Hutudole

Rundunar sojin Najeriya ta musanta rahoton da Amnesty International ta fitar na zargin jami’anta da tsare tare da cin zarafin mata da yara da dama da suka tsere daga hannun ‘yan Boko Haram a yankin arewa maso gabas. Mai magana da yawun rundunar Edward Buba ta bakin mataimakinsa kan yaɗa labarai, Group Kaftin Ibrahim Ali Bukar, ya shaida wa BBC cewa "ba za su damu da irin waɗannan kalamai na son kai da aka yi da niyyar rage kwarin gwiwar sojojin fafutuka don tabbatar da tsaro ba" Ya kara da cewa sojojin za su yi haɗin gwiwa mai inganci da Amnesty International idan akwai bukatar yin hakan kuma za su ci gaba da gudanar da ayyukansu na kawar da ta'addanci da tabbatar da tsaro. Wannan martanin ya zo ne kwana guda bayan da Amnesty International ta zargi gwamnati da gazawa wajen bai wa ...

Rundunar 'yansadan Najeriya ta farin kaya a Najeriya (DSS) ta ce ta samu labarin wasu na shirin fakewa da gudanar da zanga-zanga a faɗin ƙasar da zimmar aikata laifuka kuma ta nemi 'yan ƙasa su guji yin hakan. Wata sanarwa da rundunar ta fitar ta ce an shirya zanga-zangar ne da gangan "domin ta dace da Ranar Dimokuraɗiyya ta 12 ga watan Yuni". Ta alaƙanta zanga-zangar da gwagwarmayar neman ƙarin albashi mafi ƙaranci da ƙungiyoyin ƙwadago ke yi, inda ta ce "gwamnatin tarayya ta fi son a warware matsalar cikin lumana har ma da maganar mafi ƙarancin albashi". "Sai dai kuma DSS na jaddada aniyarta ta kare ƙasar daga duk wani yunƙuri na wasu ƙungiyoyi na karya doka da oda. Sannan kuma za ta hada kai da sauran jami'an tsaro don kare rayuka da dukiyoyi," in ji sanarwar. Ita ma runduna...