Duk Labarai

Inna lillahi wa inna ilaihi raji'un. An samu mummunar gobara da ta laƙume shagunan mutane da dama a babbar kasuwar Terminus a wani layi da ake ƙira da “Parlon Buhari” da ke Jos fadar gwamnatin jihar Filato a daren jiya. Ana hasashen aƙalla shaguna sama da 100 sun ƙone ƙurmus a gobarar.

Jam'iyyar PDP ta yi martani kan komawar Gwamnan jihar Delta, Sheriff Oborevwori zuwa jam'iyyar APC. Shugaban jam'iyyar na riko, Ambassador Umar Damagum, ya bayyana cewa sun tafi kotu da neman Gwamna Sheriff ya sauka daa kujerar Gwamna tunda a karkashin PDP aka zabeshi. Yace a baya sun fuskanci matsalolin da suka fi wannan yawa kuma duk sun tsallake dan haka wannan wasan yara ne. Yace an baiwa Gwamnatin gudanarwa na yankin kudu maso kudu umarnin ya kula da jam'iyyar PDP a jihar ta Delta saboda duka 'yan jam'iyyar a jihar sun canja sheka.

A ci gaba da shari'ar da ake tsakanin shugaban kungiyar dake son kafa kasar Biafra, IPOB, watau Nnamdi Kanu da gwamnatin tarayya, Gwamnatin tarayya ta gabatar da shaidarta na farko. Lauyan Gwamnatin tarayya ya nemi shaidar ya rufe fuska saboda tsaro kuma Alkalin dake shari'ar ya amince da hakan hakana shima lauyan Nnamdi Kanu bai kalubalanci hakan ba. Shaidar ya bayyana fuska a rufe inda yace shine ya jagoranci jami'an tsaro zuwa dakin da Nnamdi Kanu yake a Otal. Ana zargin Nnamdi Kanu da cin amanar kasa, da aikata ayyukan ta'addanci.

Kungiyar kwadago ta Najeriya, NLC ta bayyana cewa, idan dai za'a yi zaben gaskiya, Peter Obi baya bukatar Hada kai da Atiku Abubakar ko El-Rufai kamin yayi nasara kada Shugaban kasa, Bola Ahmad Tinubu a zaben 2027. Mataimakin shugaban NLC ne ya bayyana hakan inda yace a zaben 2023, Peter Obi ya kama hanyar nasara kamin a samu tangardar da ta canja lamarin. Yace indai hukumar zabe me zaman kanta, INEC ba zata yi Magudi ba, to Peter Obi yana da karfin mabiyan da zai lashe zaben 2027.

EFCC ta tsare mutane biyu bisa samun su da kuɗaɗen kasashen waje a Kano. Hukumar EFFC mai yaƙi da cin hanci da rashawa a Najeriya ta ce ta fara bincike kan wasu dubun dubatar kuɗaɗen ƙasar waje da aka kama a filin jirgin sama na Kano. BBC ta rawaito cewa, EFCC ta ce an ga dala 86,500,305 da kuma riyal 305,150 ne cikin wata jaka lokacin da aka ga wani ma'aikacin filin jirgin mai suna Sale Bala ya yi yunƙurin ɗaukar ta ranar Lahadi. "Bayan bincike, jami'an kwastam sun gano kuɗaɗen ne da aka ɓoye cikin zannunwan gado," in ji EFCC cikin wata sanarwa. "An kama Sale Bala da wani Abdullahi Tahir da ake zargin shi ne aka tsara zai karɓi jakar bayan kammala tantance ta." Ta ƙara da cewa kuɗin da kuma waɗanda ake zargi na tsare a hannunta, kuma za ta kai su kotu da zarar an kammal...

Matashi Bilal Villa Ya Samu Kwangilar Naira Milyan Goma, Inda Ya Zama Ambasada Ta Wata Makarantar Koyon Crypto.

Gwamnatin tarayya ta bayar da ranar 1 ga watan Mayu a matsayin ranar hutu dan yin bikin ranar ma'aikata. Gwamnatin tace akwai bukatar zaman lafiya dan ci gaban masana'antu da tattalin arziki. Ministan harkokin cikin gida, Olubunmi Tunji-Ojo ne ya sanar da haka a madadin gwamnatin tarayya.

Atiku Abubakar 2011 President campaign Photo by www.mortenfauerby.dk ©mortenfauerby 2010 - all rights reserved Tsohon dan takarar mataimakin shugaban kasa, Ifeanyi Okowa ya bayyana cewa, Abokin takararsa Atiku Abubakar ma na shirin barin PDP. Ya bayyana hakane a wata hira da aka yi dashi. Da aka tambayeshi ko ya sanar da Atiku maganar ficewarsa daga PDP Yace ya sanar dashi zasu yi zama na musamman dan nemawa kansu mafakar siyasa. Yace Atiku ma ya alamta cewa yana shirin barin jam'iyyar PDP.

PSG Ta YI Wa Arsenal Ci Daya Mai Ban Haushi A Wasan Zagayen Farko Na Cin Kofin Zakarun Turai Yau ko Arteta bai yi waya da Guardiola bane? Domin a hirar da aka yi da shi bayan sun yi nasara akan Madrid, Arteta ya ce sai da ya yi waya da Guradiola kafin wasan, inda ya ba shi satar amsa.

Talauci ba rahama bace kuma dole mu magance ta-Sanata Natasha ta mayawra da Akpabio martani. A dazu ne dai muka kawo muku rahoton inda Sanata Godswill Akpabio yace Talauci Rahama ne