Author: Bashir Ahmed

Jirgin ruwa dauke da gas daga matatar man fetur din Dangote ya isa kasar Amurka. Wannan ne karin farko da hakan ta faru. Jirgin ya dauki gas ganga 320,000 zuwa kasar Amurka. Matatar Man Fetur ta Dangote Tuni ta fara fitar da fetur zuwa kasashen Afrika amma wannan ne karin farko data fitar da gas zuwa kasar Amurka

Shugaban kasa, Bola Ahmad Tinubu ya dawo gida Najeriya bayan kammala hutun da ya dauka. Shugaban ya sauka ne a filin sauka da tashin jiragen sama dake Abuja inda manyan jami'an gwamnati suka tarbeshi. Hakan na zuwane bayan da me magana da yawun shugaban kasar, Bayo Onanuga yace shugaban ya yanke hutun da yake ne ya dawo gida Najeriya.

Tauraron Tiktok, Gfresh Al-amin ya bayyana cewa, daga Sakandare ya tsaya da karatunsa. Gfresh yace dalili kuwa duk wadanda yake kallo a matsayin gwanayensa da masu kudin Duniya basu yi karatu me zurfi ba. Gfresh ya bayyana hakane a wata hira da aka yi dashi. https://www.tiktok.com/@hamza_dogo_dandago/video/7549456719240301842?_t=ZS-8zmPsmVs7mK&_r=1

Hukumar ƙididdiga ta Naajeriya, NBS, ta ce farashin kayayyaki ya faɗo karo na biyar a jere a ƙasar, a watan Agusta 2025, lamarin da ya kawo sauƙi ga mutanen ƙasar. Alƙaluman da hukumar ta fitar sun nuna cewa, farashi ya sauko daga 21.88 a watan Yuli zuwa 20.12 a watan Agustan 2025. Abin da ke nuna cewa an samu raguwar kashi 1.76 cikin ɗari daga watan na Yuli zuwa Agusta. Hakan kuma na nufin farashin ya rikito idan aka kwatanta da 32.15 ciki ɗari da aka samu a watan Agustan 2024. Sai dai alƙaluman ba su yi wani tasiri na azo-a-gani ba a yankunan karkara, inda kuɗin mota da rarraba kayayyaki ke ci gaba da janyo tsadar kayayyaki fiye da a birane. Sai dai abinci, wanda shi ne ja gaba wurin kayayyakin da farashinsu ke ƙaruwa ya dawo matsakaici a watan na Agusta a ƙasar, ko da yake y...

Attajirin Najeriya, Aliko Dangote ya bayyana cewa, Albashin da yake biyan direbobin Tankarsa ya fi na wanda ya kammala jami'a. Dangote ya bayyana hakane a wata ganawa da yayi da manema labarai inda yayi karin haske kan rikicinsa da Kungiyar NUPENG. Ya kuma gayyaci direbobin NUPENG duk wanda bai da aiki ya je zai bashi aikin tukin. Dangote yace Albashin Direban tankarsa ya nunka mafi karancin Albashin sau 4 wanda akalla zai kai sama da Naira dubu dari uku kenan.

Me magana da yawun shugaban kasa, Bayo Onanuga ya musanta ikirarin tsohon Mataimakin shugaban kasa, Atiku Abubakar cewa akwai yunwa a Najeriya. Atiku yace yunwar dake Najeriya da Talauci ka iya tunzura mutane su fita zanga-zanga irin wadda ake yi a kasashen Duniya. Saidai me magana da yawun shugaban kasa, Bayo Onanuga ya musanta maganar ta Atiku inda yace Atiku be san halin da Najeriya take ciki ba a yanzu dan an kama hanyar ci gaba. Yace Hukumar kididdiga ta kasa, NBS ta fitar da bayanai cewa farashin kayan masarufi sun yi kasa, sannan a baya tace kudaden shigar Najeriya sun karu ta bangaren da ba na man fetur ba. Sannan yace Tinubu ya biya basuka da yawa da ake bin Najeriya. Yace kuma Tinubu ya dauki matakai na gyara kasa ba tare da tsoro ba.

Fadar Shugaban kasa ta sanar da cewa, Shugaban kasa, Bola Ahmad Tinubu ya yanke hutun da yake ba tare da kammalawa ba ya dan dawowa gida Najeriya. Me magana da yawun shugaban kasar, Bayo Onanuga ne ya bayyana haka a wata sanarwa da ya fitar ranar Litinin. Yace shugaba Tinubu zai dawo gida Najeriya ranar Talata dan ci gaba da ayyukan raya kasa.

Mahaifin Tauraruwar Tiktok, Rahama Sa'idu ya bata watanni 3 ta fito da mijin aure. Hakan ya fito ne daga bakin wani na kusa da Rahamar. Wannan na zuwane kwanaki kadan bayan da Rahamar ta bude babban shago a Abuja. An ha mahaifintaba wajan bude shagon.

Gwamnatin tarayya ta fitar da hasashe na jihohi 11 da ka iya fuskantar ambaliyar ruwa tsakanin ranar Lahadi da ranar Alhamis. Ma'aikatar Muhalli ta tarayya ce ta fitar da wannan sanarwar inda tace jihohin da lamarin zai shafa sun hada da: Adamawa State (Ganye, Natubi); Benue State (Abinsi, Agyo, Gogo, Ito, Makurdi, Udoma, Ukpiam); Nasarawa State (Agima, Rukubi, Odogbo); Taraba State (Beli, Serti, Donga); Delta State (Umugboma, Umukwata, Abraka, Aboh, Okpo-Krika); da Niger State (Rijau). Sauran Jihohin sune Kebbi State (Ribah); Kano State (Gwarzo, Karaye); Katsina State (Jibia); Sokoto State (Makira); da Zamfara State (Kaura Namoda, Shinkafi, Maradun, Gusau, Anka, Bungudu). Saidai mu yi fatan Allah ya tsare.