Hutudole

Janar Christopher Musa ya bayyana cewa, Burin kowane dan Bindiga a kasashen Afrika shine ya zo Najeriya saboda tunaninsu a Najeriya akwai kudi. Ya bayyana hakane a lokacin tantancesa a majalisar Dattijai. Ya kara da cewa zai hada kai da sauran ma'aikatun tarayya da kuma jami'an tsaro da kasashe makwabtan Najeriya da dauransu dan samar da tsaro. https://twitter.com/dammiedammie35/status/1996228876444340649?t=mUwYTwatPHCs2AXDYSIgcg&s=19

Rahotanni sun bayyana cewa, Shugaban kasa, Bola Ahmad Tinubu ya raba motocin yakin neman zaben 2027 ga masu shirya yi masa yakin neman zaben 2025. Rahoton daga Sahara reporters yace shugaba Tinubu ya nada gwamnan jihar Imo, Hope Uzodinma a matsayin wanda zai jagoranci wannan tafiya. Sannan an bukaci kowace jiha ta samar da Naira Biliyan 1 dan nasarar wannan tafiya kamar yanda rahoton ya nunar. Hakan na zuwane yayin da ake fama da matsalar tsaro a Najeriya

Rahotanni daga Abuja na cewa, Janar Christopher Musa ya isa majalisar Dattijai dan a tantanceshi a matsayin Ministan tsaro https://twitter.com/channelstv/status/1996205376778453341?t=nsyc5Yb0xLfouUFRkH4nUg&s=19 A jiyane shugaban kasa, Bola Ahmad Tinubu ya aikewa da majalisar Dattijai da sunan Janar Christopher Musa dan ta tantanceshi.

Tauraruwar fina-finan Hausa, Hadiza Gabon tawa Masoya Adam A. Zango martani me zafi kan sukar da suke mata ta cewa bata saka hoton Adam A. Zango a dakin da take hira da mutane ba a ciki. A baya Hutudole ya kawo muku irin yanda masoya Adam A. Zango ke tawa Hadiza Gabon martani da kiranta da sunaye daban-daban kan wannan abu. Saidai a martaninta, Hadiza Gabon tace Na dauka idan mutum ya gina gida zai iya masa kalar Fentin da yake so. Hakan na nuna cewa, Gabon tana sane da abinda ta yi ba kuskure bane.

A baya hutudole ya kawo muku rahoton cewa, Inyamurai na koyon Hausa wai da tunanin idan 'yan Bindiga suka kamasu suka musu Hausa, zasu sakesu. Duk da yake abin ya zama kamar barkwanci amma da yawan Hausawa sun daukeshi a matsayj cin fuska da tsangwama da nuna cewa 'yan Bindiga masu garkuwa da mutane ana musu kallon Hausawa ne. Wannan dalili yasa Hausawa daga Arewa suma suka kafara mayar da martani ta hanyar dora wakokin Inyamurai suna bi a kafafen sada zumunta suna cewa idan masu son kafa kasar Biafra sun kamaka, kana yi musu wannan taken shikenan. Wasu kuma sun rika cewa wai masu tsafi da iyayensu sune suke zagin Hausawa? Hakan yasa suma Inyamuran abin bai musu dadi ba inda suka fara mayar da martani. Kalli Bidiyon a comment: https://www.tiktok.com/@surajrukky/video/75...

Tauraron kafafen sada zumunta kuma wanda ke ikirarin fafutuka, VDM ya bayyana cewa kaso 80 na 'yan Bindiga masu yaren Hausa ne daga Arewacin Najeriya. Ya bayyana hakane a wani Bidiyo da ya yadu sosai a kafafen sada zumunta inda ciki hadda 'yan uwansa 'yan Kudu da yawa sun mayar masa da raddi. https://www.tiktok.com/@lordashore/video/7579335248035564822?_t=ZS-91ugGhJeNTU&_r=1

Matar Marigayi Sheikh Dahiru Usman Bauchi, A'isha ta bayyana cewa, bata taba ganin mutum irinsa ba. Tace gidajensa baya badasu hay, Kyauta yake baiwa mutane su zauna. Ta bayyana hakane a wata hira da aka yi da ita inda take bayyana halaye na gari na Sheikh Dahiru Usman Bauchi. https://www.tiktok.com/@gtahausa/video/7578241269458128159?_t=ZS-91uf16fd7lw&_r=1

An zakulo Wani tsohon Bidiyon karamin Ministan tsaro, Bello Matawalle inda yake cewa ba duka Fulanine 'yan Bindiga ba. Bidiyon dai an daukeshi ne tun lokacin yana gwamnan jihar Zamfara inda aka ji yana cewa 'yan sa kai suna matsawa Fulani. Yace har sai da ta kai ga ya Haramta ayyukan 'yan sa kai a jiharsa. https://twitter.com/instablog9ja/status/1995746969810059281?t=Nyi9H6GXWC76IMtPSAQhnA&s=19

Sanata Shehu Sani daga jihar Kaduna ya bayyana cewa shekarun sa ba su kai ba, yayi kankanta sosai ace an nadashi jadakan Najeriya zuwa wata kasa. Ya bayyana hakane a wata hira da aka yi dashi inda aka tambayeshi game da rahotan dake cewa shugaba Tinubu ya bayar da sunansa cikin wanda zai baiwa mukamin Jakadanci. Sanata Shehu Sani yace har yanzu yana da ayyukan da zai wa Al'ummarsa a Kaduna Tukuna. https://twitter.com/Imranmuhdz/status/1996140553721778596?t=530oT-R8RwGP4W8f5Eq1eg&s=19

Rahotanni daga jihar Legas na cewa, Mawaki Burna Boy ya gyara wani masallaci a Legas kwanaki kadan bayan da ya shigo Addinin Musulunci. Bidiyon masallacin dai na ta yawo a kafafen sada zumunta inda ake ta shi masa Albarka. https://twitter.com/mariolexxx/status/1995993133717344481?t=K_jdPIv-2SzO5sjPWY4xNw&s=19