Hutudole

Bidiyon wani Direba yana tuka masu kafa ya dauki hankula sosai a kafafen sada zumunta. Hakan ya zo daidai da maganar me sayar da maganin Kasuwa, Jikan Malam da yake cewa hakan ganganci ne. https://twitter.com/Ameenertu_/status/1928823366967754833?t=2g49HCxDoctMzTWlmLDQ1w&s=19 Menene ra'ayinka.

Jam'iyyar APC, ta yi zargin cewa, Wasu 'yan Adawa ne ke daukar nauyin 'yan Bindigar dake kai munanan hare-hare a fadin Najeriya dan a karya lagon Gwanatin shugaba Tinubu. Hakan ya fito ne daga bakin daya daga cikin masu ruwa da tsaki na APC a jihar Osun, retired Brig.- Gen. Bashir Adewinbi. Saidai yace shugaba Tinubu ya tashi tsaye haikan yana kokarin magance wannan matsala. Ya bayyana hakane yayin wata ziyara da mata 'yan APC suka kai masa. Yace gwamnatin Tinubu na son amfani da makamai na zamani dan magance matsalar tsaron da ake fama da ita.

An gargadi su Tsohon gwamnan jihar Kaduna, Malam Nasiru Ahmad El-Rufai, da Tsohon mataimakin shugaban kasa, Alhaji Atiku Abubakar, da Tsohon gwamnan jihar Anambra, Peter Obi su daina zuga 'yan Najeriya kan mulkin shugaban kasa, Bola Ahmad Tinubu. Wani dattijon jihar Legas, Chief Adesunbo Onitiri ne ya bayyana hakan a wata ganawa dashi. Yace irin maganganun da wadannan 'yan siyasar ke yi na iya kawo tarnaki wa tsarin siyasar kasarnan. Yace su rika saka kishin kasa da al'ummarsu a cikin kalamansu. Yace musamman Atiku dake neman ya binciko wasu laifukan shugaban kasar daga kasar Amurka dan hanashi takara a zaben shekarar 2027, yace hakan ba daida bane kuma ba zasu amince da hakan ba.

Za a fassara Hudubar Hajj ta shekarar 1446 zuwa harsuna 34 a ranar Alhamis, 9 ga Dhul Hijjah 1446, kamar yadda shafin Haramain Sharifain ya rawaito. Harsunan su ne kamar haka: Larabci Urdu Turanci Faransanci Indonesiyanci Farisanci (Farsi) Hausa Sinanci (Mandarin) Rashanci Bengalanci Turkiyanci Malayyanci (Bahasa Melayu) Sifaniyanci Fotugis Italiyanci Jamusanci Filipino (Tagalog) Amharic (Habasha) Bosniyanci Hindi Dutch Thai Malayalam Suwahili Pashto Tamil Azerbaijani Sufedish (Swedish) Uzbek Albanian Fulani (Fula) Somaliyanci Rohingya Yarabanci (Yoruba)

Gwamnan jihar Kano dake arewacin Najeriya Abba Kabir Yusuf, ya ayyana Litinin, 2 ga Yuni, a matsayin ranar hutu domin bawa al'umma su yi addu’a da jimamin ƴan wasan jihar 22 da suka rasu a hatsarin Mota ranar Asabar. Gwamnan ya kuma bayyan alhini tare da miƙa saƙon ta’aziyya ga iyalan mamatan. Wannan na ƙunshe ne ta cikin wata sanarwa da mai magana da yawun gwamnan, Sanusi Bature Dawakin Tofa, ya fitar a ranar Asabar 31 ga Mayu, 2025. Haka kuma gwamna Abba ya bukaci limamai da ɗaukacin musulmi dake gida da na ƙasa mai tsarki da suka je aikin hajji su yi addu’ar neman rahama ga mamatan da kuma juriya ga iyalansu.

Da yawan mutane na ta murna da mutuwar dansanda me suna CSP Ekene Nwosu dake aiki a jihar Akwa-Ibom. Kamin mutuwarsa, shine ke kula da bangaren yaki da 'yan fashi na hukumar 'Yansandan jihar. Saidai da yawa sun bayyanashi a matsayin mugu wanda ya zalunci mutane da dama a yayin gudanar da aikinsa. Wani babban lauya me suna Inibehe Effiong ya bayyana marigayin a matsayin mugu wanda 'yan siyasa ke amfani dashi suna cimma burinsh. Yace abin mamaki ne ganin yanda aka barshi ya ci gaba da aiki a matsayin dansanda duk da irin bakin halinsa. Saidai yace yana fatan mutuwarsa zata zama izina ga sauran 'yansanda masu hali irin nasa. Ba wannan lauyan ne kadai yayi korafi akan dansandan ba da yawa sun bayyana cewa bashi da kirki.

Gwamnatin Katsina ta nemi a soke jarabawar WAEC ta turanci. Gwamnatin Jihar Katsina a ranar Asabar ta nemi a soke jarabawar harshen Turanci da Hukumar Jarabawa ta Yammacin Afirka (WAEC) ta gudanar kwanan nan. Wannan kiran ya biyo bayan wani lamari da ya haifar da jinkiri mai tsawo kafin fara jarabawar a fadin kasar nan a ranar Laraba. Matsayar gwamnatin jihar ta fito ne daga bakin Kwamishinar Ilimin Firamare da Sakandare, Zainab Musa-Musawa, lokacin da ta kai ziyara ofishin WAEC da ke Katsina. Kamfanin Dillancin Labarai na Najeriya (NAN) ya ruwaito cewa wannan matsaya ta samo asali ne daga wata takardar korafi da Babbar Sakatariyar ma’aikatar, Hajiya Ummukhair Ahmed ta sanya wa hannu. A baya dai, WAEC ta danganta jinkirin fara jarabawar da ƙoƙarinta na hana magudin jarab...

Tsohon Gwamnan jihar Kaduna, Malam Nasiru Ahmad El-Rufai ya bayyana cewa, 'yan Bindiga ne ke mulkar Najeriya. El-Rufai yace dan haka Najeriya na cikin tsaka mai wuya. El-Rufai yace 'yan Najeriya na ci gaba da maimaita kuskuren da suka yi a baya na zabar shuwagabannin da bana gari ba. Ya bayyana hakane a babban birnin tarayya, Abuja ranar Asabar a wajan wani taro. Yace Najeriya na cikin matsalar da bata taba shiga ba tun shekarar 1914 a yayin sa aka hade Arewa da kudu. Yace mafi yawancin shuwagabannin basu san yanda zasu gudanar da mulki ba kawai su dai su samu mulkin shine a gabansu.