Tsaro

Gwamnatin jihar Abia da ke kudu maso gabashin Najeriya ta saka ladan naira miliyan 25 ga duk mutumin da ya bayar da bayanan da za su taimaka a kama mutanen da suka kashe sojoji a jihar. Cikin wata sanarwa da kwamishinan yada labaran jihar, Okey Kanu ya fitar, gwamnatin jihar ta aike da sakon ta'aziyya ga babban hafsan sojin kasa na Najeriya, Laftanar Janar Taoreed Lagbaja kan faruwar lamarin. A ranar Alhamis ne wasu 'yan bindiga suka afka wa sojoji a wani shingen bincike a mahadar Obikabia da ke yankin tsaunin Ogbor, tare da kona motar aikinsu. Rahotonni sun ce wasu sojojin sun samu tsallake rijiya da baya a harin. “Domin samun saukin kama maharan, gwamnati ta yi alkawarin bayar da ladan naira miliyan 25 ga duk wanda ya bayar da bayanan da za su taimaka wajen kama su,'' in ji s...

Garin Aba ya rikice inda sojoji suka mamayeshi bayan kisan abokan aikinsu 5. Wasu da ake kira da 'yan Bindigar da ba'a san ko su wanene ba amma ana kyautata zaton 'yan IPOB ne kawai da suke fakewa da wannan sunan suka yi kisan. Sun yi kisanne ranar Laraba bayan sun tursasa kowa ya je gida ya zauna dan tunawa da mutanen da suka mutu a yakin Biafra. Lamarin yasa hukumar sojojin Najeriya ta sha Alwashin sai ta rama wannan kisa da kakkausar murya. Rahoton jaridar Vanguard yace sojojin sun shiga kasuwanni suka tursasa mutane suka kulle shaguna da kuma a jiya, Juma'a yawanci yara basu je makaranta ba a garin. Hakanan an ga jirage masu saukar Angulu suna shawagi a sararin samaniyar wajan.

Rahotanni sun bayyana cewa, 'yan Boko Haram 3 da iyalansu sun mika wuya inda sukace sun tuba ga sojojin Najeriya. 'Yan Boko Haram din masu sunan Umar Ibn Khatab, Ibn Salih da Abdulrahman sun mika kansu ne ranar 29 ga watan Mayu. Sun tsere ne daga maboyarsu dake Njimia bayan da sojoji suka bude musu wuta. Sun kuma mika bindigun AK47 da harsasai da keke.

'Yansanda a jihar Filato sun kama wani mutum me matsakaitan shekaru da makamai da yake shirin kaiwa 'yan Bindiga. Mutumin ya taho ne daga jihar Zamfara. An kama mutuminne a tashar mota ta NTA park dake Jos. Shugaban tashar, Ibrahim Maikwudi ya tabbatarwa da manema labarai da faruwar lamarin. Yace kadan ya rage mutane su kashe wanda ake zargin amma jami'an tsaro suka tseratar dashi.

Gwamnatin shugaban kasa, Bola Ahmad Tinubu ta bayyana cewa ta yi nasarar yin maganin kungiyar Boko Haram. Gwamnatin ta bayyana hakane ta bakin sakataren gwamnatin tarayyar, George Akume. Ya bayyana hakane a Abuja wajan kaddamar da wani Littafi da aka yi kan cika shekara daya da kafuwar Gwamnatin Tinubu. Yace babu wanda zai yi jayayyar cewa gwamnatin Bola Ahmad Tinubu ta yi nasarar gamawa da Kungiyar Boko Haram. Saidai yace har yanzu suna yaki da Kungiyar masu garkuwa da mutane.

Hukumar sojojin Najeriya ta tabbatar da kisan sojoji 5 da kungiyar IPOB suka yi. Hukumar tace an kashe sojojin ne dake rundunar Operation UDO KA da aka kai Obikabia. Tace akwai kuma farar hula 6 da suma aka kashe a yayin harin. Kakakin hedikwatar tsaro, Majo Janar Edward ne ya bayyana hakan inda yace zasu tabbatar sun rama wannan kisan da aka musu. Hukumar sojin tace maharan sun je wajanne a motocin Prado 3 dake da bakin gilashi sannan akwai wasu kuma a yankin da suma suka farwa sojojin.

Ana zargin 'yansanda sun kashe wannan mutumin me shekaru 40 a titin Azikoro Road dake Yenagoa ta jihar Bayelsa saboda yaki bada cin hancin Naira dari biyu(200). Rahoto ya bayyana cewa, mutumin me suna Benalayefa Asiayei yana kan hanyarsa ta komawa gidane daga wajan aiki da misalin karfe 8 na yamma yayin da aka kasheshi. Bayan da 'yansandan suka kasheshi, sun tsere daga wajan amma wani daga cikin shaidun abinda ya faru sun dauki hotunansu. Kakakin 'yansandan jihar, Musa Mohammed ya tabbatar da faruwar lamarin kuma yace sun tantance wanda ake zargi. Iyalan mamakin sun ce suna neman adalci.

Wannan matashiyar ta mutu bayan da 'yan Bindiga suka yi garkuwa da mahaifinta suka kuma kasheshi duk an biyasu kudin fansarsa. Itama ta kammala makaranta kenan kuma Allah ya karbi abinsa: