Author: Bashir Ahmed

Wannan wasu 'yansandan Najeriya ne da rahotanni suka bayyana cewa Tsire da shawarma ya hadasu fada An gansu suna ta kowa inda mutane suka tsaya suna kallonsu. Wanda suka shaida abin sun ce tsire da shawarma ne suka hada fadan. https://twitter.com/General_Somto/status/2002390709823746355?t=FAp2ekLm3_TtdS5-tjGuBg&s=19

Mataimakin shugaban kasa, Kashim Shettima ya bayyana cewa, Wawa ne kadai wanda ya shirya lalata rayuwarsa zai tsaya takara da shugaban kasa, Bola Ahmad Tinubu a zaben shekarar 2027 me zuwa. Ya bayyana hakane a wajan taron jigajigan jam'iyyar APC Saidai yace a Dimokradiyya muke, duk me ra'ayi a iya fitowa ya tsaya takarar shugaban kasar a 2027 ya gwada sa'a. https://twitter.com/NigeriaStories/status/2002348240830644568?t=jjNvCbXtJrGmdcnuPNCmWQ&s=19

A wajan Gaisuwar Marigayi Sheikh Dahiru Usman Bauchi, shugaban kasa, Bola Ahmad Tinubu yayi sallama ba daidai ba inda akai ta cece-kuce akan hakan. Wasu sun rika fadin cewa ko dai ba musulmi bane, wasu kuma suka ce ko sallama bai iya ba. Hakanan a wajan turancin gaisuwar ma maimakon yace Condolence an jishi yake kolodelence. Hakan ma ya kara jawo cece-kuce sosai. https://www.tiktok.com/@rashidi_yakini/video/7585999501727452436?_t=ZS-92OAgMlCJ60&_r=1 https://twitter.com/Imranmuhdz/status/2002436738128777722?t=Mag9FmP6vFYi3YHtKVGsLA&s=19

Hukumar kula da wasanni ta kasa, NSC ta bayyana cewa Kasar Dr. Congo ba zata tsallake korafin da aka shigar akanta na maganar saka 'yan wasan da basu dace ba a wasannin data buga da Najeriya. Shugaban hukumar, Shehu Dikko ne ya bayyana hakan a yayin ganawa da gidan Talabijin na Arise TV. Yace ba wai dan Najeriya bata yi nasara bane yasa yake fadat hakan ba, yace tun kan a buga wasan sun san cewa wasu 'yan wasan kasar ta Benin Republic basu cancanta da buga wasan ba. Najeriya dai ta shigar da kara gaban FIFA inda take neman a binciki Dr. Congo kan 'yanwasanta.

Matasa a jihar Kebbi sun fito gangami dan neman EFCC ta saki tsohon Ministan shari'a, Abubakar Malami da take rike dashi. An ga matasan dauke da kwalaye mau dauke da rubutun nuna goyon baya ga Abubakar Malami. EFCC dai ta kama Abubakar Malami ne bisa zargin almundahanar kudade masu yawa ciki hadda na Abacha da aka kwato.

Shugaban kasa, Bola Ahmad Tinubu ya sauka a garin Maiduguri a ziyarar da yake yi a jihar Borno. Shugaban zai kaddamar da ayyukan da gwamnatin jihar ta Gudanar ne. Gwamnan jihar, Babagana Umara Zulum da tsohon Gwamnan Jihar, Madu Sheriff ne suka tarbi shugaban a filin jirgin sama na Muhammadu Buhari. https://twitter.com/NigeriaStories/status/2002371722326966484?t=0V6h-8r4_UlJgH2POmofXA&s=19

Wata sabuwar waka da 'yan Shi'a suka yi dan murnar Kirsimeti da haihuwar Annabi Isa(AS) ta jawo cece-kuce. A sati me zuwane dai Kiristoci zasu yi murnar Kirsimeti wadda suke alakantawa da haihuwar Annabi Isa(AS). 'Yan Shi'a sukan shiga coci-coci dan taya Kiristoci murnar bikin wannan rana. Saidai a wannan karin hadda waka. https://www.tiktok.com/@musabratheey.313/video/7585266604464770324?_t=ZS-92NguWtRKoC&_r=1

Baffa Hotoro ya bayyana cewa, 'yan Darika na fadar La'ilaha ilallah ne saboda da Larabci ake fada kuma basu san me hakan ke nufi ba. Ya bayyana hakane a wani karatunsa. Yace da sun san ma'anar abinda ake fadi da ba zasu fada ba. https://www.tiktok.com/@leeman4646/video/7585671432705674517?_t=ZS-92NfP4IdtbN&_r=1

shugaban kasa, Bola Ahmad Tinubu ya bayyana cewa, yana Alfaharin sanar da 'yan kasa cewa, Jam'iyyarsu ta APC itace babbar Jam'iyyar da babu kamar ta kaf Afrika. Shugaban yace a yanzu jam'iyyar APC na da gwamnoni 28. Ya bayyana hakane a wajan babban taron jam'iyyar daya Gudana a Abuja. https://twitter.com/DOlusegun/status/2002322510927253983?t=5YCjK2dipFkEwjfP2pBmuQ&s=19

Sabon Depot din horas da sojoji na garin Osogbo dake jihar Osun sun yaye sojojin farko da aka horas. A yau, Asabar ne aka yi bikin yaye matasan sojojin Rahotanni sun ce manyan baki a wajan sun hada da Gwamnan jihar Osun, Ademola Adeleke da kuma shugaban sojojin Najeriya, Lt. Gen. Waidi Shuaibu. https://twitter.com/DejiAdesogan/status/2002324588798079014?t=0F0FBiGkjsWdFNgD6uOqvg&s=19