Author: Bashir Ahmed

Rahotanni daga jihar Osun na cewa, tsohon shugaban karamar hukumar Irewole, Mr. Aderemi Abbas da wasu mutane 6 sun mutu bayan da rikicin siyasa ya barke a jihar. Rikicin ya barkene bayan da kotu ta tabbatar da shuwagabannin kananan hukumomi da kansiloli na Jam'iyyar APC a matsayin wadanda suka lashe zabe a jihar. A baya dai,Gwamnan jihar, Ademola Adeleke ya kwarmata cewa minista Adegboyega Oyetola wanda tsohon gwamnan jihar ne na son tayar da rikici a jihar bosa goyon bayan jami'an tsaro. Rahoton jaridar Punchng ya bayyana cewa wani jami'in tsaro dake tsaye kusa da gawar Abbas ya bayyana cewa tsohon shugaban karamar hukumar ya mutu ne a yayin da rikici ya barke tsakanin 'yan siyasar. Rahoton yace a ranar Litinin an samu tashe-tashen hankula a kananan hukumomi daban-daban dake...

Shugaban Kiristoci 'yan darikar Katolika, Fafaroma Francis na fama da rashin lafiya inda aka kwantar dashi a asibiti. Rahotanni sun bayyana cewa jikin nashi yayi tsanani ta yanda sai da akaita canja mai magunguna dan ganin wanta zai karbeshi. Vatican ta fitar da sanarwar cewa, Cutar Numfashi ce ke damun fafaroman kuma yana karbar magani

Wata malamar makaranta a garin Rochdale Shawnee Nicole Despain me shekaru 26 na fuskantar tuhuma bayan da aka sameta da laifin yiwa dalibinta me shekaru 17 fyade. Malamar na karantarwa ne a makarantar Rockdale High School dake jihar Texas ta kasar Amurka. Da farko dai ta musanta zargin. Saidai daga baya an gano sakonnin soyayyar da suka rika aikawa juna ita da dalibin nata hadda ma hotunansa tsirara a wayarta. Sannan ta boyewa mijinta bata gaya mai cewa cikin da take dauke dashi ba nashi bane na dalibinta ne sai da aka yi bincike aka gano hakan. Malamar dai zata iya fuskantar hukuncin daurin shekaru 20 a gidan yari amma a yayin yanke hukunci, Alkali ya yanke mata hukuncin daurin talala na shekaru 10 sannan an kwace lasisinta na aikin koyarwa.

Shafin Facebook na hukumar HISBAH ta Kano har yanzu yana hannun wani bata gari da ya musu kutse kuma yace saka hotunan batsa a kansa. Tun a watan Augusta na shekarar 2024 ne dai aka yiwa shafin kutse inda Hukumar HISBAH din ta rasa iko dashi, yanzu watanni 6 kenan. Shugaban HISBAH, Sheikh Aminu Ibrahim Daurawa ya tabbatar da faruwar lamarin inda yace bangaren fasahar zamani na HISBAH suna kan kokarin dawo da shafin hannun hukumar. Saidai har yanzu shiru kake ji. Da Sahara Reporters suka tuntubi hukumar ta HISBAH tace har yanzu tana kan kokarin kwato shafin daga hannun bata garin da suke da iko dashi.

'Yansanda a jihar Yobe sun kama mutane 2 da ake zargin sun yiwa yarinya me shekaru 12 fyade a jihar. Lamarin ya farune a kauyen Jalingo dake karamar hukumar Tarmuwa ta jihar. Kakakin 'yansandan jihar, SP Dungus Abdulkarim ya tabbatar da faruwar lamarin a Damaturu ranar Litinin. Ya kara da cewa lamarin ya farune ranar 15 ga watan Fabrairu da misalin karfe 3:30 na rana inda wanda ake zargin suka ja yarinyar zuwa daji suka zakke mata. Ya kara da cewa, sun jiwa yarinyar ciwo inda aka kai ta Asibiti sannan kuma an kama wadanda ake zargin.

