Duk Labarai

{"remix_data":[],"remix_entry_point":"challenges","source_tags":[],"origin":"unknown","total_draw_time":0,"total_draw_actions":0,"layers_used":0,"brushes_used":0,"photos_added":0,"total_editor_actions":{},"tools_used":{},"is_sticker":false,"edited_since_last_sticker_save":false,"containsFTESticker":false} Tsohon hadimin shugaban kasa, Malam Bashir Ahmad ya mayar da martani kan sukar da kungiyar Kiristoci ta CAN ta yi ga jihohin Arewa da suka bayar da hutun makarantu saboda zuwan Azumin watan Ramadana. Jihohin da suka bayar da hutun sune, Kano, Katsina, Kebbi da Bauchi, Ita dai kungiyar CAN tace idan ba'a janye wannan hutu ba zasu shiga kotu da wadannan jihohi saboda ba musulmai bane kadai a wadannan jihohi ba. A martaninsa, Malam Bashir yace bai so yayi magana akan lamarin ba amma...

Gamayyar kansiloli sun tsige shugaban karamar hukumar Shira da mataimakinsa ne a dalilin rashin iya jagoranci da rashin sanin makamar aiki, inda kansilolin suke zargin shuwagabannin biyu suna tafiyarda harkokinsu tareda tauye hakkin kansilolin da al'ummarsu Lamarin ya faru ne a safiyar yau litinin a karamar hukumar mulkin Shira dake jihar Bauchi, inda zuwa yanzu kansilolin sun tura takardar hukuncin a gaban majalisar jihar Daga Real Buroshi Mawaka Sokoto

Sanata Olusola Adeyeye ya bayyana cewa tsohon shugaban kasa, Olusegun Obasanjo ya yi yunkurin basu naira Naira Miliyan 70 kowannensu dan su bashi dama ya zarce akan kujerar mulki karo na 3. Ya bayyana hakane a hirar da aka yi dashi a gidan talabijin na ChannelsTV ranar Lahadi inda yace an musu matsin lamba sosai akan su yadda Obasanjo ya zarce a karo na 3 inda aka hada musu hadda kudi. Adeyeye yace a lokacin Aminu Bello Masari ne kakakin majalisar kuma yana gode masa sosai da bashi kariya da yayi. Yace Masari yayi kamar yana tare da shugaban kasa amma a zahiri baya tare dashi, yace bayan da aka sha zanga-zanga da matsi da tattaunawa, 'yan majalisar sun ki amincewa da canja fasalin kundin tsarin mulki wanda zai ba tsohon shugaban kasar, Olusegun Obasanjo damar ci gaba da mulki wand...

A jiyane dai muka ga wata mata data fito take ikirarin fasto Ebuka Obi na cocin Zion Prayer Movement Outreach ya mata addu'a inda daga Dubu dari uku da take dashi har ta sayi gidan Naira Miliyan 500. Saidai daga baya an ga matar na sayar da lemu wanda lamarin ya baiwa mutane mamaki akai ta yada hotunan ta i da aka rika zargin faston da hada baki da ita dan ya nuna addu'ar sa na aiki. Saidai da yake martani game da lamarin, Fasto Ebuka Obi yace bai san matar ba kuma babu wani a cocinsa da ya santa inda yace har gaban Allah ta zo ta yi karya. Yace dama a baya ya fada cewa, sunansa zai ta yawo a kafafen yada labarai nan ba da dadewa ba akan labarin karya.

Rahotanni daga jihar Katsina na cewa, jami'an tsaro sun kubutar da daya daga cikin dalibai 4 da aka yi garkuwa dasu daga jami'ar FUDMA dake Dutsimma jihar Katsina. Hakanan rahoton yace ana kan kokarin kubutar da sauran dalibai 3 din da suka rage a hannun masu garkuwa da mutanen. Dalibin da aka kubutar shine Fahad Muhammad me shekaru 20 dake tsangayar kimiyyar Kwamfuta aji daya. Kuma an kubutar dashine ranar lahadi bayan bin sahun 'yan Bindigar. Sauran daliban da suka rage sune Adewale Bolaji Ajayi, 23, Emmanuel Michael, 24, da Favour Michael, 22. Dukansu daliban suna ajinsu na farko ne a jami'ar.

