Author: Bashir Ahmed

Dr. Hussain Kano dake fadakarwa a kafafen sada zumunta musamman Tiktok, ya bayyana cewa, wai shi zai kawo karshen Darika a Najeriya. Ya bayyana hakane a wani sabon Bidiyonsa da ya wallafa inda aka ganshi yana jawabi kan wani Balaraben Malami da ake ta cece-kuce akansa. https://www.tiktok.com/@dr.hussainkano5/video/7593657848144366904?_t=ZS-92xJ1ufaI6L&_r=1

Baturen kasar Ingila, Sir Benjamin Slade wanda yana daga cikin shahararrun masu kudin kasar na neman matar aure da ya sami magaji da zai gaji Dukiyarsa. Dan shekaru 79 ya tallata cewa yana neman matar aure dake da shekaru tsakanin 20 zuwa 30. Sannan yace zai biya albashin £50,000 kwatankwacin sama da Naira Miliyan 71, sannan zai rika yawo ds ita a cikin jirgin samansa. Yace burinsa shine ya haifi da namiji

Gwamnatin tarayya ta ware Naira Biliyan 6.05 a kasafin kudin shekarar 2026 dan biyan ma'aikatan kamfanin mulmula karafa dake ajakuta. Hakan na zuwane duk da yake cewa, kamfanin baya aiki. Da yawan 'yan Najeriya dai sun bayyana mamaki da wannan lamari.

An ga taron wasu yarbawa a Ibadan da suka fito sunawa Shugaban kasa, Bola Ahmad Tinubu yakin neman zabe. Sun ce whi zasu zaba a zaben 2027. Lamarin nasu ya dauki hankali inda akai ta zazzafar Muhawara. https://twitter.com/i/status/2009870072232485189

Malam ya bayyana cewa yana cikin malaman da aka rika biya kudi suna tallata takarar Muslim Muslim. Yace har so suke a rika tafiya dasu saboda akwai alawus kuma su sun yi ne tsakani da Allah dan babu Musulmi da za'a kawowa 'yan takarar Muslimi da Musulmi yace baya sonsu. Malam ya zargi manyan malamai da suka rika tallata Muslim Muslim din da yin shiru inda yace su kana ne aka bari suna magana. Yace amma ga gwamnatin nan tsare-tsaren ta na wahalar da al'umma ne. https://twitter.com/i/status/2009801514387419283

Tauraron mawakin Kasar Senegal, Akon ya harlarci wasan da kasarsa ta buga da kasar Mali. Wasan ya kare Senegal na cin 1-0. An ga Akon ya tashi yana murna bayan da Ndiaye yaciwa Senegal Kwallon da ta basu nasara inda ya rika cewa dama ya fada. https://twitter.com/i/status/2009755389764555007 Bayan Wasan an ga Akon da Sadio Mane suna gaisawa inda Akon ke cewa, zai kasance tare dasu har su yi nasara. https://twitter.com/i/status/2009899112754184389

Malamin Kirista, Primate Ayodele ya bayyana cewa, shugaban kasa, Bola Ahmad Tinubu ya yi hattara dan kuwa zai gamu da kalubale da yawa Ya bayyana cewa, Kasar Amurka zata shirya abubuwa da zarge-zarge akan Tinubu din. Yace kuma Gwamnonin dake ta komawa APC zasu ci amanar shugaban kasar. Ya bayyana hakane ga mutanen cocinsa. https://twitter.com/i/status/2009587959490637969

Amanda Azubuike wadda ke aiki da sojan Amurka, ta zama mace ta farko kuma 'yar Najeriya data kai matsayin Brigadier General. Shekarunta 57 kuma hakan ya sa ta zama wata abin koyi ga mata masu neman su zama jajrirtattu a fanno ni daban-daban na rayuwa. Mahaifin ta dan Najeriya ne inda mahaifiyarta kuma 'yar kasar Zimbabwe ce, Mahaifanta sun hadu ne a kasar Ingila inda suka yin aure. Saidai daga baya sun rabu inda mahaifiyarsu ta daukesu suka koma kasar Amurka da zama.

Rahotanni daga Kano sun bayyana cewa, dan jagoran Kwankwasiyya, Dr. Rabiu Musa Kwankwaso me suna, Mustapha wanda kwamishinan matasa da wasannine zai ajiye aikinsa. Hakan na zuwane bayan da Abban ke shirin komawa jam'iyyar APC. Rahoton yace ba Mustapha Kwankwaso ne kadai zai ajiye aikin nasa ba, hadda karin wasu kwamishinoni dake aiki tare da gwamnatin Kanon. Rahotanni sun bayyana cewa, Dangantaka ta yi tsami tsakanin Abba da Kwankwaso tun bayan data bayyana a zahiri cewa Abba zai koma jam'iyyar APC.

Wadannan wasu tsaffin hotunan gwamnan Kano, Abba Kabir Yusuf ne kamin ya zama gwamna da suka dauki hankula. https://twitter.com/i/status/2009529347905138744