Author: Bashir Ahmed

Wani Dan Najeriya ya bada mamaki bayan da aka ga ya siyo zaki ya ajiye a gida kamar dai yanda ake ajiye kare. Wannan abu ya zowa mutane da mamaki ganin cewa ba abune da aka saba dashi ba a Najeriya. https://www.youtube.com/watch?v=rgq5x45he8E Irin wannan lamari ya fi faruwa a kasashe irin na Larabawa

Jam'iyyar NNPP ta bayyana cewa a zaben shekarar 2027 zata doke Jam'iyyun APC da PDP. Shugaban Jam'iyyar, Dr. Ajuki Ahmad ne ya bayyana haka a wata sanarwa da ya fitar ga manema labarai a Abuja inda yace zasu yi nasarar hakanne ta hanyar jagoransu, Dr. Rabiu Musa Kwankwaso wanda shine zai zama shugaban kasar Najeriya a 2027 Duk da rikicin cikin gida da ya mamaye Jam'iyyar ta NNPP, Dr. Ajuki Ahmad yace a yanzu sun samu zaman lafiya a cikin Jam'iyyar. Yace duk da yake hakan ba abune me sauki ba amma sun sha Alwashin cimma burinsu inda yace zasu fitar da Najeriya daga halin data tsinci kanta a ciki.

Jirgin yaki na sojojin Najariya ya kashe 'yan Bìndìgà 23 a garin Tsafe dake jihar Zamfara. An kashe 'yan Bindigar ne a wannan karshen makon da muke ciki. Rahotanni sun bayyana cewa 'yan Bindiga da yawa dake karkashin dan Bindiga Ado Aleiro sun bar tsafe inda suka tafi dan kai hari da satar shanu a wasu kauyuka. Rahoton yace 'yan Bindigar sun yi nasarar kwace shanun duk da mutanen garin sun dan musu Turjiya, a yayin da suke kokarin guduwa da shanun ne sojojin Najariya suka gansu suka bude musu wuta. Shaidu sun bayyana cewa an kashe 'yan Bindigar da yawa inda wasu suka ce sun ga gawarwakin 23 daga cikinsu. Daga baya dai sojojin sun kwace shanun da 'yan Bindigar suka kwato.

Tsohon shugaban kasa, Janar Ibrahim Badamasi Babangida,IBB ya bayyana dalilin da yasa ya kifar da Gwamnatin tsohon shugaban kasa, Janar Muhammadu Buhari. Ya bayyana hakane a littafinsa da ya wallafa wanda yayi bayani kan yanda ya gudanar da aikinsa. IBB wanda shine shugaban ma'aikatan Gwamnatin Buhari a wancan lokacin yace bai gamsu da yanda Buhari ke gudanar da mulki ba shiyasa ya masa juyin mulki. IBB yace tare suke mulki amma sam yaga tsare-tsaren Buhari basa kawo ci gaba a kasar shiyasa ya kifar dashi a shekarar 1985.

Tauraron fina-finan Hausa, Ali Nuhu Sarki ya dauki hankula sosai a wajan bikin Arewa Turnup da Rahama Sadau ta shirya. Babban abinda ya dauki hankalin mutane shine yanda Ali Nuhu da Rahama Sadau suka rika rawa tare da Umar M. Shariff. Ali Nuhu ya saki jikinsa sosai yayi rawa ba tare da shakka ba. Hakan yasa mutane ke cewa wai yaushe zai girma ne? https://www.tiktok.com/@goldenbackup1/video/7474538141509078277?_t=ZM-8u9bdVISxtd&_r=1 Ali Nuhu dai ya saba rawa irin haka, saidai mutane sun kasa sabawa da ganinsa yana rawar inda a duk sanda yayi sai an yi magana.