Babban malamin Islama, Shiekh Adam Muhammad Dokoro ya nemi idan akwai wanda ya taba yin zina ya mike tsaye. Sai dai babu wanda aka samu ya mike. https://www.tiktok.com/@mhaliru92/video/7477552048578284806?_t=ZM-8uNPYcIktPh&_r=1 Dan haka yace idan mutum yana yi ya daina ya tuba dan idan bai daina ba sai ya mike a gaban Allah. Kalli Bidiyon anan

Tsohon ɗan takarar kujerar sanatan Kano ta Tsakiya, Alhaji Abdulsalam Abdulkarim Zaura ya ce za su yi duk mai yiwuwa domin ganin sun sulhunta tsakanin jagororin siyasar jihar: Rabiu Musa Kwankwaso da Abdullahi Umar Ganduje da Ibrahim Shekarau. Zaura ya ce haɗin kan manyan jagororin zai taimaka wajen gyara siyasar jihar, tare da samar da cigaba ta yadda jihar za ta yi gogayya da jihar Legas da wasu jihohin da suka ci gaba, kamar yadda jaridar Daily Trust ta ruwaito. Zaura ya ce, "irin adawar siyasa da ake yi a Kano ba ta da amfani. A shirye nake in shige gaba wajen samar da maslaha tsakanin Kwankwaso da Ganduje da Shekarau. Ya kamata mu fifita ci gaban Kano sama da son ranmu. Da zarar an samu wannan nasarar, Legas da sauran jihohi sai sun yi koyi da Kano wajen siyasa ta hank...

Ƙungiyar dattawan arewacin Najeriya, wato Arewa Consultative Forum ko kuma ACF a taƙaice ta nuna damuwarta kan zargin cin zarafi da Sanata Natasha Akpoti-Uduaghan ta yi ga shugaban majalisar dattawa, Sanata Godswill Akpabio. A wata sanarwa da ta fitar a ranar Lahadi wanda kakakin ƙungiyar, Muhammad-Baba ya sanya wa hannu, ƙungiyar ta ce akwai buƙatar a gudanar da bincike mai kyau domin tantance sahihancin zargin, kamar yadda tashar Channels a shafinta na intanet. "A yanzu dai yadda abubuwa suke shi ne zargin nan zai iya ɓata sunan Najeriya a idon duniya," in ji ƙungiyar, wadda ta nuna damuwa kan yadda a cewarta har zuwa yanzu, sanatocin arewa ne kaɗai suka fuskanci takunkumi kamar dakatarwa a majalisar ta 10. "Wannan ya sa ACF ke fargabar ko dai abin ɓoye ne ya fara fitowa fili na...

Hukumar NYSC ta ce ta kusa fara biyan masu yi wa ƙasa hidima alawus ɗin naira 77,000. Hukumar ta bayyana haka ne a matsayin martani kan rashin fara biyan sabon alawus ɗin bayan an sanar da ƙari daga naira 33,000 da ake biya biyo bayan ƙara mafi ƙanƙantar albashi. A watan Yulin shekarar da ta gabata ne gwamnatin tarayya ta yi alƙawarin fara biyan sabon alawus ɗin, amma har yanzu ba a fara biya ba, kamar yadda jaridar Daily Trust ta ruwaito daga masu bautar ƙasar. A watan Janairu, darakta-janar na NYSC, Birgediya-janar Yushau Ahmed ya sanar da cewa daga watan Fabrairu za a fara biyan sabon alawus ɗin, amma kuma ba a biya ba a watan na Fabrairu da ya gabata. Daraktan riƙo na hulɗa da jama'a na hukumar, Caroline Embu, ta ce suna jiran kuɗi ne da umarni kafin fara biyan sa...

Darajar wasu kuɗaɗen kirifto sun tashi bayan shugaba Donald Trump ya sanar da cewa za a kafa wani rumbun adana kuɗaɗen kirifto na ƙasar Amurka. Ya ambaci kuɗin kirifto na Bitcoin da Ethereum da XRP, da ADA SOL a cikin wani jawabi da ya yi a kafofin sadarwa, inda ya ƙara da cewa Amurka ce za ta zama babbar cibiyar hada-hadar kirifto ta duniya. Jim kaɗan da yin jawabin ne darajar kuɗaɗen da ya ambata suka tashi, inda Bitcoin da Etherium suka ƙara daraja da kusan kashi 10 kafin suka ja baya, sannan sauran kuɗaɗen ma suka tashi. A baya dai Trump da matarsa Melania sun fitar da kuɗinsu na kirifto na matakin meme.