Tuesday, June 18
Shadow

Da Ɗuminsa: Ba Za Mu Tafi Yajin aiki ba – NLC ta bayyana

Shugaban kungiyar kwadago ta Najeriya (NLC), Joe Ajaero, ya bayyana cewa kungiyoyin kwadago ba za su tafi yajin aiki a ranar Talata ba, dangane da sabon takaddamar mafi karancin albashi da gwamnati ke fuskanta.

Da yake bayar da dalilin daukar matakin, Ajaero ya ce har yanzu ma’aikata ba za su tafi yajin aikin ba saboda a halin yanzu alkaluman na kan teburin shugaban kasa Bola Tinubu kuma ana sa ran za a mayar da martani.

Majiyar Jaridar Dimokuraɗiyya ta ruwaito shugaban NLC ya bayyana hakan ne yayin da yake magana a ranar Litinin a taron kungiyar kwadago ta duniya da ke gudana a birnin Geneva na kasar Switzerland.

Karanta Wannan  Hotuna: NLC ta kulle Asibitin Kano

Yayin da yake buga misalan gwamnatocin da suka gabata, Ajaero ya ce har yanzu akwai yuwuwar Shugaban kasa ya kara adadin da ake so a gabansa.

Sai dai ya yi kira ga Gwamnonin da suka bayyana cewa ba za su iya biyan N62,000 da ake shirin yi na sabon mafi karancin albashi ba, wanda a halin yanzu gwamnatin tarayya ke bayarwa, ya kuma bayyana su a matsayin malala ta.

A cikin kalamansa, “Ba za mu iya ayyana yajin aiki a yanzu ba saboda alkalumman na tare da shugaban kasa.”

“A lokacin tsohon shugaban kasa, adadin da kwamitin da aka gabatar masa ya kai naira 27,000 amma ya kara da shi zuwa N30,000. Muna fatan wannan shugaban zai yi abin da ya dace. Shugaban ya lura cewa bambanci tsakanin N62,000 da N250,000 babban gibi ne.

Karanta Wannan  Da Duminsa: Fadar Shugaban kasa ta musanta cewa, Ministan kudi ya gabatar da Naira Dubu Dari da biyar(105,000) a matsayin mafi karancin Albashi

Leave a Reply

Your email address will not be published. Required fields are marked *