Author: Bashir Ahmed

Tauraruwar Kannywood ta bayyana cewa, maza basu kare ba da mace zata rika nema mace 'yar uwarta. Ta bayyana hakane a wata hira da aka yi da ita. Tace idan mace ta samu maza 10 ta basu dubu-dubu har gida zasu rika zuwa. Ta bayyana hakane a wata hira da aka yi da ita. https://www.tiktok.com/@mustaphayalo/video/7549847883604954376?_t=ZS-8zkDdUh9hdB&_r=1

Rahotanni sun ce kawanaki 2 bayan kammala dafa shinkafar Hilda Baci wadda ta dafa a Tukunya mafi girma a Duniya, har yanzu akwai sauran shinkafar bata kare ba. Hilda Baci dai ta dafa shinkafa buhu 200 wanda kuma mutane 20,000 suka bayyana son zuwa wajan dan su ci. Saidai duk da haka shinkafar bata kare ba inda a wasu lokutan aka ga Hilda na rokon Mutane su zo su ci shinkafar dan bata san yanda zata yi da ita ba. https://twitter.com/ChuksEricE/status/1967215847782670520?t=x--2fHoNqww6bmdclpS0VQ&s=19

Tauraron Tiktok, Moses the CEO ya bayyana cewa, zuciyarsa na gaya masa ya karbi Addinin Musulunci. Ya bayyana hakane a wani Bidiyonsa inda yace yana neman shawarar mutane aka ko ya bi abinda zuciyarsa ke gaya masa ko kuwa a'a? https://www.tiktok.com/@theceo011/video/7548189932834114838?_t=ZS-8zk5358A54r&_r=1 Mosea dai na kawo labaran abubuwan dake faruwa ne a fadin Duniya.

Matatar man fetur ta Dangote zata rage farashin man fetur dinta zuwa daga Naira 865 zuwa Naira 841 akan kowace lita a jihar Legas da sauran Jihohin Yarbawa. Hakanan matatar zata rage farashin kowace lita zuwa Naira 851 a Abuja da kuma jihohin Kwara, da Edo. Hakan na zuwane a yayin da Matatar man ta Dangote ke shirin fara kaiwa gidajen sayar da man fetur man kyauta da motocin tanka na dakon Man fetur din data siyo daga kasashen waje. Rikici tsakanin matatar man fetur ta Dangote da sauran 'yan kasuwar man fetur ya ta'azzara sosai inda suka ce sai ya shiga kungiyarsu amma shi kuma yace hakan ba zata yiyu ba.

Me_Rayyan ya bayyana cewa, Wallahi Dan Damusa bai mutu yana aikata abonda ake zarginsa da aikatawa ba. Yace a lokacin da aka yi sulhu da dan Damusa a Masallaci a Kaduna sun halarci wajan, yace wadanda basu yadda ayi Sulhu ba, Dan Damusa da jami'an tsaro ake zuwa ace su yadda ayi sulhun. https://www.tiktok.com/@me_rayyana/video/7547474386085793031?_t=ZS-8zjxZOdn2iv&_r=1 Rasuwar Dan Damusa dai ta tayar da kura sosai musamman a kafafen sadarwa inda akai ta maganganu da muhawara kala-kala.

Tauraron fina-finan Hausa, Tahir Fage ya bayyana cewa, karfin hali yake fina-finan da yake fitowa saboda yana fama da ciwon zuciya Yace ana neman sama da Naira Miliyan 2 dan a masa aiki a Abuja. Ya bayyana hakane a hirar da RFIHausa Suka yi dashi. Ya kuma ce Ko rawar gala da aka ga yayi a kwanakin baya yana neman dubu 250 ne yaran da suka bude gidan galar suka bashi Naira dubu 100 dan ya je a matsayin babban bako. https://www.tiktok.com/@rfi_ha/video/7549833237225278737?_t=ZS-8zjQtmXQvCr&_r=1

Gwamnan jihar Naija, Umar Bago ya bayyana cewa, daga yanzu sai an tantance hudubar Juma'a kamin a yadda limami ya hau Mumbari ya gabatar da ita. Gwamnan ya tabbatar da hakan ne a hirar da aka yi dashi a hidan Talabijin na TVC ranar Lahadi. Yace ba zasu amince da a rika yada hudubar data zama zata cutar da mutane ko gwamnati ba. Gwamnan ya kara da cewa, suna aiki da hukumomin tsaro dan tabbatar da faruwar hakan.

Ƙungiyar likitoci masu neman ƙwarewa a Najeriya ta janye yajin aikin gargaɗi da ta fara ranar Juma'a sakamakon ƙorafe-ƙorafen da suka shafi rashin kulawa daga ɓangaren gwamnati. Wata sanarwa da ƙungiyar Nigerian Association of Resident Doctors (Nard) ta fitar ta ce ta janye yajin aikin na kwana biyar ne bayan gwamnatin Najeriya ta amince da fara biyan wasu buƙatunsu. "Bayan yunƙurin da gwamnati ta nuna na biyan wasu buƙatun da muka sanar, da kuma shirin fara biyan alawus ga ma'aikatan da ke bin bashi...mun amince mu janye yajin aikin daga ƙarfe 8:00 na safiyar Lahadi," in ji sanarwar. Ta ƙara da cewa ta bai wa gwamnatin tarayyar wa'adin mako biyu domin aiwatar da alƙawuran da ta ɗauka.

Tauraruwar fina-finan Hausa, Kilishi ta bayyana rashin jin dadinta kan kalaman da ake yi musamman akan taurarin fina-finan mata da cewa basa son zaman aure. Ta bayyana hakane a wani Bidiyon ta dake yawo a kafafen sadarwa inda tace Aure mutuwa da haihuwa duk na Allah ne. Tace wanda kuma bai yadda ba sai yawa kansa Arziki. https://www.tiktok.com/@tuna__baya/video/7549901451414359351?_t=ZS-8zjGoTxkZQ9&_r=1

Me martaba Sarkin Kano, Muhammad Sanusi II ya bayyanawa matasa cewa cikin sauki zasu karbe mulki a kasarnan indai suka ce abinda ake musu ya isa haka. Ya bayyana hakane a wajan wani taron marubuta da aka yi, kamar yanda gidan talabijin na Channels TV ya ruwaito. Sarki Sanusi yace Najeriya ta yi fama da rashin shuwagabanni na gari wanda hakan ya hanata samun ci gaban da ya kamata.