Wani mutum me suna Sunday Jimoh a jihar Ogun ya mutu a kokarin dakko wayarsa data fada rijiya. Mutumin me shekaru 31 na zaunene a Laditan dake yankin Oja-Odan na jihar, kuma lamarin ya farune ranar 22 ga watan Fabrairu da misalin karfe 10: 00 na safe. Kakakin 'yansandan jihar, CSP Omolola Odutola ya tabbatar da faruwar lamarin a sanarwar da ya fitar ranar Lahadi. Wata mata Kabiru Aladeshayi Ayigbere ce ta kaiwa 'Yansandan korafi akan lamarin inda tace an yi kokarin hana Jimoh shiga rijiyar amma ya nace sai ya shiga. Omolola yace sun je wajan inda aka ciro gawar mamacin kuma an yi bincike babu wata alamar duka a jikinsa wanda hakan ya tabbatar da cewa mutuwa yayi ta Allah da Annabi. Danginsa sun bukaci a basu gawarsa su binneshi kamar yanda addinin musulunci ya tanada kuma an...

Wani masanin kimiyya a kasar Ingila me suna Dr Jason Hodgson ya yi ikirarin cewa, mafi yawan mutane na da son aikata luwadi da madigo idan suka samu damar yin hakan. Ya bayyanawa jaridar mailonline cewa duk da yake wadanda suka fito suka bayyana cewa su 'yan Luwadi da madigo ne basu da yawa amma akwai masu irin wannan dabi'ar da yawa dake boyewa. A cewarsa, idan wasu suka samu dama, suma zasu so aikata irin waccan masha'a. Yana bayyana cewa, wannan dabi'a ce ta mafi yawan mutane tsakanin maza da mata wadda ke cewa bisexual watau mace tana son namiji sannan tana son mace 'yar uwarta, hakanan namiji yana son mace amma kuma yana son namiji dan uwansa. Saidai da yawa ko da a cikin Turawan sun karyata wannan masanin kimiyya inda suka ce kawai yana son yada badala ne kuma abinda ya f...

Shugaban haramtaciyyar kungiyar IPOB, Nnamdi Kanu dake daure ake zarginsa da cin amanar kasa ya sha Alwashin ba zai kara zuwa kotu ba. Kanu ya bayyana hakane inda yace shari'ar da ake masa yaudara ce kawai. Kanu yace dalili daya zai sashi ya ci gaba da zuwa kotu shine idan za'a gurfanar dashi a gaban kotun dake da cikkakken ikon a kudin tsarin mulkin Najeriya. Kanu ya kawo dalilai da yawa da yace yana ga kotunan da ake kaishi a yanzu ba zasu iya masa hukuncin da ya dace ba.

Shugaban kasa, Bola Ahmad Tinubu ya kaddamar da titin Legas zuwa Ibadan da aka kammala wani sashe inda ake ci gaba da aiki a wani sashe na titin. A yayin kaddamarwar, Shugaba Tinubu ya bayyana muhimmancin Titi wajan karfafa tattalin arzikin kasa. Ya bayyana cewa, Gwamnatinsa zata yi kaimi wajan tabbatar da samar da tituna da zasu hada birane da karkara dan ci gaban tattalin arzikin kasa. Shugaban kasar wanda gwamnan jihar Ogun, Dapo Abiodun ya wakilta ya bayyana cewa, yana kuma jinjinawa ministan ayyuka, Dave Umahi kan jajircewarsa.

Hukumar 'yansandan Najeriya zata hukunta 'yansanda da aka samu da cin zalin direbobi ta hanyar karbar musu kudi a yankunan jihohin Inyamurai. Shugaban hukumar 'yansanda ta PSC, DIG Hashimu Argungu rtd ne ya bayyana hakan inda yace ba zasu yadda da take hakkin bil'ada da ake zargin 'yansandan da aikatawa ba. DIG Hashimu Argungu rtd yace zasu fara aiwatar da hukuncin da aka tanadar akan irin wannan laifi na korar duk dansandan da aka samu da aikata laifin. Argungu yayi maganane a wajan taron da ake yi akan lamarin tsaro da kare hakkin bil'adama a jihar Enugu. Argungu wanda Mr. Ikechukwu Ani ya wakilceshi yace sun jima suna gargadin 'yansanda da su daina aikata irin wannan laifi amma sun kiya. Yace dan haka zasu fara daukar mataki.