Author: Bashir Ahmed

Kungiyar dillalan man fetur ta Najeriya wato IPMAN, ta ce farashin litar man fetur a gidajen mai zai zarta naira dubu daya nan da kwanaki masu zuwa. IPMAN ta ce karin ya zama dole sakamako karin farashin da hukumar fiton man fetur da sanya ido kan sayar dashi ta NMDPRA ta yi. Alhaji Salisu Ten Ten, shugaban kungiyar dillalan man fetur ta Arewacin Najeriya wato IPMAN, ya shaida wa BBC cewa, a shekarun baya man fetur daga kasashen waje ake shigo dashi, sai gashi kuma bayan matatar man fetur ta Dangote ta fara aiki sai aka daina shigo da man. Ya ce, " A lokacin da ake shigo da mai daga kasashen waje akwai harajin naira 10 kan kowacce lita da duk wanda ya shigo da mai yake biyan hukumar NMDPRA, to a yanzu saboda an daina shigo da man sakamakon matatar mai ta Dangote sai dillan man suk...

Ministan Tsaro, Mohammed Badaru Abubakar, ya nemi Majalisar Wakilai ta saka kuɗaɗen karin tamkar yaƙi guda 50 a kasafin kudin 2025 don magance matsalar ƴan ta'adda a kasar. Badaru Abubakar ya yi wannan roƙon ne a yau Talata yayin zaman kare kasafin kudin 2025 da kwamitin tsaro na majalisar ya shirya a Abuja. Ya bayyana cewa, tare da wannan kayan aiki, za a kawo karshen matsalar ƴan ta'adda a cikin watanni biyu. “Ma’aikatar Tsaro na da alhakin samar da wasu kayan aiki a wasu yankuna, amma ba mu da damar yin hakan. “Daga abin da mu ka samu a 2024, mun iya samar da Motoci Masu Sulke guda 20 kawai, amma me za su iya yi? “Idan mu ka samu karin motocin guda 50 da za su shiga dazuzzuka don fatattakar ‘yan ta’adda, ina tabbatar muku, cikin wata biyu za mu kawo karshen matsalar 'yan ...

Hukumar Kwastam ta samarwa da gwamnatin tarayya kudin shiga sa suka kai Naira Tiriliyan 6.105 a shekarar 2024. Shugaban hukumar, Mr Adewale Adeniyi ne ya bayyana haka a yayin da yake gayawa manema labarai yanda hukumar ta gudanar da ayyukanta a shekarar 2024. Yace kudin shigar da suka samarwa gwamnatin ya zarta kudin da gwamnatin ta bukaci su samar mata na Tiriliyan 5.079

Kocin Manchester City, Pep Guardiola, da matarsa, Cristina Serra, sun rabu bayan shekara 30 tare. Daily Trust ta ce, a cewar rahotanni daga Spain, rabuwar ta kasance “cikin lumana da fahimtar juna.” An ce sun yanke shawarar kawo karshen auren nasu ne tun a watan Disamba, sai dai iya makusantansu ne su ka san labarin rabuwar. An gargadi abokai da dangi kada su bayyana labarin sakin. A 2019, Serra ta bar birnin Manchester tare da ɗaya daga cikin ƴaƴansu domin komawa Barcelona don kula da kasuwancin kayan kwalliyarta. Daga baya, ta ci gaba da raba lokacinta tsakanin birnin Spain da London, yayin da suke ci gaba da mu'ammala, amma Guardiola ya ci gaba da zama a birnin Manchester. Guardiola da Serra sun hadu a shekarar 1994, lokacin da ya ke da shekara 23 ita kuma ta na da she...

