Gyaran fuska da aloe vera

Aloe Vera na gyara fatar fuska sosai inda yake kawar da dattin fuska da kara mata haske kuma idan aka duba za’a ganshi a cikin mayukan gyaran fuska da yawa.

Ga jawabin amfanin da Aloe Vera ke yiwa fata da kuma yanda za’a sarrafashi a samu abinda ake so.

Aloe Vera yana maganin duhun fata.

Yana magamin canjawar fuska da zafin rana ke kawowa.

Yana kawar da fatar data mutu a fuska wadda ke kawo duhun fuska.

Yana maganin ciwo a fuska.

Yana maganin kumburin fuska.

Yana maganin cizon kwaro irinsu sauri kudin cizo da sauransu.

Idan za’a sayi man shafawa dage dauke da Aloe vera a duba a tabbatar ba’a hadashi da giya ba ko sauran sinadarai masu kawowa fata illa.

Babbar hanyar samun amfanin Aloe vera a fuska, shine mutum ya hada kayansa a gida.

Yanda ake hada man Aloe Vera a gida:

Za’a yanko Aloe Vera da wuka daga jikin iccensa:

Sai a wanke a bari ya bushe.

Sai a sa wuka a yanke koren jikin Aloe Vera din.

Ana iya amfani da wuka a rika karto man dake jikinsa.

Ko a sa a wani abu a matso.

Idan aka samu ruwan, kada a hada da komai a zuba a mazubi a ajiye.

Domin ajiya me kyau, a ajiye a cikin firjin.

Kamin a shafa a fuska, a fara shafawa a hannu a barshi ya dade kamin a ga idan ya nuna alamar kaikai ko canjawar kalar fata ko kuma wani reaction na daban, kada a shafa a fuska saboda kada ya lalata fuskar, idan kuma bai nuna alamar komai ba, sai a shafa a fuskan.