Gwamnatin tarayya ta bayar da lasisin shigo da tataccen man fetur daga kasashen waje har ganga 830,000.
Gwamnatin ta bayar da lasisin ne wanda za’a yi amfani dashi a watanni 4 na karshen shekara yayin da za’a shiga bukukuwan karshen shekara.
Hakan na zuwane yayin da ake ci gaba da amfani da man da aka tace a cikin gida da wanda aka shigo dashi daga kasashen waje dan biyan bukatar masu ababen hawa a Najeriya.
Kamfanonin da aka baiwa lasisin shigo da man fetur din sune, AYM Shafa, NIPCO, Pinnacle Oil, Bono Ene3egy, Matrix Energy, da AA. Rano.