Wani mutum dake bin addinin gargajiya a jihar Oyo ya kona Qur'ani inda lamarin ya so tayar da rikicin addini a jihar. Lamarin ya farane bayan da wasu malaman addinin Musulmi jihar suka bayyana aniyarsu ta kafa kotun shari'ar musukunci a jihar. Maganar ta tayar da kura wadda ta kai ga har sai da DSS suka gayyaci malaman suka sanar dasu cewa basu da hurumin yin hakan, kundin tsarin mulkine kadai ke da hurumin kafa kotu a Najeriya amma ba wani mutum ko wata kungiya ba Malam sun hakura inda suka buga a jarida cewa sun fasa kafa kotun shari'ar musuluncin a jihar ta Oyo. Bayannan ne sai kuma aka samu wani mabiyin addinin gargajiya ya fito ya kona Qur'ani ya dauki bidiyo ya wallafa a kafafen sada zumunta inda yace kuma babu abinda za'a masa kan wannan aika-aika da yayi. Tuni dai h...

Gwamnatin tarayya ta kara yawan kudin ciyar da masu laifi a gidan gyara hali wanda aka fi sani da gidan yari a kasarnan daga Naita 750 zuwa Naira 1,125 a kullun A baya dai da ake ciyar da 'yan gidan yarin akan Naira 750 a kullun, ana cire kudin haraji da sauransu wanda a karshe Naira 500 ce take raguwa a matsayin abinda za'a ciyar da 'yan gidan yarin sau uku a rana. Shugaban gidajen gyara hali na Najeriya, Sylvester Ndidi Nwakuche ne ya bayyana haka a wani taro da yayi da jami'an hukumar kula da gidan gyara halin. Ya sha Alwashin ci gaba da neman inganta rayuwar masu laifi da ake tsare dasu.

Farashin daukar mai a Depot ya karu a ranar Litinin. Masu Depot dake bayar da sarin man sun kara farashin gangar man da Naira 43 ko ace kaso 4.74 cikin 100, hakan ya farune saboda tashin farashin danyen man fetur. Wannan na nufin gidajen man fetur da yawa a fadin Najeriya zasu iya kara farashin man da suke sayarwa suma. Yawancin Depots din sun kafa farashin man da suke sayarwa ne zuwa Naira 950 akan kowace lita kamar yanda jaridar Punchng ta ruwaito.

Ministan wutar lantarki, Adebayo Adelabu ya bayyana cewa, wutar lantarkin Najeriya zata ci gaba da lalacewa saboda injinan dake samar da wutar duk sun tsufa. Ministan ya kara da cewa, da kyar suke iya kula da injinan wutar da suka gada daga gwamnatocin baya saboda sun lalace. Ya bayyana hakane yayin da yake bayani kan yanda ma'aikatarsa zata kashe kudadenta a shekarar 2025 a gaban majalisar tarayya ranar Litinin. Ministan ya bayyana cewa sau 8 ne kacal wutar Lantarkin Najeriya ta dauke a shekarar 2024 maimakon sau 12 da ake ta yadawa. Ministan ya kuma kara da cewa, karfin wutar lantarkin Najeriya ya karu da kaso 34 a shekarar 2024.

Kasar Canada ta sanar da cewa ta aikawa kasar Amurka tallafin jiragen sama masu kashe Gobara a birnin Los Angeles. Koda a baya, kasar Mexico ma ta kaiwa kasar ta Amurka tallafin masu aikin kashe gobara. Jimullar masu kashe gobara dubu 14 ne ke aikin kashe gobarar. Rahotanni sun bayyana cewa, hadda masu laifi dake tsare a gidan yari sai da aka dauko dan su taimaka a kashe gobarar.

Rahotanni daga gobarar dake faruwa a birnin Los Angeles na kasar Amurka na cewa mahukunta sun sanar da duka mutanen dake zaune a birnin watau mutane miliyan 10 da su shirya ficewa daga cikinsa saboda wata guguwa ta doso garin tana niyyar hura wutar dake ci ta mamaye duka garin. Mahukunta sun ce suna kan shirin ko ta kwana na faruwar lamarin me cike da hadari. Zuwa yanzu dai gobarar ta kashe mutane 24 sannan ta kone gidaje sama da dubu 12 kuma ta tursasa mutane 100,000 barin gidajensu. Hakanan dukiyar da gobarar ta cinye ta kai dalar Amurka Biliyan 150.