Dan shugaban kasa, Bola Ahmad Tinubu, Seyi Tinubu ya bayar da tallafin Naira Miliyan 100 ga dalibai da ambaliyar ruwa da aka yi a jihar Borno a watan Satumba na shekarar data gabata ya shafa. Dalibai daga makarantun gaba da sakandare 6 ne suka amfana da tallafin wanda ya hada da buhunan shinkafa, Taliya, Gishiri, Magi, Man Girki da sauransu. Da yake kaddamar da rabon tallafin, Seyi Tinubu yace ya bayar da tallafinne dan karfafa gwiwar daliban su koma da ci gaba da karatu a makarantunsu. Babban me baiwa shugaban kasar shawara akan harkar dalibai, Hon. Sunday Adebayo ne ya wakilci dan shugaban kasar inda yace gidauniyar NOELLA Foundation da Seyi Tinubu da abokansa ne suka bayar da tallafin. Ya kara da cewa an zabi daliban ne da lamarin yafi shafa kamin raba musu tallafin.

Gwamnatin shugaban kasa, Bola Ahmad Tinubu ta a kashe Naira Biliyan 36.3 wajan tafiye-Tafiye a shekarar 2024 data gabata. Kafar Open Treasury Portal ce ta bayyana hakan a wasu bayanai data tattara inda tace shugaban ya kashe kudadenne wajan tafiye-Tafiye zuwa kasashen waje. Bayanan sunce idan aka hada da kudaden da shugaban kasar ya kashe a tafiye-Tafiyen da yayi na cikin gida, ya kashe jimullar Naira Biliyan 83 kenan. Yawan kudaden da shugaban ke kashewa wajan tafiye-Tafiyen sun sakawa 'yan Najeriya damuwa musamman ma lura da yanda gwamnati ke kukan karancin kudin gudanar da ayyuka. Peter Obi a kwanakin baya yayi kira ga shugaba Tinubu da ya rage yawan tafiye-Tafiyen da yake yi.

Wata hukumar tsaro a jihar Anambra ta bayyana aniyarta na fara kamen mata dake shigar banza wanda ke yawo babu rigar nono ko dan kamfai a cikin mutane. An nadi sautin sanarwar inda aka rika yayatashi a kafafen sadarwa. Hukumar tsaron ta bayyana cewa, Gwamnan jihar, Chukwuma Soludo ne ya bayar da umarnin yin hakan, saidai gwamnatin jihar bata fitar da sanarwa ba game da lamarin. Sanarwar tace mata masu saka dan kamfai kadai suma za'a fara kamasu.

'Yan Bijilante sun tsinci gawar jariri sabuwar haihuwa a Tudun Murtala Tagarji dake Kano. 'yan Bijilanten sun fita aiki ne da dare inda suka ga kwali a cikin wani rami an ajiye, nan suka budeshi suka ga ashe gawar jariri ne a ciki. Kwamandan Bijilante din, Sulaiman Rabiu ne ya tabbatar da haka inda yace sun tsinci gawar jaririnne da misalin karfe 2 na daren ranar Asabar. Yace sun dauki gawar zuwa ofishinsu inda suka kira me unguwa ya gani kamin daga baya su kai jaririn zuwa ofishin 'yansanda. 'Yansandan sun gaya musu cewa su tafi da gawar zuwa Asibiti dan a dubata inda likitoci suka tabbatar jaririn ya mutu. Sulaiman yace sun yiwa jaririn sallah inda aka binneshi kamar yanda addinin Musulunci ya tanada. Daga baya dai ya jawo hankalin iyaye da su rika saka ido akan 'ya...

Fusatattun matasa a garin Gadan Gayan dake karamar hukumar Igabi jihar Kaduna sun bankawa wani jami'in hukumar hana sha da fataucin miyagun kwayoyi, NDLEA me suna Aliyu Imran wuta ya kone kurmus. Lamarin ya farune bayan da Aliyu me mukamin Assistant Superintendent of Narcotic 1 tare da abokan aikinsa suka bi wani da ake zargi da safarar kwaya inda ya tsere a mota. Saidai garin gujewa ma'aikatan motar wanda ake zargin ta yi hadari inda hakan yayi sanadiyyar mutuwar mutane akalla 3. Daga nan ne dai Aliyu yayi kokarin kwantar da tarzomar inda anan fusatattun matasa suka dakeshi tare da caka masa wuka. Anan 'yansanda suka daukeshi suka kaishi Asibiti, saidai daga baya matasan sun bishi har asibitin inda suka janyoshi suka banka mai wuta ya kone kurmus. Lamarin ya farune a ranar ...