter.com/i/status/2013136856678879496 Saidai wani abu na daban da ya kara daukar Hankula akan Abba Atiku shine yanda aka ga yana magana, baya iya tsayawa da kyau. Da yawa sun yi zargin cewa yana shaye-shaye.

Tauraron dan kwallon Kasar Senegal, Sadio Mane ya bayyana cewa, wannan shine wasansa na karshe a gasar AFCON. Mane ya bayyana hakane bayan nasarar da Senegal ta samu akan Morocco da ci 1-0. Saidai yace zai kasance tare da kungiyar kwallon kafar kasar Senegal a koda yaushe dan nuna musu goyon baya. https://twitter.com/i/status/2013137841514029267

A yayin sa labarai suka bayyana cewa, gwamnan Kano, Abba Kabir Yusuf zai koma jam'iyyar APC daga NNPP, har yanzu komawar tasa bata tabbata ba. Sau biyu kenan ana daga shirin komawar Abba APC saboda wata matsala. Rahoton yace, Dalilin da ya hana abba komawa jam'iyyar APC shine bukatun da ya gabatarwa da jam'iyyar ta APC wanda ita uma har yanzu bata amince dasu ba. Jaridar Thisday tace Gwamna Abba ya bukaci APC ta bashi tabbacin samun tikitin takara a 2027 ba tare da hamayya ba, hakanan ya bukaci a bashi damar aika sunayen wadanda za'a baiwa Ministoci zuwa Gwamnatin tarayya. Saidai wani dake kusa da Tsohon gwamnan jihar kuma tsohon shugaban jam'iyyar APC, Dr. Abdullahi Umar Ganduje, ya bayyana cewa akwai gwamnoni da yawa da suka koma APC wadanda basu nemi wadannan bukatu ba. ...

Kungiyar goyon bayan Atiku Abubakar, me suna Atiku Haske Organization ta kori dan Atikun me suna Abba Atiku bayan da ya koma jam'iyyar APC. Abba ya canjawa kungiyar suna zuwa ta goyon bayan Tinubu saidai shugaban kungiyar, Musa Bakari ya ce dan Atiku bai da hurumin canjawa kungiyar suna ko ya bayar da umarni ga mabiya kungiyar. Yace sune suka kafa wannan kungiyar kuma shahadar yi mata rijista na hannunsu. Yace dan haka sune masu gudanarwar kungiyar ba dan Atikun ba. Dan haka yace sun koreshi daga kungiyar.

Wannan wani dan Najeriya ne da a shekarar 2020 ya sayi kayan abinci akan Naira 25,000. Saidai a shekarar 2026 da muke ciki ya koma ya sake sayan kalar wadannan kayan abincin komai da komai saidai farashinsu ya karu zuwa Naira 147,000. Hakan na nufin farashin kayan ya karu da kusan kaso 6 kenan. Ya kuma wallafa rasit din abin a shafinsa na X. Lamarin dai ya dauki hankula sosai inda akai ta tattauna yanda farashin kayan masarufi ke kara tashi. https://twitter.com/i/status/2013142426169561153