Duk Labarai – Page 775

Jun22024 by Bashir AhmedNo Comments

Akwai yiyuwar a yi fama da wahalar man fetur yayin da kungiyar NUPENG ke shirin bin kungiyar kwadago itama ta yi yajin aiki

Siyasa

Kungiyar ma'aikatan man fetur ta NUPENG ta umarci membobinta da su shiga yajin aikin sai mama ta gani wanda za'a fara a gobe Litinin. Sakataren Kungiyar, Mr Afolabi Olawale ne ya bayyana haka inda yace kungiyar tasu zata bi umarnin yajin aikin. Kungiyoyin NLC da TUC dai sun bayyana aniyar shiga yajin aiki a gobe litinin wanda sai abinda hali yayi kan neman gwamnati ta kara mafi karancin Albashi. Wannan mataki na NUPENG dai zai iya jefa da yawa daga cikin 'yan Najeriya cikin matsalar wahalar man fetur.

Jun22024 by Bashir AhmedNo Comments

Idan aka biya ma’aikata mafi karancin Albashin da suke nema na Naira N494,000 sauran mutanen Najeriya zasu shiga wahala>>Ministan Yada Labarai

Siyasa

Ministan yada labarai, Mohammed Idris ya bayyana damuwa kan bukatar kungiyar NLC ta a biyasu mafi karancin Albashi na Naira N494,000. Ministan yace idan aka biya wannan mafi karancin Albashin da kungiyar NLC take nema, za'a rika kashe Naira N9.5 trillion wajan biyan Albashi. Ya kara da cewa kuma hakan zai jefa rayuwar sauran 'yan Najeriya miliyan 200 cikin wahala. A zama na karshe dai da aka yi tsakanin kungiyar ta Kwadago da Gwamnati an tsaya ne akan gwamnati zata biya Naira Dubu 60 a matsayin mafi karancin Albashi wanda kungiyar Kwadagon tace bata yadda ba. Hakan yasa kungiyar tace tunda dai ba'a cimma matsaya tsakaninta da gwamnati ba, zata shiga yajin aikin sai mama ta gani daga ranar Litinin dinnan me zuwa.

Jun22024 by Bashir AhmedNo Comments

Wannan Baiwar Allah Mai Suna Aisha Isa Muh’d Ta Rasu A Sanadiyyar Haihuwa

Duk Labarai

INNA LILLAHI WA'INNA ILAIHI RAJI'UN Wannan Baiwar Allah Mai Suna Aisha Isa Muh'd Ta Rasu A Sanadiyyar Haihuwa. An nemi a saka ta cikin addu'a, Allah Ya gafarta mata.

Jun12024 by Bashir AhmedNo Comments

Hukumar Wutar lantarki ta Abuja zata yankewa hedikwatar Sojoji dana ‘yansanda wuta saboda bashi

Siyasa

Hukumar wutar lantarki ta Abuja ta bayyana cewa, zata yankewa manyan ma'aikatu da yawa wuta saboda bashin kudin wutar da ake binsu. Ta bayyana cewa, daga cikin hukumin da ake bin bashin akwai hukumar sojojin, dana 'yansanda da ma'aikatar mata ta tarayya, da jihar Kogi, da ma'aikatar Ilimi, da ma'aikatar masana'antu. Hukumar tace ba wata ma'aikata da zata dagawa kafa zata yanke mata wuta. Hakan na kunshene a cikin sanarwar da hukumar wutar ta fitar.

Jun12024 by Bashir AhmedNo Comments

Sanata Rabi’u Musa Kwankwaso ya ce ya yi niyyar ɗaukar sojoji milyan ɗaya da ƴan sanda milyan ɗaya da a ce ya zama shugaban Najeriya a zaɓen 2023

Kano, Rabiu Musa Kwankwaso

Sanata Rabi'u Musa Kwankwaso ya ce ya yi niyyar ɗaukar sojoji milyan ɗaya da ƴan sanda milyan ɗaya da a ce ya zama shugaban Najeriya a zaɓen 2023 Ɗan takarar shugaban ƙasar na jam'iyyar NNPP a zaɓén na 2023 da ya gabata, Engr Rabi'u Musa Kwankwaso ya furta hakan a hirarsa da BBC Hausa, ya ce wannan matakin zai inganta harkokin tsaron Najeriya da ya tabarbare a wasu sassan ƙasar. Wane fata zaku yi masa?

Jun12024 by Bashir AhmedNo Comments

Mugunta ko cin Amana? Ji yanda shugaban wani kauye a jihar Katsina ya karbi cin hancin Naira dubu dari bakwai(700,000) ya amince aka kaiwa mutanen kauyensa hari har aka kash-she 30

Katsina, Tsaro

Gwamnan Jihar Katsina, Dr. Umar Dikko Radda ya bayyana yanda wani shugaban kauye ya karbi Naira dubu dari bakwai ya amince aka kai hari akan kauyenshi wanda yayi sanadiyyar kisan mutane 30. Gwamnan yace an samu hakanne a Guga dake Bakori. Ya kara da cewa ba zasu kyale ko wanene aka samu da hannu a harkar 'yan Bindigar ba. Saboda rayuwar mutanen jihar tafi ta mutum daya ko wanene shi.

