Duk Labarai

Gwamnatin tarayya ta sanar da baiwa 'yan Najeriya miliyan 24 tallafi daban daban da suka hada dana bashi dana koya sana'a da dai sauransu. Ministan kudi, Wale Edun ne ya bayyana haka a wata ganawa da manema labarai. Ya kara da cewa tallafin da suka bayar sun hada da bangaren Noma, Makamashi, masana'antu kiwon lafiya da dai sauransu. Hakan na zuwane a yayin da 'yan Najeriya ke ta fama da kokawa da matsin tattalin arziki wanda yasa kayan masarufi suka yi tashin gwauron zabi.

Gwamnatin tarayya ta bayyana cewa tana baiwa masu boye da dalar Amurka a gidaje su fito da ita su kai banki wata tara. Gwamnatin tace idandai kudaden na halas ne ba na sata ba ko zamba cikin aminci ba,babu wani hukunci da za'a wa mutum idan ya fito dasu. Ministan kudi, Wale Edun ne ya bayyana haka inda ya zargi cewa masu boye dalar na taimakawa wajan kara karancinta da tsadarta a Najeriya.

Hukumar kula da abinci da magunguna ta kasa, NAFDAC ta yo gargadin daina amfani da wani kalar Turaren Nivea Roll-on saboda illar da yake dauke da ita. Kalar turaren da ta ja kunne kan amfani dashi shine Nivea Black & White Invisible Roll-on deodorant saboda yana dauke da wani sinadari da aka haramta amfani dashi a cikin turaruka. Tuni kungiyar Kasashen Turai ta EU ta fitar da sanarwa akan daina amfani da wannan turare inda tace duk ma wadanda suka sayeshi su mayar dashi ga kamfanin. Shi wannan sinadari dai na taba lafiyar haihuwar masu amfani dashi inda yawan amfani dashi na iya kai ga mutum ya kasa haihuwa sannan yana taba lafiyar yaron da ba'a haifa ba idan mace me ciki na amfani dashi sannan kuma yana sanya kaikai a jikin mutum. Shi wannan sinadari dai sunansa 2-(4-tert...

Shahararren mutuminnan na jihar Bauchi me suna Bala wanda yayi suna a kafafen sada zumunta saboda bayyanar hotunansa yana rungumar mata a jihar Bauchi an yi hira dashi. A hirar ya bayyana cewa, abubuwan da suka faru wanda ake ta yayata hotunansu a yanzu wasunsu sun kai shekaru 20 da faruwa saidai yace na baya-bayannan shekaru 6 ne da faruwarsa. Yace shi baya rayuwa irin ta addini, rayuwa yake irin ta 'yanci da jin dadi. Saidai yace yana son ya auri mace me aiki wadda ko da bayan ya mutu zata kula da 'ya'yansu. Kalli Bidiyon anan

Majalisar zartaswa wadda ta hada da kungiyar gwamnonin Najeriya, NGF ta bayyana cewa tana baiwa shugaban kasa, Bola Ahmad Tinubu shawarar ya dakata da maganar kara harajin VAT. Kungiyar gwamnonin ta bakin gwamnan jihar Oyo, Seyi Makinde tace tana baiwa shugaban kasar shawarar ya dakata a wayarwa mutane da kai su fahimci abinda kudirin kara dokar VAT din ke nufi. Sannan ya kamata a tuntubi masu ruwa da tsaki a kan harkokin al'umma dan jin shawarar su kan lamarin. Ko da a baya dai, Kungiyar Gwamnonin Arewa da sarakunan yankin sun bayyana cewa basa tare da shugaban kasar kan karin harajin VAT.

Hukumar bayar da lamuni ta Duniya tace bata canja ba, har yanzu tana nan akan bakanta cewa shugaba Tinubu ya cire tallafin man fetur dana dala. Hukumar tace ta hakane 'yan Najeriya zasu samu saukin rayuwa daga matsin tattalin arzikin da suke fama dashi. Karin farashin man fetur dai yasa kayan masarufi sun tashi sama sosai inda talakawa ke cin abinci da kyar. Lamarin ya jawowa gwamnati tofin Allah tsine tsakanin Talakawa. Hakanan an sha zargin hukumar ta IMF da bankin Duniya da bayar da shawarwarin dake jefa kasashe da yawa cikin wahalar rayuwa.

Bayan dawowar wutar lantarki a jihar Kaduna, Matasa sun hau titi inda suka rika wakar cewa Nepa ta dawo. Bidiyon hakan ya watsu sosai a kafafen sada zumunta: https://www.youtube.com/watch?v=caZd7slnLhs Wasu sun bayyana abin da Nishadi inda wasu kuma suka bayyana takaici da cewa 'yan Kaduna sun bayar da kunya da wannan murna. https://twitter.com/Abdool85/status/1851757048075051304?t=oy8qaPAfPahhKBfpfc46Tg&s=19 Kusan sati biyu aka kwashe ana fama da rashin wuta a yankin Arewa kamin a samu ta dawo.

Kungiyar kwadago ta NLC ta bayyana cewa kara farashin man fetur da gwammatin tarayya ke yi na kai mutane bango. Kungiyar tace gwamnati ta kiyayi ranar da ran mutane zai baci su yi mata fitar ba zata. Ta kara da cewa shirun da 'yan Najeriya ke yi akwai randa zasu fusata idan aka kaisu bango dan kuwa ko da akuyace aka cika takura mata tana cizo. Wani dan kungiyar ta kwadago ne ya bayyanawa kafar jaridar Vanguard haka a wata hira da aka yi dashi inda yace baya son a bayyana sunansa. Yace matsin da gwamnati ke yi musamman na kara farashin man fetur zai kai kutane bango wanda kuma gwamnatin ce zata jawo a mata bore. Yace idan ka cire mutanen dake cikin gwamnati da danginsu da abokansu yawanci mutane suna cikin halin yunwa da kaka nikayi. Yace ba zai yiyu ka rika dukan yaro amm...

{"remix_data":[],"remix_entry_point":"challenges","source_tags":["local"],"origin":"unknown","total_draw_time":0,"total_draw_actions":0,"layers_used":0,"brushes_used":0,"photos_added":0,"total_editor_actions":{},"tools_used":{"square_fit":1},"is_sticker":false,"edited_since_last_sticker_save":true,"containsFTESticker":false} An kama wani dan kasar Amurka, Larry Savage saboda zargin satar kuri'a da lalata kuri'ar da cin amanar kasa. Larry Savage dan takara majalisar tarayyar Amurka ne daa Indiana saidai bai ci zaben ba. Lamarin ya farune a yayin da aka gudanar da zaben gwaji a Madison County dake Indiana. An tara kuri'u ana shirin zabe sai aka ga babu guda biyu, ko da aka duba kyamara sai aka hango Larry ya saka kuri'un guda biyu cikin aljihunsa. Larry ya sace kuri'un ne baya...

Sanata Osita Ngwu dake wakiltar mazabar Enugu West a majalisar dattijai ya yabi kyawun Bianca Odumegwu-Ojukwu wadda shugaban kasa, Bola Ahmad Tinubu ya aike da sunanta majalisar dan a tantance ta a matsayin karamar Ministar harkokin kasashen waje. A yayin da ya tashi zai mata tambaya, ya fata cewa kyakkyawa, Bianca. Nan take kuwa kakakin majalisar, Godswill Akpabio ya taka masa burki inda yace ya daina yabon kyawunta dan babu inda ta rubuta cewa ita kyakkawan ce a cikin takardunta. Hakan yasa an fashe da dariya a majalisar.