Duk Labarai

Shahararren dan Tiktok, G-fresh Al-Amin ya bayyana cewa, tsohon Ministan Sufuri, Rotimi Amaechi kuma tsohon Gwamnan jihar Rivers ya gayyaceshi a cikin shahararrun mutanen da yake son su tallatashi. A wani Bidiyo da Gfresh ya wallafa, an ganshi tare da Rotimi Amaechi yana bashi tabbacin cewa shi shahararrene kuma zai tallatashi a wajan 'yan Arewa. https://www.tiktok.com/@gfreshfanpage/video/7543356208229469448?_t=ZS-8zIzDg6AOfp&_r=1 https://www.tiktok.com/@gfreshfanpage/video/7544012668470889746?_t=ZS-8zJ0cQyFO0f&_r=1 Me zaku ce anan?

Rahotanni sun bayyana cewa, Habu Dan Damisa da aka kashe ya mutu ne a hannun 'yansanda. Habu Dan Damisa sanannen dan daba ne dake kashe mutane da yi musu zalinci kala-kala amma saboda ana ganin yana da daurin gindi a wajan wasu 'yan siyasa yasa yaki tabuwa. Mutuwarsa ta zowa mutane da yawa da mamaki musamman jin cewa, a hannun 'yansandan ya mutu. Rahotanni sunce an yi kokarin hana 'yansanda kashe Dan Damisa amma suka ki sauraren wannan kiraye-kirayen musamman la'akari da irin barnar da yake yi a cikin al'umma suka aikashi lahira.

Rahotanni daga jihar Borno na cewa, Kotu ta daure wasu matasa 2 a gidan yari tsawon shekaru 5 saboda shirya yiwa Gwamnatin jihar Borno zanga-zanga. Matasan da aka daure sune Mohammed Bukar (Awana)da brahim Mohammed (Babayo). Rahoton yace mai shari'a Justice A.M Ali ne ya musu wannan hukunci ranar June 30, 2025. An samesu da laifin shirya yin zanga-zanga da daukar muggan makamai a kafar WhatsApp.

Lauya me rajin kare hakkin bil'adama, Festus Ogun ya maka gwamnan jihar Legas, Babajide Sonwo Olu a kotu saboda ya yi blocking dinsa a X. Lauyan ya gabatar da karanne a babbar kotun tarayya dake Legas. Ya nemi kotu tasa Gwamnan Legas ya cire Blocking din da yayi masa saboda hakan take hakkinsa ne a matsayinsa na zababben gwamna wanda aka zaba a turbar Dimokradiyya. Ya kuma nemi kotun data sanya Gwamnan Legas ya bashi hakuri.

Tsohon hadimin shugaban kasa, Reno Omokri yace ya kamata a mayar da ranar Juma'a ranar hutu. Ya bayyana hakane a wani Bidiyo da ya saki a shafinsa na sada zumunta. Yace babu adalci ace Kirista na da ranar Lahadi a matsayin ranar hutu amma ranar Juma'a ace sai an je aiki. Yace ko dai a mayar da ranar Juma'a ranar hutu ko kuma a rage awannij da ake aiki a ranar juma'ar a rika tashi daga aiki da karfe 12 na rana. https://twitter.com/renoomokri/status/1961430478516261340?t=Q9frzbRKhKR2XfcpMANTkA&s=19

Tsohon Dakta Janar na yaƙin neman zaɓen Shugaban Ƙasa Bola Ahmed Tinubu a jihar Zamfara Sanata Kabiru Marafa ya fice daga jam'iyyar APC. Tsohon Sanatan ya bayyana cewa watsi da waɗanda suka taimaki shugaba Tinubu na daga dalilin da yasa ya fice daga jam'iyyar. Wane fata zaku yi masa? https://twitter.com/Imranmuhdz/status/1961314229559951402?t=a6UUyHaZzHPEwDWCm_jwkg&s=19

Me kamfanin sayar da motar Manga Motors ya sha Alwashin baiwa Nafisa Abdullahi data lashe gasar Turanci ta Duniya kyautar Naira 500,000. Hakan na zuwane bayan da gwamnatin tarayya ta baiwa Nafisa Abdullahi kyautar Naira 200,000 wanda hakan ya jawo cece-kuce. Da yawa dai na ganin kudin da Gwamnatin tarayya ta baiwa Nafisa sun yi kadan matuka musamman lura da cewa kwanannan aka baiwa 'yan kwallo mata kyautar dala $100,000 kowannensu.

Rahotanni sun bayyana cewa, tsohon shugaban kasa, Goodluck Jonathan ya musanta rahoton dake cewa ba zai tsaya takarar shugaban kasa ba a shekarar 2027. Tsohon shugaban kasar ya bayyana hakane ta bakin dan uwansa, Azibaola Robert inda yace Jonathan bai ce zai tsaya takarar shugaban kasa ba ko ba zai tsaya ba. Hakan na zuwane yayin da PDP ke cewa tana son tsayar da ko dai Goodluck Jonathan ko Peter Obi takarar shugaban kasa a 2027. Rahotanni sun ce tuni Goodluck Jonathan ya fara tuntubar manyan mutane a kasarnan kan tsayawa takarar shugaban kasar.

Rahotanni sun bayyana cewa, matatun man fetur na kasashen Turai sun fara kullewa saboda kafuwar matatar man Dangote da kuma yanda kasashen Afrika suka koma sayen man fetur a hannun matatar man ta Dangote maimakon sayowa a kasashen turai. Rahoton ya bayyana cewa a baya kamin zuwan matatar Dangote, matatun man kasashen Turai na samar da man fetur ganga miliyan 4.207 amma yanzu saboda zuwan matatar man fetur din Dangote, ganga Miliyan 4.104 suke fitarwa. Hakan ya farune sanadiyyar rufewar matatun man fetur irin su, Grangemouth refiner dake Scotland, da Prax’s da sauransu.