Hutudole

Gwamnan jihar Kano, Abba Kabir Yusuf ya aikewa da majalisar jihar kudirin dokar haramta Madigo da Luwadi. Gwamnan ya aike da kudirin dokar ne dan tabbatar an haramta wannan bakar dabi'a sannan an hukunta duk wanda aka kama na yin hakan. A lokutan baya an rika samu rahotannin auren jinsi a jihar ta Kano.

Babbar Kotun tarayya dake Abuja ta aikawa shugaban jam'iyyar ADC na riko, David Mark takardar sammace inda tace ya je ya kare kansa akan shugabancin jam'iyyar. Motun ta bukaci David Mark da sakataren riko na jam'iyyar ADC, Rauf Aregbesola su je su gaya mata dalilan da zasu hana a tsigesu daga shugabancin jam'iyyar. Hakan na zuwane bayan da Nafiu Gombe ya gabatar da kara a kotun inda yake cewa shine halastaccen shugaban jam'iyyar ADC ba David Mark ba. Ya kuma bukaci kotun data tsige David Mark daga shugabancin jam'iyyar ADC. Saidai kotun bata amsa bukatarsa ba inda tace maimakon tsige David Mark, tana bukatar ya bayyana a gabanta kamin 15 ga watan Satumba dan ya bata hujjojin da zasu sa kada a tsigeshi daga shugabancin jam'iyyar ADC.

Rahotanni daga jihar Kano na cewa an gudanar da addu' da yankan Dabbobi sannan an sauke Qur'ani saboda neman Allah ya baiwa shugaban kasa, Bola Ahmad Tinubu da Sanata Barau Jibrin Maliya nasara a 2027. Rahoton yace an yi wanan taronne a gidan Baballiya dake Kurna karamar hukumar Fagge dake Kano. Kuma mutane daga kowacce karamar hukumar a jihar sun samu halarta. Bayan kammala saukar Qur'anin, an gabatar da addu'a ga Shugaba kasa, Bola Ahmad Tinubu da Sanata Barau Maliya kan Allah ya basu nasara. Sannan kuma malaman sun yi Addu'ar Allah ya bada zaman lafiya, ci gaban tattalin arziki a Najeriya baki daya.

Tsohuwar Tauraruwar fina-finan Hausa, Halima Atete ta samu karuwar diya mace. 'Yan uwa da abokan arziki sun taru inda suka tayata murna. https://www.tiktok.com/@maryamgombe9593/video/7548870675016977671?_t=ZS-8zf351oLs4f&_r=1

Wannan wani Bidiyo ne inda aka ga mutane nata rububin daukar hotuna yayin da aka ce Gibirima ya bayyana a bangon wani gini. Hakan ya farune yayin bikin Maulidi da ya gabata. https://www.tiktok.com/@kingyahay1/video/7547072216781819153?_t=ZS-8zf0tEIWDeD&_r=1 A baya dai an rika cewa Inyas ko sauran shehunai na darika sun bayyana a jikin bango.

Tauraron me wakar Batsa wanda ya fito daga jihar Sokoto, wanda aka fi sani da Soja Boy ya bayyana cewa hada addini da harkar Nishadi ko rawa da waka Izgili ne. Ya bayyana cewa Addini da rawa da fim da waka ba zasu taba haduwa ba har abada. Ya bayyana hakane a wata hira da aka yi dashi. https://www.tiktok.com/@usmansuleyman2/video/7546990774999682312?_t=ZS-8zezVeYgAaH&_r=1 Soja Boy dai yana shan suka sosai a wajan mutane musamman ma kwanannan shine yayi waka da matashiyar 'yar Fim iftihal Madaki wadda aka saba ganinta da Hijabi amma rana daya aka ganta tana rawa da mawaka.

Tauraron fina-finan Hausa, Saheer Abdul da ya je Madina, ibada da sayar da garin Danwake yace da yawan wadanda ke aika masa da neman ya taya su da addu'a matane. Yace kuma yawanci suna cewa ne ya nema musu addu'ar Allah ya basu mazajen aure wasu kuma suna kiran ya taya su da addu'ar Allah yasa su samu zaman lafiya da mazansu. Yace irin labaran da matan ke bashi akwai ban tausai. Ya sha Alwashin taya su da addu'a. https://www.tiktok.com/@mr_saheeer/video/7548756716633066760?_t=ZS-8zeyAXIqm5w&_r=1

Wata matashiyar Najeriya me suna Faith Joseph ta ki amincewa da yin karuwanci bayan da aka yaudareta aka kaita kasar Mali da sunan zata yi aiki a Supermarket. Matashiyar na aikin gida ne a Afuze, Owan East dake jihar Edo inda aka ce za'a kaita Legas dan ta yi aiki a Supermarket. Saidai daga baya an tafi da ita kasar Mali, tace sina zuwa aka kaita wajan wata mata wadda Magajiyace, watau uwar Karuwai, data lura da haka sai tace bata yadda ba, ba zata yi ba. Saidai magajiyar ta gaya mata cewa, aikuwa saidai idan an kawo wata da zata maye gurbinta ne sannan zata iya komawa gida Najeriya. Matashiya, Faith haka ta zauna har Allah yasa ta lura da wani Ofishin 'yansanda inda ta tsere zuwa can. Daga baya dai ta samu an dawo da ita zuwa gida Najeriya. Shugaban hukumar kula da 'y...

Rahotanni daga hukumar bincike ta kasa, The Nigerian Safety Investigation Bureau sun bayyana cewa, an samu biyu daga cikin matuka jirgin saman kamfanin Air Peace da shaye-shayen miyagun kwayoyi. Abubuwan da aka samesu da sha shine kwayoyi da kuma giya. Hakan na zuwane bayan da jirgin da suke tukawa ya kaucewa hanya a filin jirgin samana na Fatakwal a ranar July 13, 2025. Me magana da yawun hukumar binciken ta Najeriya, Mrs Bimbo Olawumi Oladeji ce ta tabbatar da hakan ga manema labarai na jaridar Punchng. An gano cewa matuka jirgin sun yi wasa da rayuwar mutane 103 da suke dauke dasu a wancan lokacin.

Jihar Delta ta yi sabuwar doka game da irin kayan da ya kamata ma'aikatan jihar maza da mata su rika sakawa. A wata sanarwa data fitar a yau, Alhamis, Jihar tace dolene ma'aikata su rika saka kayan mutunci a yayin da suka je wajan aiki. Sanarwar tace ana tsammanin maza su rika saka kwat ko riga 'yar ciki su tsuke in banda ranar Juma'a da zasu iya saka kayan gida. Hakanan ba'a so mutum ya tara gemu da yawa ba aski, ba gyara. Mata kuma su saka siket wanda zai rika wuce gwiwarsu.