Hajjin Bana

A karo na biyu an sake samun Alhaji dan Najeriya da ya tsinci kudade masu yawa a kasar Saudiyya ya mayar dasu. Mutumin me suna Muhammad Na’Allah ya fito ne daga karamar hukumar Gumi ta jihar Zamfara kamar yanda hukumar Alhazai ta kasa NAHCON ta bayyanar. Ya tsinci kudaden ne a Harami wanda suka kai €1,750 kuma ya kaiwa hukumar ta NAHCON dan a mayarwa mesu. Shugaban hukumar, Malam Jalal Ahmad Arabi ya jinjinawa mahajjacin inda ya bayyana cewa lallai aikin hajjinsa ya koyar dashi darasi me kyau,sannan sunansa na'Allah ba suna bane kawai na'Allahn ne. A baya ma dai wani Alhaji daga jihar Jigawa, Abba Sa’ad Limawa shima ya tsinci Naira Miliyan 1.6 kuma ya mayarwa meshi kayansa inda ya bayyana cewa, tsoron Allah ne yasashi yin hakan.

A rahoton farko an ji cewa: Tsananin zafi a hajjin bana alhazai 900 ne suka rasu! Kamfanin dillancin labarai na AFP bayan tattara bayanai daga ofisoshin jakadancin ƙasashe na cewa aƙalla alhazai 922 ne suka mutu yayin aikin Hajjin, akasari saboda tsananin zafi da aka yi fama da shi. Lokacin Hajji a kasar Saudia. 2024 Alkaluman sun tabbatar da cewa Aƙalla 'yan ƙasar Masar 1,400 ne aka ba da rahoton sun ɓace cikinsu har da 600 da suka mutu, kamar yadda wasu jami'an difilomasiyya suka shaida wa AFP. Saidai sabon rahoton daga AFP ya tabbatar da cewa yawan alhazan da suka mutu sun kai 1081.

IKON ALLAH: Wani Mahajjaci Mai Larurar Kafa Dake Yawo A Keken Guragu Ya Mike Tsaye Bayan Da Ya Zo Raudar Manzon Allah SAW. Allah Ya karawa Annabi SAW Daraja!

ALLAHU AKBAR: Ya Rasu A Yau Asabar Bayan An Yi Gama Hawan Arfa Da Shi A Makkah. Daya daga cikin mahajjatan jihar Katsina, Alhaji Ali Tukur Daura ya rasu a yau bayan an kammala hawan Arfa da shi a kasar Saudiyya. Allah Ya gafarta masa.

Yayin da ake shirye-shiryen soma aikin hajji gadan-gadan a ƙasar Saudiyya, ana nuna damuwa kan yadda yanayin zafi ke ƙaruwa a birnin Makka da kewaye inda ake gudanar da ibadar ta hajji. Hakan na zuwa ne yayin da dubun dubatar Musulmi ke ci gaba da kwarara zuwa birnin mai tsarki gabanin somawar aikace-aikacen hajji a ranar Jumu’a. Hukumomin ƙasar kan yi tanadin na'urorin da za su taimaka wa maniyyata wajen rage zafin da suke fuskanta. Fiye da mutum miliyan 1.3 ne za su gabatar da aikin hajji a wannan shekara

Ƙasar Saudiyya ta ƙaddamar da na'urorin amsa fatawa ga masu ibada a masallatan harami. Na'urorin za su riƙa amsa tambayoyin da ke da nasaba da shari'a da dokokin addinin musulunci. Shafin X na Haramain ya ce an girke na'urori a harabobin masallatan harami domin bayar da fatawa ga maniyyata a lokacin aikin hajjin bana. Masu buƙatar fatawa za su kusanci na'urorin domin tambayar abin da ya shige musu duhu, inda su kuma na'urorin za su sada su da wani malami da zai amsa tambayar nan take. Na'urorin na karɓar fatawa da amsa ta cikin harsunan duniya 11, kamar yadda shafin Haramain ya bayyana

Shafin Haramain dake wallafa bayanai akan yanda akw gudanar da dakin ka'aba dake kasar Saudiyya ya wallafa hotunan jami'n tsaron dake samar da tsaro ga dakin da mahajjata. Saidai hakan ya jawo cece-kuce. Wasu na ganin cewa, bai kamata a saka jami'an tsaro a wajan dauke da makamai ba dan kada a firgita mahajjata. https://twitter.com/insharifain/status/1800411801257140586?t=6-1YdPPB03RQA5kZPu7-nw&s=19 Wasu kuwa cewa suke kamata yayi a kai jami'an tsaron su taimakawa Falasdinawa

Hajj 2024: Sarkin Saudiyya ya gayyaci ƴan Najeriya 30 a matsayin baki Sarkin Saudiyya Salman Bin Abdulaziz Al Saud, mai kula da Masallatan Harami guda biyu, ya gayyaci 'yan Najeriya 30 a matsayin baki domin halartar aikin hajjin 2024. Gayyatar dai ta ta’allaka ne kan irin gudunmawar da mutanen suka bayar wajen fadada ilimin addinin Musulunci da fadakarwa da ake yi a duk shekara yayin ziyarar aikin Hajji a kasar Saudiyya. Daga cikin ‘yan Najeriya da aka gayyata akwai kwararre kan harkokin kudi da haraji, Dokta Awa Ibraheem, Grand Khadi na Jihar Kwara, Mai Shari’a Abdullateef Kamaldeen, Grand Khadi mai ritaya, Mai Shari’a Idris Haroun, malamin addinin Musulunci na Jihar Legas, Sheikh Imran Eleha, Uwargidan Gwamnan Jihar Jigawa da Hadiza Ndamadi da Sarauniya Seidat Almubarak, matar D...

Hukumar Alhazan Najeriya wato NAHCON ta ce a ranar Litinin ne za ta kammala kwashe maniyyata zuwa ƙasa mai tsarki, a daidai lokacin da hukumomin Saudiyya suka sanar da rufe filin jirgin Sarki Abdul'aziz da ke Jeddah. A wata sanarwa da ta wallafa a shafinta na X, mai ɗauke da sa hannun mai magana da yawun hukumar, Fatima Sanda Usara, hukumar ta ce "Jirgin karshe na maniyyata zuwa aikin Hajji na shekarar 2024 zai tashi daga Abuja da sanyin safiyar ranar Litinin, 10 ga watan Yunin 2024, inda zai nufi Madina." Ana dai sa ran cewa jirgin zai ɗauki kimanin alhazai 211 daga Zamfara da Sokoto da Kebbi da Bauchi da Abuja da kuma jNeja, tare da rukunin karshe na jami’an aikin Hajji a cikin jirgin na FlyNas. Hakan ne ya kawo ƙarshen "jigilar alhazai na bana zuwa Saudiyya inda Aero Contractor...