Duk Labarai

Tauraruwar fina-finan Hausa, Kilishi ta bayyana rashin jin dadinta kan kalaman da ake yi musamman akan taurarin fina-finan mata da cewa basa son zaman aure. Ta bayyana hakane a wani Bidiyon ta dake yawo a kafafen sadarwa inda tace Aure mutuwa da haihuwa duk na Allah ne. Tace wanda kuma bai yadda ba sai yawa kansa Arziki. https://www.tiktok.com/@tuna__baya/video/7549901451414359351?_t=ZS-8zjGoTxkZQ9&_r=1

Me martaba Sarkin Kano, Muhammad Sanusi II ya bayyanawa matasa cewa cikin sauki zasu karbe mulki a kasarnan indai suka ce abinda ake musu ya isa haka. Ya bayyana hakane a wajan wani taron marubuta da aka yi, kamar yanda gidan talabijin na Channels TV ya ruwaito. Sarki Sanusi yace Najeriya ta yi fama da rashin shuwagabanni na gari wanda hakan ya hanata samun ci gaban da ya kamata.

Malam Abdulrahman Umar ya bayyana cewa, baya neman taimakon Annabi(Sallallahu Alaihi Wasallam) ko taimakon Inyass. Yace Taimakon Allah kawai yake nema. Malam ya bayyana hakane a wajan wa'azinsa. https://www.tiktok.com/@isah_bello_assalafy_garo/video/7549655866891422997?_t=ZS-8ziWMkt2bce&_r=1 Marigayi, Dr. Idris Dutsen Tanshi ne ya fara yin wadannan kalamai a baya wadanda suka jawo cece-kuce sosai.

'Yan kasuwar man fetur sun koka da cewa, Dangote na sayarwa da kasashen waje man fetur a farashi me sauki fiye ye da yanda yake sayarwa a Najeriya. ''Yan kasuwar sun ce 'yan kasar waje na samun ragin kusan Naira 65 akan kowace Lita idan aka kwatanta da farashin man da Dangoten ke sayarwa a Najeriya. Dan hakane ma suka ce wani lokacin basa saye a wajan Dangote sai su je wajan 'yan kasar wajen da ya sayarwa su saya a hannunsu su shigo dashi Najeriya. Shugaban kungiyar 'yan kasuwar DAPPMAN, Olufemi Adewole ne ya bayyana haka ga manema labarai na Punchng. Yace abinda suke nema a wajan Dangote shine ya rika musu sauki dan haka sai su daina shigo da man daga kasashen waje suna saye a hannunshi. Yace Dangote da gangan yake karya farashin mai da zarar ya ga sun kawo mai daga gasa...

Tauraruwar BBNaija data fito daga jihar Adamawa, Sultana ta yi Hausa a gidan. Hausar da ta yi ta buge kowa inda akai ta sam barka Hakanan Sultana ta yi bikin daurin dankwali. https://twitter.com/_sultanafarida/status/1966896454078992441?t=_5_LuYViaWCONFZVn5569g&s=19

Rahotanni sun bayyana cewa, Labarin dake yawo cewa, tsohuwar matar Ahmad XM, Watau Safiya zata auri Hambali ba gaskiya bane. Safiyar da kanta ta fito ta musanta wannan labari inda kuma wasu na kusa da ita suma duk suka karyata wannan labari. Bayan rabuwarta da tsohon mijinta, Ahmad XM, An yada labaran cewa zata sake aure inda zata auri Hambali, kuma da dama sun zata hakan gaskiyane. Saidai daga baya labari ya bayyana cewa, ba gaskiya bane wannan ikirarin.

Rahotanni sun bayyana cewa, Tauraron mawakin Kudu Omah Lay ya kashe Naira Miliyan 60 a gidan rawa, Watau Club. Mawakan kudu kan kashe makudan kudade a Club wanda hakan kan jawo musu cece-kuce sosai.

Tauraruwar Tiktok, Rahama Saidu ta sake bude babban shago Abuja. Rahama Sa'idu ta sanar da bude shagon nata ne a shafinta na sada zumunta inda aka ga 'yan uwa da abokan arziki ciki hadda mahaifinta sun halarci wajan bude shagon. https://www.tiktok.com/@rahamasaidu2/video/7549712291843837202?_t=ZS-8ziLVPQaxtp&_r=1 Tuni dai da yawa sukai ta mata fatan Alheri ana Allah san barka. https://www.tiktok.com/@rahamasaidu2/video/7549594929803152647?_t=ZS-8ziMBgVk9ez&_r=1

Yunusa Ahmadu Yusuf kenan wanda aka fi sani da Buhun Barkono wanda ya rasu a dakin Otal bayan ya shiga shi da wata me suna Ruth. Lamarin ya farune a ranar 8 ga watan Satumba inda bayan sun shiga dakin Yunusa Bai cin abinci saidai yayi ta kwankwadar giya, Kamar yanda rahotonni suka tabbatar. Ruth ta samowa Yunusa maganin kara karfin kuzari wanda bayan da ya sha ne ya suma daga nan kuma sai ya rasu. Tuni aka tafi dashi asibiti dan biciken abinda ya kasheshi. https://twitter.com/DejiAdesogan/status/1966940919791301113?t=zNsWv0rCyXZIrmev5QWxSA&s=19 Lamarin ya farune a Karu-Jikwoyi, Abuja.

Shugaban ma'aikatan fadar shugaban kasa, Femi Gbajabiamila ya bayyana cewa, Shugaban kasa, Bola Ahmad Tinubu ya cire tallafin man fetur ne dan ci gaban Najeriya. Yace shugabab ya yi hakane ba tare da damuwa ko za'a sake zabensa a shekarar 2027 ba. Ya bayyana hakane a wajan wani taron tsaffin 'yan majalisar tarayya daga kudancin Najeriya wanda ya faru a jihar Ogun. Yace tabbas cire tallafin ya kawo wahalhalu amma na dan lokacine. Ya luma kawo misalai irin na tallafin karatun dalibai da sauransu wadanda suka taimaka wajan inganta ilimi da saukaka radadin da mutane ke ji.