Hutudole

Rahotanni sun bayyana cewa, kwanaki kadan kamin mutuwar shugaban cocin katolika, Fafaroma Francis, Gunkin Virgin Mary( watau Mahaifiyar annabi Isa(AS)) ya zubar da hawaye. Gunkin yayi hawayenne ranar Juma'a, 18 ga watan Afrilun daya gabata. Da yawa dai sun alakanta hakan da mutuwar Fafaroma. Wasu kuma sun ce hakan wata mu'ujizace ta musamman.

Shugaban jam'iyyar APC, Dr. Abdullahi Umar Ganduje ya mayarwa da Jigo a jam'iyyar NNPP, Injiniya Buba Galadima martani kan sukar da ya masa. Injiya Buba Galadima ya bayyana Ganduje a matsayin wanda bashi da wani muhimmanci a siyasance. Saidai a martanin Ganduje yace shi kuwa ke da muhimmanci dan sau biyu a jere ya zama Gwamnan Kano. Sannan yace ayyukan da ya gudanar suna nan har yanzu ana ganinsu. Yace kuma APC a karkashinsa sai kara ci gaba take amma jam'iyyar su buba Galadima NNPP sai ci baya take banda rikicin cikin gida babu abinda suke fama dashi. Yace sannan shi kanshi Buba Galadima a siyasance babu wani abu da zai nuna na ci gaba da ya samu dan ko dawwamammen jam'iyya baya da ita.

An dakatar da wasanni guda huɗu na gasar Serie A ta ƙasari Italiya bisa rasuwar Fafaroma Francis. A ranar Litinin fadar Vatican ta sanar da rasuwar fafaroman wanda ya shafe shekara 88 a duniya bayan wata jinya da ya yi har aka kwantar da shi a asibiti. Karawar da aka soke ta haɗa da:Torino v Udinese, Cagliari v Fiorentina, Genoa v Lazio and Parma v Juventus. Hukumar da ke lura da gasar ta Serie A a ƙasar ta ce za ta duba wani lokacin da za a buga wasannin a nan gaba. Ƙungiyoyin ƙwallon ƙafa da dama sun miƙa ta'aziyyar su bisa rasuwar shugaban cocin katolikan na duniya.

Wani hatsarin mota ya yi sanadiyar mutuwar aƙalla mutum biyar yayin da wasu takwas suka ji raunuka a ƙaramar hukumar Billiri ta jihar Gombe. Lamarin ya faru ne a lokacin da birkin wata mota ɗauke da kayan abinci ya shanye, inda ta kutsa cikin dandazon jama’a da ke gudanar da bukukuwan Easter na mabiya addinin Kirista. Wata da ke halartar bukukuwan kuma ta shaida lamarin ta faɗa wa BBC cewa ɓacin rai ya sa mutane suka ƙona motar nan take. "Ana rawa ana waƙa ana biki, kawai sai mutane muka gani a ƙarƙashin mota, ana cewa ya tsaya ya tsaya amma bai tsaya ba," in ji ta. "An ƙona komai da komai na motar, har sai da jami'an tsaro suka zo suka kori mutane." Rundunar 'yansanda a jihar ta ce cikin waɗanda suka jikkata har da wasu Musulmai da ke sallah a gefen titi. Ismaila Uba Mis...

Rahotanni daga gidan yarin Maiduguri na cewa, Charles Oka da ake tsare dashi a gidan yarin saboda tayar da bam a ranar 'yancin Najeriya ya mutu. Rahoto a daren jiya daga Sahara reporters yace an jefa bam a dakin da Charles Okah ke tsare wanda hakan yasa hayaki ya tashi a dakin wuta ta tashi ta kama gidan sauron da yake ciki da kuma katifar da yake kwanciya akai. A sabon rahoton da aka samu yau yace Charles Okah ya jikkata sanadiyyar wannan lamari. Saidai daga baya an samu rahotanni dake cewa yana mutu amma ba'a hukumance ba. Charles Okah dai ya rubuta budaddiyar wasika zuwa ga Ministan harkokin cikin gida inda yake zargin aikata rashawa da cin hanci a gidan yarin. Tun daga nanne dai aka sakashi a gaba. Hukumar gidan yarin Najeriya tace babu wani bam da ya tashi a gidan ya...

