Duk Labarai

Sakataren Yaki na kasar Amurka, Pete Hegseth ya bayyana cewa sun fara shirin afkawa masu khashe Kiristoci a Najeriya. Yace muddin ba'a dakile matsalar ba suna nan shigowa su Shekye masu Khashe kiristocin. Ya bayyana hakane a matsayin martanin da shugaban kasar Amurka, Donald Trump ya basu na cewa su shirya kai hari Najeriya idan Gwamnatin Najeriya bata hana kisan da akewa kiristoci ba.

Malamin Addinin Islama, Sheikh Nura Khalid ya bayyana cewa, Kirista na da gata da Jagoranci na gari ne shiyasa suka kai kara aka sauraresu. Yace ku kuma matsalar mu ko an kashe mutane karyatawa muke. Malam yace amma mafita itace ace duka 'yan Najeriya ne ake kashewa babu wata maganar addini kawai a kawo mana dauki. https://www.tiktok.com/@digital_imaam/video/7567884525938806034?_t=ZS-913r5SflRoX&_r=1

Fadar shugaban kasa, Bola Ahmad Tinubu ta bayyana cewa nan gaba kadan shugaban kasa, Bola Ahmad Tinubu zai gana da shugaban kasar Amurka, Donald Trump. Me baiwa shugaban kasar shawara kan harkar sadarwa, Daniel Bwala ne ya bayyana hakan. Yace a kwai kyakkyawar alaka tsakanin Najeriya da Amurka inda yace a baya Amurkar ta sayarwa Najeriya da makamai Wanda ta yi amfani dasu wajan yakar matsalar tsaro. Hakan na zuwane kwana daya bayan da shugaban Amurkar, Donald Trump yayi barzanar kawo hari Najeriya idan gwamnati bata dauki mataki kan harkar tsaro ba.

Tauraron Tiktok, Gfresh Al-amin ya fito ya bayyana cewa, yayi kuskure a kalaman da yayi cewa halittar Talauci kuskurene. Ya bayyana cewa, yana so ya cene an kirkirarwa Najeriya Talauci da gangan. https://www.tiktok.com/@gfreshfanpage/video/7567900923209583880?_t=ZS-913iASUAwlt&_r=1 Gfresh a baya yayi Bidiyon inda ya fadi cewa halittar Talauci kuskurene a yayin da yake magana akan fadan Baana da A'ishatulhumaira.

Mawaki Vilal Billa ya bayyana cewa, ba zai iya barin wasannin barkwanci da yake ba ko kuma waka ya koma makaranta ba. Yace akwai masu digirin da sune ke basu kudi hakanan wayar da yake rikewa da motar da yake hawa, masu digiri da yawa ba su da ita. Saidai yace a yanzu zai iya komawa makaranta saboda ya kawo karfi zai iya rike kansa. https://www.tiktok.com/@cuteboy_backup/video/7567688724436602119?_t=ZS-913fbhsQo1B&_r=1

Tsohon Magajin garin Blanco City dake jihar Texas a kasar Amurka, Mike Arnold ya zargi me alfarma sarkin Musulmi, Muhammad Sa'ad Abubakar III da hannu wajan kisan kiyashi da aikata Jihadiy akan Kiristoci. Ya bukaci sarkin da ya fito ya kawo hujja wadda ke nuna cewa bashi da hannu a khiysan da akewa Kiristoci a Arewa. Saidai fadar sarkin ta bayyana cewa wannan zargi ne da bashi da tushe ballantana makama. Sannan tace ba zata ma bayar da amsa ba game da zargin. Sakataren fadar, Alhaji Saidu Maccido, yace Gwamnatin tarayya da Majalisar tarayya sun bayar da amsa kan wannan lamari dan haka hankalin sarki akan karfafa zaman lafiya yake ba irin wadannan maganganun ba.

Rahotanni sun ce an gano Naira Biliyan 11 a asusun daya daga cikin sojojin da ake zargi da yunkurin yiwa shugaba Tinubu Juyin mulki. Rahotan yace sojan me mukamin Colonel ne kuma yana aiki ne a karkashin wani soja me mukamin Brigadier General. Dda aka tambayeshi, yace kudin na wani tsohon Gwamna ne kuma kasuwanci suke shi da gwamnan. Rahoton ya kara da cewa a baya an taba kai sojan aiki a yankin Naija Delta.

Shugaban kasar Amurka, Donald Trump ya gargadi Gwamnatin Najeriya da cewa, ta dauki mataki na magance matsalar tsaro musamman wadda ta shafi khisan Khiyashi da ake zargin yiwa Kiristoci. Yace ya baiwa Ma'aikatar yaki ta kasarsa umarnin daukar mataki akan Najeriya muddin lamarin bai canja salo ba. Ya bayyana hakane a shafinsa na yanar gizo.

Tauraron Fina-finan Hausa da ake kira da Anfara ya bayyana cewa yayi dana sanin shiga harkar Fim. Ya bayyana hakane a hirar da Hadiza Gabon ta yi dashi inda ta tambayeshi wane abune yayi wanda yake dana saninsa. Yace shiga harkar fim itace a ko da yaushe idan ya tuna abin na damunsa sosai. Yace dalilin da yasa ba zai fita daga harkar fim ba shine idan ya fita zai fara daga farko ne a rayuwarsa.

Bidiyon wani babban sojan Najeriya na ta yawo a kafafen sada zumunta inda ake yada cewa, shine ya dakile Yunkurin juyin mulkin da aka yi zargin an shiryawa shugaban kasa, Bola Ahmad Tinubu. An ga sojan na ta rawa a wajan wani biki. Da yawa dai sun rika jinjinawa sojan da cewa dan kishin kasane duk dai labarin a kafafen sda zumunta kawai yake ta yawo. https://twitter.com/dipoaina1/status/1984030400373829780?t=Mm3D8FdcmS1FcTkIAOCPkQ&s=19 Sojoji sama da 40 ne dai rahotanni suka ce aka kama bisa zargin yunkurin yiwa shugaba Tinubu Jhuyin mulki. Saidai Hukumomin gidan soja da Gwamnatin tarayya basu bayyana cewa yunkurin juyin mulkin ne akawa shugaban kasar ba. Hakanan shugaban kasa Tinubu ya canjawa sojojin Najeriya da yawa wajan aiki.