Author: Bashir Ahmed

Bayan Kàshè mutumin da ya yànqà ladani ya ciro maqogoronsa a masallaci a Hotoro Kano, matasan unguwar sun kuma je gidan wanda yayi aika aikar suka cinna masa wuta. Wannan Bidiyon yanda lamarin ya kasancene inda mutane suka taru suna mayar da zantuka. https://www.tiktok.com/@ibrahim.general/video/7584394566707481864?_t=ZS-92GvQoakyIq&_r=1 https://www.tiktok.com/@young.journalist69/video/7584204856735304971?_t=ZS-92GvtL9hlEP&_r=1

Matar marigayi tsohon shugaban kasa, Hajiya A'isha Buhari ta bayyana cewa, ba zata sake yin wani aure ba. Hajiya A'isha ta bayyana hakane a littafin da aka rubuta na rayuwar tsohon mijinta, kuma tsohon shugaban kasa, Muhammadu Buhari. Tace miji daya ya isheta. Sannan kuma tace zata ci gaba da rayuwa a tsakanin 'ya'yanta da Jikoki da abokai. Tace zata ci gaba da kula da gidauniyarta.

Shugaban kasa, Bola Ahmad Tinubu ya fasa karawa Dogarinsa, Yusuf Nurudeen girma daga mukamin Colonel zuwa Brigadier General. A watan Janairu da ya gabata ne dai aka kara masa girma zuwa Colonel. Inda a yanzu kuma ake son kara masa girma zuwa Brigadier General. Amma a doka sai ya shekara 4 yana mukamin Colonel kamin ya je yayi wata horaswa sannan a kara masa mukamin zuwa Brigadier General. Saidai Shugaba Tinubu ya so ya masa karin girman ba tare da bin waccan matakai ba. Jaridar The Cable ta ruwaito cewa, wasu tsaffin janarorin sojane suka shiga maganar shiyasa aka fasa karin mukamin da aka shirya yi ranar Litinin.

Wannan malamin daga kasar Ghana ya nemi a kawo masa karatun Sheikh Dahiru Usman Bauchi guda daya wanda yake karantar da Tauhidi. Yace kullun Salatun Fatih, Sheikh Ibrahim da sauransu yake jin Marigayin na fada a karatunsa. https://www.tiktok.com/@albany_012/video/7582982730011397397?_t=ZS-92GnsR3tHVp&_r=1

Rahotanni daga majalisar Dattijai sun tabbatar da cewa, kakakin majalisar, Godswill Akpabio ya halarci zaman majalisar na yau. Hakan na zuwane bayan da rahotanni suka watsu cewa ya yanke jiki ya fadi an garzaya dashi asibitin kasar Landan. Akpabio ya koka da matsalar watsuwar labaran karya inda yace suna da wahalar magancewa. Majalisar dai ta nemi hukumar ofishin me baiwa shugaban kasa shawara akan harkar tsaro, NSA su binciki yanda aka yi labarin ya yadu.

An Hango jirgin saman sojojin Najeriya C-130 dake ajiye a filin jiragen saman kasar Burkina Faso. Jirgin dai na dauke da sojoji 11 ne na Najeriya da hukumomin Najeriya suka ce ya samu tangarda a hanyarsa ta zuwa kasar Portugal ya sauka a kasar ta Burkina Faso. Saidai hukumomin kasar Burkina Faso sun zargi akwai wata maqarqashiya game da saukar jirgin a kasarsu. https://twitter.com/GallantDaletian/status/2000892186674528536?t=yxeUTLLX9UFobJ9bdyftuw&s=19

Wannan wani abokin Amarya ne da aka fi kira da Besty wanda aka ganshi yana gyarawa amaryar rigar data saka a ranar aurenta. Lamarin ya dauki hankula domin kuwa har a gaban Angonta ya rika yi mata wannan gyara.

Rahotanni sun bayyana cewa, na kusa da Marigayi tsohon shugaban kasa, Muhammadu Buhari sun yi kokarin ganin an tsayar da Sanata Ahmad Lawal takarar shugaban kasa a jam'iyyar ba Tinubu ba. Rahoton yace wadannan mutane sun rubuta takardar Boge inda suka ce daga shugaban kasa ne suka mikawa shugaban 'yansanda da shugaban DSS suka basu Umarnin su tabbatar Sanata Sanata Ahmad Lawal ne ya zama dan takarar shugaban kasa a jam'iyyar APC. Saidai shugaban 'yansandan a wancan lokacin ya nemi tabbatar da wannan umarni kai tsaye daga wajan shugaba Buhari inda Buharin yace ba gaskiya bane. Hakan ya bayyana ne a sabon Littafin da aka rubuta da ya kunshi tarihin rayuwar tsohon shugaban kasar wanda aka kaddamar a fadar shugaban kasa jiya.

Attajirin Duniya, Elon Musk ya zama na farko a Duniya da Darajar kudinsa ta haura Dala Biliyan $600 A yanzu, Jaridar Forbes ta bayyana cewa kudinsa sun kai dala Biliyan $677. Hakan ya farune biyo bayan hauhawar darajar kamfaninsa na SpaceX

Dan wasan barkwanci, Sale Naci ya bayyana cewa yasan abinda yake yi Haramun ne amma ba zai taba dainawa ba. Yace hakane bayan da wani Boka yace zai bashi tallar bokancin da yake ya tayashi tallatawa zai biyashi daga Miliyan 10 zuwa sama. Saidai Sale Yace ba zai karbi wannan tallar ba. https://www.tiktok.com/@sulenaci_/video/7584114589726559496?_t=ZS-92GY12TS1s9&_r=1