Hutudole

A yau, Juma'a, Sabon Ministan tsaron Najeriya, Janar Christopher Musa ya shiga ofis a yau, Juma'a. Ya samu tarba me kyau a ma'aikatar tsaron. https://twitter.com/NigAffairs/status/1996904576155320375?t=1z0fuCtjjgZzHiUeeNZjmQ&s=19

Bayan da Hadiza Gabon ta ki saka hoton Adam A. Zango a dakin da take hira da mutane wanda ya jawo cece-kuce sosai. Daya daga cikin matakan da masoya Adam A. Zango suka sha alwashin dauka shine zasu yi Unfollow dinta a shafukan sada zumunta dan nuna bacin Ransu. Tun bayan shan wannan Alwashi yanzu sama da awanni 24 kenan Hutudole yana saka ido akan shafukan na sada zumuntar Hadiza Gabon dan ganin ko zata samu raguwar mabiya. Mutane musamman a kasashen Turawa sukan dauki irin wannan mataki na Unfollow ga wani da yayi wani abinda basa so. Saidai Hutudole har zuwa yanzu ya lura cewa Hadiza Gabon bata rasa mabiya ba ko kuma mabiyanta basu ragu ba a shafukanta na sada zumunta.

Tauraron mawakin Hausa, Dauda Kahutu Rarara ya kai mahaifiyarsa sabon katafaren masallacin da ya gina a mahaifarsa dake Kahutu Jihar Katsina. https://www.tiktok.com/@u7_sarki/video/7580129572205694226?_t=ZS-91xwvFmDUll&_r=1 A yau Juma'a ne dai Rarara zai bude wannan masallaci.

Kakakin Majalisar Dokokin Jihar Rivers, Martin Amaewhule, ya sauya sheƙa tare da wasu ƙarin mambobi 15 na majalisar a ranar Juma’a, lamarin da ya ƙara dagula harkokin siyasar jihar wadda ke fama da rikice-rikicen cikin gida tun watanni da dama. Rahotanni sun nuna cewa sauya sheƙar na da alaƙa da rikicin siyasa da ya dabaibaye jihar. Wannan mataki ya mayar da adadin mambobin majalisar da suka koma jam’iyyar APC zuwa 16 gaba ɗaya. Sauya sheƙar ya faru ne a wani zama na musamman da majalisar ta yi inda mambobin suka bayyana cewa sun yanke shawarar komawa APC

Wannan malamin ya bayyana cewa idan mutum na da mata kuma yana neman kara aure ya je neman diyarsa kuma ya gano mutum na cin Indomie a teburin me shayi to ba zai bashi diyarsa ba. Yace dalili kuwa shine hakan ba adalci bane. Ka bar iyalinsa a gida da garau-garau ka je Teburin me shayi cin Indomie. https://www.tiktok.com/@zaidou1taza/video/7580089084819868940?_t=ZS-91xuxXVejnV&_r=1

Babban yaron Naziru Ahmad Sarkin Waka, Abba C Sale ya bayyana cewa idan Dauda Kahutu Rarara dan Allah ya gina masallacinsa ba sai ya nunawa Duniya ba. Amma duk da haka yace yana fatan Allah ya bayar da lada idan dan Allah yayi. Ya bayyana hakane a Bidiyon daya saki a Tiktok. https://www.tiktok.com/@abbacsale2/video/7580282459506461973?_t=ZS-91xqFHoRhxZ&_r=1 A yaune dai Dauda Kahutu Rarara zai bude katafaren masallacin da ya gina a mahaifarsa dake Kahutu.

Tauraruwar fina-finan Hausa, Rashida Mai Sa'a ta sake kawo wasu magunguna na mallaka wanda aka yi da Dodon Kodi da kuma wanda aka yi da Qaho. An ga Rashidar na nunawa wata suna hirarsu. https://www.tiktok.com/@mamanmeimacollection/video/7580035395140766996?_t=ZS-91xp54SwgTZ&_r=1 Hakan na zuwane bayan da a baya Rashida ta dauki hankula sosai saboda fito da kwado wanda tace yana Zarmalulun maza masu aure tashi.

Karamin ministan tsaro, Bello Matawalle ya bayyana cewa, nada Christopher Musa ministan tsaro ya saka 'yan Bindiga cikin damuwa. Ya bayyana hakane yayin hirar da aka yi dashi a DCL Hausa. Yace Christopher Musa mutun ne jajirtacce me kwarewa wanda kuma yasan aikinshi Da aka tambayeshi ya zasu yi aiki tare, yace dama su ba bakin juna bane sun san juna tun suna matasa. https://www.tiktok.com/@dclhausa/video/7580088473605066006?_t=ZS-91xlMedULkO&_r=1

Tsohon Firaiministan Ingila, Boris Johnson ya bayyana cewa gashi cikin aminci a Najeriya duk da labaran da ya ji cewa wau ana Mhuzghunawa Kiristoci a Najeriyar. Ya bayyana hakane a wajan taron Tattalin Arziki da ya faru a jihar Imo. Boris yace ko da yake kan hanyar zuwa Imo sai da aka gaya masa akwai barazanar tsaro amma duk da haka shi sai ya je. Yace gashi kuma ya samu kansa cikin aminci. Ya tambayi wadanda ke wajan taron ko suna cikin aminci? Suka ce masa Eh.

Lamarin ya koma Kasa da kasa inda aka ga farar fata sun fara dora hoton Adam A. Zango suna nuna masa soyayya. Hakan na zuwane bayan da Hadiza Gabon ta ki saka hoton Adam A Zango a dakin da take hira da mutane wanda lamarin ya jawo cece-kuce sosai. Masoya Adam A. Zango sun yi Caa akan Hadiza Gabon kan wannan lamarin. Wasu dai sun rika cewa wannan itace Mama da Adam A. Zago yawa waka a baya. https://www.tiktok.com/@zainab_sadiq218/video/7579934430471425292?_t=ZS-91xgeNLIOv3&_r=1