Duk Labarai

Babban bankin Najeriya, CBN ya sanar da soke lasisin bankin Heritage Bank da kuma kulle bankin. Babban Darakta a CBN, Hakama Sidi Ali, ne ya bayyana hakan inda yace an dauki wannan mataki ne dan tsaftace harkar banki da kuma karawa mutane kwarin gwiwar yadda da tsarin banki a kasarnan. Ya kara da cewa bankin na Heritage Bank ya kasa fitar da bayanai kan yanda yake gudanar da ayyukansa dan ganin ya ci riba ko ya fadi. Sannan an bashi damar farfadowa daga matsalar da yake ciki amma lokaci me tsawo ya wuce bankin bai nuna alamar farfadowa ba dan hakane CBN ta ga cewa kawai abu magi a'ala shine rufe bankin. CBN ta kara da cewa hukumar (NDIC) wadda ke baiwa kudaden Al'umma dake banki kariya ta hanyar Inshora ce zata kula da yadda za'a kulle bankin. CBN yace yana baiwa 'yan Najeri...

Babban lauya kuma me ikirarin kare hakkin bil'adama, Femi Falana ya nemi majalisar tarayya data gaggauta amincewa da kudirin dokar da zai karawa ma'aikata mafi karancin Albashi kamar yanda ta yi akan kudirin dokar canja taken Najeriya. Falana a wata sanarwa da ya fitar yace, tsohuwar dokar kudirin mafi karancin Albashi ta daina aiki dan haka akwai bukatar majalisar ta amince da sabuwar kudirin dokar. Kungiyoyin kwadago na NLC da TUC dai sun fara yajin aiki a yau, Litinin dan nuna kin amincewa da karin Naira dubu sittin(60,000) a matsayin mafi karancin Albashi. Wannan kira na Femi Fala dai zai yiwa ma'aikata da yawa dadi ganin cewa hakan zai kawo fara biyan sabon mafi karancin Albashin da gaggawa.

Rahotanni sun bayyana cewa tituna da ma'aikatu babu mutane sosai a Abuja saboda yajin aikin da kungiyar kwadago ta NLC ta tsunduma a yau, Litinin. Rahoton yace babbar kotun kasa, ma'aikatar mata ta tarayya, da sauransu duk an kulle saboda yajin aikin. Kungiyar NLC dai ta shiga yajin aikinne saboda nuna rashin jin dadin Naira dubu 60 da gwamnatin tarayya tace zata biyasu a matsayin mafi karancin Albashi.

Masana sun bayyana damuwa game da yawan bashin da gwamnatin tarayya ta ciwo a shekara daya data gabata. Gwamnatin shugaban kasa, Bola Ahmad Tinubu ta ciwo bashin Naira Tiriliyan 20.1 a hannun 'yan Najeriya. Hakan na nuna cewa, yawan bashin da gwamnatin Tinubu ta ciwo ya fi wanda Gwamnatin Buhari ta ciwo a shekararta ta karshe akan mulki da kaso 117. Masana sun bayyana damuwar cewa hakan zai iya kawo karuwar hauhawar farashin kayan abinci da kara kudin ruwa na karbar bashi.

A yayin da ta fara yajin aiki a yau, Kungiyar Kwadago ta NLC ta kulle tashar wutar Lantarki ta Najeriya inda hakan ya jefa kasar cikin duhu. Rahoton TheCable ya bayyana cewa, dauke wutar ya faru ne da misalin karfe 2: 19 na tsakar daren daya gabata.

Ga Mahajjata A Filin Jirgi, Ga Kuma Ma'aikatan Filin Jirgi Sun Fantsama Yajin Aiki! Yaya za ta kasance kenan? Daga Comr Abba Sani Pantami

Hukumar 'yansandan Najeriya sun roki kungiyar kwadago ta NLC da ta rungumi sulhu ta janye yajin aikin data shiga. Hukumar a wata sanarwa data fitar tace tabbas kungiyar kwadago ta NLC na da ikon shiga yajin aikin amma ya kamata a bi dokar da kasa ta tanadar dan kaucewa take doka da oda. Hukumar 'yansandan tace wannan yajin aikin zai jawo fargaba da kuma dumamar yanayin siyasa. Dan hakane 'yansandan ke kira da NLC ta janye yajin aikin ta koma teburin sulhu da gwamnati. Hukumar 'yansandan ta kuma baiwa jama'a tabbacin samar da tsaro inda tace ta kai jami'anta gurare da yawa dan tabbatar da ba'a karya doka ba.

Gwamnatin tarayya ta jaddadawa Kungiyar Kwadago cewa, ba zata iya biyan Sama da Naira Dubu 60 ba a matsayin mafi karancin Albashi ba. Hakan na zuwane a Yau, Litinin da kungiyar ta kwadago ta fara yajin aikin sai baba ta gani. Babban Lauyan Gwamnati kuma Ministan Shari'a, Lateef Fagbemi ya bayyanawa kungiyar kwadagon da ma'aikatan gwamnatin tarayya cewa tafiya zuwa yajin aiki sabawa doka ne. Yace kuma zasu iya fuskantar daurin watanni 6 saboda tafiya yajin aikin. Ya bayyana cewa, har yanzu akwai tattaunawa tsakanin gwamnati da kungiyar kwadagon kuma ba'a kammala ba dan haka bai kamata kungiyar ta tafi yajin aiki ba. Ya roki kungiyar kwadagon data sake tunani kan wannan mataki data dauka inda yace bai kamata ba dan zai jefa da yawan 'yan Najeriya cikin halin kaka nikayi da wah...