Jun12024 by Bashir AhmedNo Comments

Kan mu ya daure, Bamu san wanne hukunci zamu yi amfani dashi ba>>Hukumar ‘yansandan jihar Kano bayan da aka aika mata hukunce-hukuncen kotu har 5 da suka shafi masarautar Kano, saidai ta bayyana abinda zata yi nan gaba

Kano, Siyasa

Hukumar 'yansandan jihar Kano ta bayyana tsaka mai wuya da take ciki kan hukunce-hukuncen kotu har guda biyar da aka yi kan masarautar Kano. Kwamishinan 'yansandan jihar, Mr Usaini Gumel ne ya bayyanawa manema labarai hakan inda yace sun tattara duka wadannan hukunce-hukuncen 5 sun aikewa da shugaban 'yansanda na kasa yayin da shi kuma ya aikawa da ministan shari'a. Yace suna jiran ministan shari'ar ya gaya musu da wane hukunci zasu yi amfani. Yace da zarar sun samu umarni daga ministan shari'ar, zasu zartas da hukuncin da doka ta amince dashi. Yayi kira kan kafafen yada labarai da su rika tantance labari kamin su yadashi.

Jun12024 by Bashir AhmedNo Comments

Hotunan Yadda Dakataccen Dan Sanda DCP Abba Kyari Ya Samu Kyakkyawar Tarba Ga ‘Yan Uwa Da Abokan Arziki, Bayan Kotu Ta Bada Belinsa Na Mako Biyu Domin Yin Ta’aziyyar Mahaifiyarsa

Tsaro

Hotunan Yadda Dakataccen Dan Sanda DCP Abba Kyari Ya Samu Kyakkyawar Tarba Ga 'Yan Uwa Da Abokan Arziki, Bayan Kotu Ta Bada Belinsa Na Mako Biyu Domin Yin Ta'aziyyar Mahaifiyarsa.

Jun12024 by Bashir AhmedNo Comments

An soki Peter Obi saboda kiran ‘yan Bindigar Arewa ‘yan Ta’dda amma yaki kiran ‘yan IPOB da ‘yan ta’adda

Siyasa

Dan takarar shugaban kasa na jam'iyyar Labour party a zaben shekarar 2023, Peter Obi ya yi Allah wadai da harin da 'yan IPOB suka kai da ya kashe sojoji 5 a jihar Abia. A baya dai, an yi tsammanin ba zai yi magana akan lamarin ba saidai yazo yayi maganar. Amma kuma ya kaucewa kiran 'yan IPOB din da 'yan ta'adda. Tsohon hadimin Shugaban kasa Muhammadu Buhari, Bashir Ahmad ne ya bayyana hakan inda ya dauko wani tsohon sakon na Peter Obi wanda yayi magana akan wani hari da aka kai jihar Filato inda ya kira maharan da sunan 'yan ta'adda. https://twitter.com/BashirAhmaad/status/1796877604475040183?t=ynvg3_I3Mpo8KjuxyO6U9w&s=19 A zamanin mulkin shugaban kasa, Muhammadu Buhari ne dai aka ayyana kungiyar ta IPOB dake ikirarin kafa kasar Biafra da sunan kungiyar ta'ddanci.

Jun12024 by Bashir AhmedNo Comments

An kama yaro dan shekaru 13, da dan shekaru 18 da wani me shekaru 45 da yin Fyade a jihar Gombe

Tsaro

Jami'an 'yansanda a jihar Gombe sun kama wani karamin yaro dan shekaru 13 saboda yiwa yarinya me shekaru 8 fyade. Ya aikata laifinne a karamar hukumar Akko dake jihar ta Gombe. Hakanan an kama wani Usman Husseini dan shekaru 18 da kuma wani Mohammed Yaya shi kuma dan shekaru 45 da duka ake zargi da yin fyade a jihar. Kakakin 'yansandan jihar, ASP Buhari Abdullahi ya tabbatar da faruwar lamarin inda yace yaron ya ja yarinyar zuwa wata hanya da ba kowa inda acanne ya zakke mata. Shi kuma Mohammed Yahya yawa yarinya me shekaru 10 fyadene a lokuta daban-daban inda wani lokacin yake bata Naira 100 wani lokacin kuma ya bata Naira 50. Shima ya fito ne daga Tumu karamar hukumar Akko. Yace ana bincike akan lamuran kuma za'a gurfanar da wadanda ake zargi a Kotu.