Mutane da yawa ne a Kano ke tururuwa zuwa Hotoron Arewa inda suka ce an ga wani Gulbi a garin da sahun Annabi(Sallallahu Alaihi Wasallam) a cikinsa. Mutane dai na kokawar shan ruwan da kuma yin wanka a cikinsa dan neman tubarraki. Mutane sun mayar da gurin kamar wani wajan Ibada inda masu fama da ciwuka da suka dade basu warke ba ke zuwa dan su sha ruwan gulbin ko su yi wanka dashi. A Bidiyon da ya watsu sosai a kafafen sadarwa wanda hutudole.com ya gani, an nuna yara da matasa maza da mata suna kokawar shan ruwan da watsawa a jikinsu. https://twitter.com/bapphah/status/1914187045083247072?t=_r5ZFF-W63swwbcEDrnZGQ&s=19 A wajan an ga yanda Aljanun wata mata ya tashi sannan an ga yanda wata mata ko lullubi babu ta je wajan.

An wayi garin yau, Litinin da fastocin yakin neman zaben shugaban kasa na 2027 na Gwamna Bala Muhammad a titunan Bauchi. Rahoton yace an kika fastocin a guraren da suka fi faukar hankali irin su shataletale da jikin pol din wutar lantarki da sauransu. Masu lika fastar sun ce wasu 'yan siyasa Ya’u Ortega da Talolo ne suka basu aikin lika fastar. Daily Trust ta yi kokarin jin ta bakin wadanda suka bayar da aikin lika fastar amma abin ya ci Tura.

Fafaroma Francis Limamin cocin Katolika na ta shan yabo kan abubuwan da ya shahara akansu. Cikin abubuwan da ya sha yabo akansu shine goyon bayan 'yan Luwadi da Madigo. Duk da ya samu Turjira daga da yawa daga cikin limaman cocin amma ya tsaya tsayin daka dan nuna goyon bayansa ga 'yan Luwadi da madigo da kwatar musu hakkinsu. Hakanan yayi suna wajan nuna rashin jin dadin kisan da akewa Falasdinawa. Hakanan yayi suna wajan Ganin an samu jituwa tsakanin Kirista da musulmai. Ya kuma yi suna wajan ganin an baiwa 'yan ci rani kariya. Hakanan yayi suna wajan son kwallon kafa.

Rahotanni sun bayyana cewa, masu garkuwa da mutane sun kashe wannan matar me suna Maryann Oluchukwu Onwuchekwa 'yar Kimanin shekaru 30. Rahoton yace an sace tane tare da mahaifinta da bashi da lafiya da matar dan uwanta amma daga baya aka bar babanta saboda rashin lafiyarsa. Daga baya an sako matar dan uwanta amma ita daga baya an tsinci gawar ta a daji. Tuni 'yan uwanta suka bayyana sanda za'a yo jana'izarta. Lamarin ya farune a Amansea dake karamar Hukumar Awka North dake jihar Anambra.

Shugaban Hukumar ta Hisbah na shiyyar Katagum da ke Azare, Malam Ridwan Muhammad  Khairan ya bayyana cewar, ana zargin matar, wadda ake kira Baba Mai Ɗan Wake da laifin yin fasikanci ta hanyar tilasawa da yaudara da wani almajiri dan kimanin shekaru 14, bayan ta sanya masa maganin ƙarfin maza a cikin lemon kwalba don ya riƙa biya mata buƙata. Ya ce almajirin ya haɗu da Nana Mai Ɗan Wake da yake mata wanke-wanke a Sabuwar Tashar Jama’are ne, a cikin garin Azare, inda ta buƙaci ya riƙa zuwa gidanta yana kwana, inda ta rika yaudarar sa har ta riƙa yin lalata da shi. A cewar Malam Ridwan Mohammed Khairan, sun cafke matar ne bayan samun labari cin zarafin almajirin ta hanyar neman sa da ya riƙa biya mata buƙata irin ta mata da miji. Ya ce almajirin da kansa ya gudu ya nemi mai unguwa...