Author: Bashir Ahmed

Rahotanni daga legas na cewa, hukumar sojojin sama sun kai farmaki ofishin hukumar wuta ta jihar, Ikeja Electric inda suka ci zarafin ma'aikatan hukumar ciki hadda shugabar ma'aikatar. Lamarin ya farune bayan da Hukumar sojin sama dake barikin Sam Ethan Base aka dauke musu wuta saboda kasa biyan bashin sa ake binsu. https://www.tiktok.com/@emmax.media/video/7478644385446415638?_t=ZM-8uTjgNbH846&_r=1 Bidiyo da ya watsu sosai a kafafen sada zumunta ya nuna yanda sojojin suka ci zarafin wasu ma'aikatan hukumar. Shugabar ma'aikatar, Folake Soeten tace sun kamata sun kulleta a cikin but din mota a yayin cin zarafin. Saidai hukumar sojin saman na kokarin cewa bata san wane sojoji ne suka je suka aikata wannan lamari ba. https://www.tiktok.com/@emmax.media/video/747864...

Shugaban kungiyar Kiristoci ta CAN, Rev. Daniel Okoh ya bayyana cewa, Musulmai da Kiristoci duk daya ne. Ya bayyana hakane a wajan shan ruwan da ya gudana a Abuja inda ya je shima aka yi buda baki dashi. Shan ruwan ya farune a masallacin Al-Habibiyya inda aka ciyar da masu Azumi 2300. Shugaban na kan ya bayyana muhimmanci zaman lafiya da hadin kai. Ya kara da cewa, wani zai yi tunanin me ya kawo shugaban CAN masallaci? Yace ya je masallacin ne kuma zai sake komawa. Yace akwai muhummacin mu fahimci juna kuma a zauna lafiya

Shugaban kasa, Bola Ahmad Tinubu ya bayyana cewa, Gwamnatinsa na kokarin ganin kowane gida a Najeriya ya samu wadataccen abinci me gina jiki. Hakan ya fito ne daga Ministan Noma, Abubakar Kyari a yayin da yake kaddamar da shirin Noman Rani da rabon abincin watan Ramadana a jihar Kebbi. Ya bayyana cewa, Shugaban kasa, Bola Ahmad Tinubu na kokarin samar da yanayi me kyau da kuma karfafa manoma dan su samar da amfani gona wadatacce da zai sa a samu wadatar abinci a kasarnan. Yace Gwamnatin tarayya zata ci gaba da aiki da gwamnatocin jihohi dana kananan hukumomi dan ganin ta samar da ci gaba ta bangaren Noma.

Dan shugaban kasa, Seyi Tinubu a ziyarar manyan mutane da yake yi a Arewa ya je gaishe da tsohon shugaban kasa, Muhammadu Buhari. Ganin yanda ya gaisheshi yasa mutane suka lalibo hoton yanda Seyi Tinubu ya gaishe da shugaba Buhari a lokacin yana kan mulki inda aka ga sai da ya rusuna. Lamarin ya jawo cece-kuce.

Wata Kungiyar matasan Inyamurai me suna COSEYL ta baiwa Fulani makiyaya awanni 48 su fice daga jihar Enugu. A sanarwar da kungiyar ta fitar ta bakin shugabanta, Goodluck Ibem ta zargi makiyayan da yiwa mata fyade da kisa a wasu yankunan jihar. Ya bayyana cewa ayyukan na Fulani makiyayan shedanci ne da mugunta inda yace suna Allah wadai da hakan. Yace fulanin 'yan ta'adda ne ba makiyaya ba yayi zargin cewa sunawa matansu fyade kuma su rika saka musu sanda a al'aurarsu. Ya kara da cewa sun yi iya hakurin da zasu iyayi amma an kaisu bango.

Kotun daukaka kara dake Abuja ta yi dokar cewa bai kamata a hana masu rike da mukaman siyasa zuwa kasashen waje neman lafiya ba. Kotun da Alkalai 3 suka jagoranci yin shari'ar sunce hana 'yan siyasar zuwa kasar waje neman magani kamar take hakkinsu ne a matsayin 'yan Adam. Babban lauya me rajin kare hakkin bil'adama, Femi Falana ne ya shigar da wannan kara akan Gwamnatin tarayya.

Ana sa ran farashin Gas na girki zai tashi saboda kamfanin dake samar dashi NLNG ya rage kawoshi. Kamfanin na ci gaba da samun matsalar gudanar da aikinsa ne inda rahotanni suka ce yayi kasa da samar da gas din da kaso 80 cikin 100. Rahoton yace abinda ya kawo hakan shine yawan fasa bututun man da ake samu.

Tsohon gwamnan jihar Ogun, Ibikunle Amosun ya bayyana cewa, Tsohon shugaban kasa, Olusegun Obasanjo ya fi shekaru 88 kamar yanda yake ikirari. Yace shekarun tsohon shugaban kasa, Olusegun Obasanjo sun kai tsakanin 93 ko 94. Ya bayyana hakane yayin da ake bikin cikar tsohon shugaban kasar shekaru 88. Saidai tsohon shugaban kasar yace ba gaskiya bane, shekarunsa 88 kamar yanda suke a hukumance.

Ƴanbindiga sun kashe mutum uku, ciki har da jami'an tsaron Najeriya biyu a wani da suka kai a jihar Jigawa da ke arewa maso yammacin ƙasar. Hukumar tsaro ta Civil Defence a jihar Jigawa ta tabbatar da aukuwar lamarin, inda ƴan bindigar sun kai harin ne a ƙaramar hukumar Ringim a jiya Laraba da marece. Hukumar ta ce ƴan bindigar sun buɗe wa wasu jami’an sa-kai masu yaƙi da masu garkuwa da mutane wuta a ofishinsu.

Asusun bayar da lamuni na duniya, IMF, ya roƙi gwamnatin Najeriya da ta fito da wasu hanyoyin samar wa al’umma yadda za su rage tasirin raɗaɗin da suke ji sakamakon matakan da ta ɗauka domin inganta tattalin arzki. A cewar IMF duk da matakin da gwamnatin ta ɗauka na cire tallafin man fetur ya zama wajibi, amma kuma ya haifar da wahalhalun rayuwa ga ƴan Najeriya da dama. Bankin lamunin ya ce a yanzu tsananin talauci a ƙasar ya ƙaru ya zuwa kashi 47 a cikin shekarar 2024 da ta gabata.