Author: Bashir Ahmed

Wasu matasa akan titin Benin zuwa Lagos sun fito zanga-zanga inda suke bayyana cewa shugaban kasa, Bola Ahmad Tinubu ya sauka. Sun bayyana cewa, Mulkinsa ya ishesu. An ga yanda suka tare hanya suka hana kowa wucewa. https://twitter.com/i/status/2039688403608903784

Rahotanni sun bayyana cewa, an jibge jami'an tsaro a ofishin INEC dake Abuja dan hana jam'iyyar ADC zanga-zanga. Jam'iyyar ADC ta yi barazanar yin zanga-zanga kan cire sunayen shuwagabannin ta daga shafin INEC. Dan hakane aka jibge jami'an tsaron. An ga hotunan jami'an tsaro dauke da muggan makamai da tankokin ruwan zafi zagaye da ofishin INEC.

Wanda ke ikirarin cewa shine shugaban jam'iyyar ADC, Nafiu Bala wanda kuma ya kai su Atiku, Kwankwaso, Peter Obi, da David Mark, da Rauf Aregbesola da sauransu kotu yana neman a kwace shugabancin jam'iyyar a bashi watau Nafiu Bala yace bai taba ganin zalunci irin na su Atikun ba. Ya bayyana hakane a wata hira da aka yi dashi wadda ta watsu a kafafen sada zumunta. Yace ta yaya mutane zasu zo har gidansa su sameshi suce zasu yi fada dashi kuma su yi nasara?

Rahotanni sun bayyana farashin dala a kasuwar Chanji a yau, Alhamis, 2 ga watan Afrilun shekarar 2026 inda farashin dalar ya fara akan Naira ₦1,382.45 kowace dala daya a kasuwar Gwamnati. A kasuwar bayar fage kuwa a garuruwan Kano, Abuja da Legas, Suna sayar da dalar akan Naira ₦1,410 zuwa Naira ₦1,415

Rahotanni sun bayyana cewa, mataimakin sakataren jam'iyyar APC ta jihar Kano, Abdulsalami Ginsau ya rigamu gidan gaskiya a otal din Chida dake Utako, Abuja. Rahoton yace Abdulsalami shine ke kula da masaukin baki na wakilan jam'iyyar APC daga jihar Kano a babban taron jam'iyyar da aka yi a Abuja. Kuma ya je otal din inda kama duka dakunan otal din guda 150. Saidai bayan da gari ya waye aka tafi wajan taron jam'iyyar APC din sai ba'a ganshi ba, anan aka fara bincike. Shugaban jam'iyyar APC a jihar Kano, Umar Haruna Doguwa ya bayyana cewa, sun kai korafi ofishin 'yansanda dake Utako, yace sai 'yansandan suka ce an kawo musu rahoto daga Otal Chida, ko da suka je sai suka ga Abdulsalami ne. 'yansanda sun ce sun fara bincike kan lamarin. Itama wata majiya daga otal din ta tabb...

Bidiyo kala-kala na ta yawo a kafafen sada zumunta inda aka ga Musulmai a Jos na boye Kiristoci a yayin da rikici ya barke. An ga yanda daga baya suke mika Kiristocin a hannun jami'an tsaro. https://twitter.com/i/status/2039355260716589252 Lamarin ya jawo musu yabo da kuma Addu'ar Allah ya kawo mana zaman Lafiya. https://twitter.com/i/status/2039395012455084293

Daya daga cikin manyan yaran tsohon Ministan tsaro, Abubakar Badaru me suna Hon. Zakari Kafin Hausa ya fice daga jam'iyyar APC. A sakon da ya fitar dake ta yawo a kafafen sada zumunta yace ya fice daga jam'iyyar APC saboda tana saka mutane cikin damuwa. Sannan yayi kira ga duka mabiyansa suma su fice daga jam'iyyar. https://twitter.com/i/status/2039457227031900603

Hukumar sojojin Najeriya ta baiwa 'yan Najeriya hakuri saboda rashin ganin canji a harkar tsaro duk da zuwan sojojin Amirka. Me magana yawun hukumar Major General Micheal Onoja ne ya bayyana hakan a wata ganawa da manema labarai. Yace sojojin na Amirka suna aikin bayar da bayanan sirri ne amma basa yaki. Yace 'yan Najeriya su yi hakuri sai a hankali za'a fara ganin Chanji.

Gwamnatin tarayya ta bayyana ranar 3 ga watan Afrilu da kuma Litinin 6 ga wata a matsayin ranekun bukukuwan Easter. Ministan harkokin cikin gida, Dr. Olubunmi Tunji-Ojo ne ya bayyana hakan a madadin Gwamnatin tarayya inda yace suna taya Kiristoci murnar wannan rana. Ya kuma yi kiran cewa, Kiristocin su yi koyi da halaye na gari na Jesus.

Shugaban kasa, Bola Ahmad Tinubu ya bayyana cewa, ya fasa kai ziyarar da yayi niyyar yi zuwa jihar Ogun saboda abinda ya faru a jihar Filato. Yace a yanzu zai kai ziyara jihar Filato ne dan jajantawa iyalan wadanda rikicin ya rutsa dasu sannan ya basu tabbacin samar da tsaro. Yace daga can zai wuce Legas dan yin hutun good Friday sannan kuma zai yi ziyarar aiki a Lagos din da Ogun da Bayelsa.